ក្រុង-ស្រុកចំនួន ៥ ក្នុងខេត្តកំពង់ស្ពឺ​រងការវាយប្រហារ​ពីជំនន់ទឹកភ្លៀង​

មន្ត្រីធនធានទឹក និងឧតុនិយមខេត្តកំពង់ស្ពឺបានឱ្យដឹងថា ទំនប់រលាំងជ្រៃទ្វារទឹកទាំងប្រាំត្រូវបានបើកនៅថ្ងៃទី ១៣ ខែមករា ឆ្នាំ២០២៣ នេះដូច្នេះបងប្អូនប្រជាពលរដ្ឋដែករស់នៅអមសាងខាងដងស្ទឹងព្រែកត្នោតមេត្តាបង្កើនការប្រុងប្រយ័ត្នខ្ពស់បំផុត ព្រោះទឹកនៅតំបន់ខាងលើបន្តហូរធ្លាក់មកដដែលដោយសារភ្លៀងមិនទាន់រាំង។

តាមរបាយការណ៍ភ្លៀងបានធ្លាក់ជាបន្តបន្ទាប់ប៉ុន្មានថ្ងៃនេះធ្វើឱ្យក្រុង-ស្រុកចំនួន០៥នៃខេត្តកំពង់ស្ពឺ បានរងនូវការវាយប្រហារដោយជំនន់ទឹកភ្លៀង ប៉ុន្តែមិនទាន់ពលរដ្ឋណាម្នាក់រងគ្រោះថ្នាក់ឡើយ។ ខណៈនេះមន្ទីរពាក់ព័ន្ធ កងកម្លាំងប្រដាប់អាវុធគ្រប់ប្រភេទបានចុះពិនិត្យស្ថានភាពតាមតំបន់មានជំនន់ទឹកដ់ម្បីរំដោះពលរដ្ឋជាពិសេសចាស់ជរា កុមារ និងជនពិកាមកទីទួលមានសុវត្ថិភាព។

ចំពោះក្រុង-ស្រុកកំពុងរងផលប៉ះពាល់ដោយជំនន់ទឹកភ្លៀងទាំងប្រាំ រួមមាន៖ ក្រុងច្បារមន ស្រុកឱរ៉ាល់, ស្រុកថ្ពង,ស្រុកសំរោងទង និងស្រុកភ្នំស្រួច។ អាជ្ញាធរប្រើប្រាស់កម្លាំងនិងគ្រប់មធ្យោបាយដើម្បីបង្ការសង្គ្រោះពលរដ្ឋដែលរងគ្រោះចេញពីតំបន់ទឹកលិច។

មន្ត្រីនៃប្រធានមន្ទីរធនធានទឹក និងឧតុនិយមខេត្តកំពង់ស្ពឺ បានប្រាប់ឱ្យដឹងថា ខណៈពេលនេះភ្លៀងនៅបន្តធ្លាក់នៅផ្នែកខាងលើជួរភ្នំគិរីរម្យ,ជួរភ្នំឱរ៉ាល់ និងជួរភ្នំក្រវាញភាគកណ្តា ធ្វើឱ្យទឹកបានហូរធ្លាក់យ៉ាងគំហុកចូលអាងស្តុកទឹកដល់ម្រិតទឹកគួរឱ្យព្រួយបារម្ភ។ សម្រាប់ទ្វាទឹករលាំងជ្រៃបានបើកទាំងប្រាំដើម្បីបណ្តោះទឹកចេញការពារបាក់ទំនប់ ដូច្នេះបងប្ងូនប្រជាពលរដ្ឋរស់នៅខងក្រោមត្រៀមលក្ខណៈនិងប្រុងប្រយ័ត្នចំពោះមនុស្សចាស់ កុមារ និងជនពិកាតែម្តង។

អាជ្ញាធរខេត្តកំពង់ស្ពឺ និយាយថា ផ្លូវជាច្រើនខ្សែត្រូវបានលិចលង់ និងកាត់ផ្តាច់ចរាចរណ៍ដោយកន្លែងដោយសារជំនន់ទឹកភ្លៀងវាយប្រហារក្នុងដើមខែមករានេះអាចនឹងបង្ករឱ្យមានការខួចខាតច្រើនត្រូវដោះស្រាយជួសជុលឡើងវិញក្រោយទឹកស្រក។

លោក វ៉ី សំណាង អភិបាលខេត្តកំពង់ស្ពឺបានអំពាវនាវទៅដល់អាជ្ញាធរភូមិ ឃុំ ស្រុក និងមន្ទីរពាក់ព័ន្ធ ត្រូវចុះពិនិត្យ និងយកចិត្តទុកដាក់លើការងារនេះ ដោយចូលរួមសហការពីបងប្អូនប្រជាពលរដ្ឋត្រូវផ្ដល់ព័ត៌មានដល់អាជ្ញាធរអោយបានទាន់ពេលវេលា ប្រសិនបើមានទឹកជនលិចនៅតំបន់ណា ឬភូមិណាដោយយថាហេតុ៕

អត្ថបទ៖ ភួង រដ្ឋា