សន្តិសុខសង្គម

ស្នងការខេត្តបាត់ដំបង ដាក់កម្លាំងជាង ២ ពាន់នាក់ សម្រាប់ការពារថ្ងៃបោះឆ្នោត

បានផុស

២ years មុន

នៅ

ថ្ងៃព្រហស្បតិ៍ ២០ កក្កដា ២០២៣

ដោយ

កម្លាំងសមត្ថកិច្ចខេត្តបាត់ដំបង ប្រមាណជាង ២ ពាន់នាក់ ត្រូវបានចាត់តាំង និងទទួលភារកិច្ចក្នុងកិច្ចការពារ ហិបឆ្នោត និងមណ្ឌលបោះឆ្នោត ដើម្បីរក្សាសន្តិសុខ សណ្ដាប់ធ្នាប់ ក្នុងថ្ងៃបោះឆ្នោតនាពេលខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅព្រឹកថ្ងៃទី ២០ ខែកក្កដា ឆ្នាំ ២០២៣ នេះ លោកឧត្ដមសេនីយ៍ទោ សាត គឹមសាន ស្នងការនគរបាលខេត្តបាត់ដំបង បានមានប្រសាសន៍ប្រាប់ «កម្ពុជាថ្មី» ថា នៅមុនថ្ងៃបោះឆ្នោត និងថ្ងៃបោះឆ្នោត នាពេលដ៏ខ្លីខាងមុខនេះ លោកបានបញ្ជាឲ្យសេនាធិការ ចាត់តាំងកម្លាំងសរុបចំនួន ២ ៤៤៥ នាក់ ក្នុងនោះមានកម្លាំងតាមការិយាល័យ កម្លាំងតាមអធិការដ្ឋាន និងកម្លាំងវរៈការពារព្រំដែន ដើម្បីត្រៀមលក្ខណៈចុះតាមមូលដ្ឋាន ក្នុងកិច្ចការពារមណ្ឌលបោះឆ្នោត និងហិបឆ្នោត ព្រមទាំងការការពារសន្តិសុខជូនប្រជាពលរដ្ឋក្នុងថ្ងៃបោះឆ្នោតផងដែរ។

លោកស្នងការ បានបន្ថែមថា នៅក្នុងការបោះឆ្នោតនីតិកាលទី ៧ ឆ្នាំ ២០២៣ នេះ ការិយាល័យ បោះឆ្នោតក្នុងខេត្តបាត់ដំបង សរុបមានចំនួន ១ ៦៩២ ការិយាល័យ ដែលក្នុងមួយការិយាល័យ ត្រូវមានកម្លាំងការពារចំនួន ៣ នាក់។

លោកឧត្ដមសេនីយ៍ទោ សាត គឹមសាន បានសង្កត់ធ្ងន់ថា កម្លាំងសមត្ថកិច្ចចាប់ផ្ដើមពង្រឹងការពារសន្តិសុខយ៉ាងម៉ឺងម៉ាត់ ចាប់ពីពេលនេះតទៅហើយ ព្រោះនៅថ្ងៃទី ២១ ស្អែកនេះ គឺជាថ្ងៃដែលគណបក្សប្រជាជន រៀបចំពិធីក្បួនដង្ហែក្នុងលក្ខណៈទ្រង់ទ្រាយធំចុងក្រោយ ដូច្នេះកម្លាំងត្រូវបង្កើនកិច្ចការពារសន្តិសុខជូនប្រជាពលរដ្ឋ៕

អត្ថបទ ៖ សោ និយមរ័ត្ន