អាជ្ញាធរសង្កាត់វាលវង់ ប្រកាសគាំទ្រសារបញ្ជាក់របស់សម្តេចតេជោលើគម្រោងCLV

អាជ្ញាធរ និងកម្លាំងប្រដាប់អាវុធក្នុងមូលដ្ឋានសង្កាត់វាលវង់ ខណ្ឌ៧មករា បានប្រកាសគាំទ្រសារពិសេសរបស់សម្តេចតេជោ ហ៊ុន សែន កាលពីថ្ងៃទី១២ សីហា ឆ្នាំ២០២៤ លើគម្រោងCLV-DTA និងថ្កោលទោសចំពោះជនអគិតិ មានចេតនាញុះញង់ផ្តួលរលំរាជរដ្ឋាភិបាល។

លោក សេង ជី ចៅសង្កាត់វាលវង់ បានប្រកាសគាំទ្របំផុតចំពោះសារពិសេសរបស់សម្តេចតេជោ ហ៊ុនសែន ប្រធានព្រឹទ្ធសភាព ដែលមានរយៈពេលប្រមាណ១ម៉ោង ពិតជាបានផ្តល់សារៈសំខាន់យ៉ាងធំធេងបំផុតដល់ជនរួមជាតិឱ្យយល់ច្បាស់ពីគម្រោងអភិវឌ្ឍន៍តំបន់ត្រីកោណ CLV – DTA ។

ជាមួយគ្នានេះ លោកក៏ប្រកាសថ្កោសទោសដាច់អហង្ការលើជន ឬបុគ្គលទាំងឡាយណា ដែលមានចេតនាទុច្ចរិត ញុះញង់ឱ្យមានការតវ៉ាប្រឆាំងគម្រោងនេះ ពិសេសញុះញង់ឱ្យមានការផ្តួលរលំលើរាជរដ្ឋាភិបាលស្របច្បាប់ ដែលនេះជាអំពើក្បត់ជាតិ និងគ្មានទស្សនៈជាតិនិយមនោះឡើយ ។

លោក អ៊ុន ភិរម្យ នាយនគរបាលប៉ុស្តិ៍វាលវង់ ក្នុងនាមកងកម្លាំងប្រដាប់អាវុធ ក៏បានប្តេជ្ញាប្រឆាំងដាច់ខាត ចំពោះជនទាំងឡាយណាដែលមានគម្រោងផ្តួលរលំរដ្ឋាភិបាលស្របច្បាប់ និងហ៊ានពលីកម្ម ដើម្បីការពារប្រជាជន និងប្រទេសជាតិទាំងមូល។

គួរបញ្ជាក់ថា គម្រោងអភិវឌ្ឃន៍តំបន់ត្រីកោន CLV មានព្រុំប្រទល់រវាងប្រទេសចំនួន០៣ គឺកម្ពុជា ឡាវ និងវៀតណាម ខណៈដែលគម្រោងនេះបានកើតឡើងរយៈពេល២៥ឆ្នាំកន្លងមកហើយ ពោលតាំងពីឆ្នាំ១៩៩៩ មកម្លេះ៕

អត្ថបទ៖ សុភា