មន្ត្រីនគរបាលពីរនាក់ ត្រូវក្រុមក្មេងទំនើង​ជិះ​ម៉ូតូ​ប្រដេញគ្នាបុករងរបួស

មន្ត្រីនគរបាលនៃប៉ុស្ដិ៍នគរបាលរដ្ឋបាលចោមចៅទី១ ខណ្ឌពោធិ៍សែនជ័យ ត្រូវក្រុមក្មេងទំនើងមួយក្រុមជិះម៉ូតូប្រដេញគ្នាបុកបណ្ដាលឲ្យរងរបួស ខណៈកំពុងជិះល្បាតក្នុងមូលដ្ឋាន ហើយត្រូបានក្រុមសង្គ្រោះ៧១១ ដឹកបញ្ជូនទៅមន្ទីរពេទ្យ។

ករណីនេះបានកេីតឡេីងកាលពីវេលាម៉ោង៣និង១៧នាទីរសៀល ថ្ងៃទី២ ខែកុម្ភៈ ឆ្នាំ២០២៥ នៅតាមផ្លូវបេតុង ភូមិចោមចៅ៣ សង្កាត់ចោមចៅទី២  ខណ្ឌពោធិ៍សែនជ័យ រាជធានីភ្នំពេញ។

ជនរងគ្រោះរងគ្រោះទាំងពីរជាមន្ត្រីនគរបាលប៉ុស្តិ៍ចោមចៅទី១​ ខណ្ឌពោធិ៍សែនជ័យ​ រងរបួសបែកចិញ្ចេីមខាងស្តាំ បែកមាត់ និងបាក់ធ្មេញ។

តាមប្រភពព័ត៌មានបានឲ្យដឹងថា​ មុនពេលកេីតហេតុគេបានឃេីញមន្ត្រីនគរបាលចំនួន២នាក់ជិះម៉ូតូមួយគ្រឿងឌុបគ្នាល្បាតតាមដងផ្លូវបេតុងក្នុងទិសដៅពីជេីងទៅត្បូង ខណៈមកដល់ចំណុចកេីតហេតុស្រាប់តែមានក្រុមក្មេងទំនេីងមួយក្រុមមានគ្នា១២នាក់ ជិះម៉ូតូជាច្រេីនគ្រឿងប្រដេញគ្នាយ៉ាងអនាធិបតេយ្យក៏ជ្រុលបុកម៉ូតូកម្លាំងសមត្ថកិច្ចពេញទំហឹងបណ្តាលឲ្យរងរបួសធ្ងន់។

ក្រោយកេីតហេតុជនរងគ្រោះត្រូវបានរថយន្តសង្រ្គោះរបស់អង្គភាព ៧១១ដឹកបញ្ជូនទៅមន្ទីរពេទ្យព្រះកុសុមះ តាមការស្នេីសុំរបស់ក្រុមគ្រួសារជនរងគ្រោះ។ ចំណែកក្រុមក្មេងទំនេីងទាំង១២នាក់ត្រូវបានសមត្ថកិច្ចឃាត់បញ្ជូនទៅអធិការដ្ឋាននគរបាលខណ្ឌពោធិ៍សែនជ័យដេីម្បីរង់ចាំចាត់ការតាមនីតិវិធី៕

អត្ថបទ៖ សុខា