កីឡា

លោក ប្រាក់ សុវណ្ណារ៉ា ជាគ្រូខ្មែរម្នាក់គត់មានសញ្ញាបត្រ AFC Pro License

បានផុស

៤ ខែ មុន

នៅ

ថ្ងៃសុក្រ ៦ កុម្ភៈ ២០២៦

ដោយ

លោក ប្រាក់ សុវណ្ណារ៉ា ជាគ្រូបង្វឹកកីឡាបាល់ទាត់កម្ពុជាតែម្នាក់គត់ដែលមានសញ្ញាបត្រគ្រូបង្វឹកអាជីពខ្ពស់ជាងគេបំផុតក្នុងទ្វីបអាស៊ី គឺ AFC Professional Coaching Diploma (AFC Pro License)។

លោក ប្រាក់ សុវណ្ណារ៉ា កាលដឹកនាំក្រុមឡាយហ្វ ព្រះសីហនុ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្មីៗនេះ លោក ឃឹម បូរី គ្រូបង្វឹករបស់ក្រុមបាល់ទាត់ ណាហ្គាវើលដ៍ បានទៅរៀនជំនាញគ្រូបង្វឹកនៅប្រទេសកាតា។ ពាក់ព័ន្ធនឹងសញ្ញាបត្រគ្រូបង្វឹកបាល់ទាត់កម្ពស់បំផុតប្រចាំអាស៊ីសម្រាប់គ្រូបង្វឹកសញ្ជាតិខ្មែរ លោក កែវ សារ៉េត អគ្គលេខាធិការសហព័ន្ធកីឡាបាល់ទាត់កម្ពុជា បានប្រាប់«កម្ពុជាថ្មី»ថា ៖«សម្រាប់គ្រូ Pro នៅស្រុកខ្មែរយើងមានតែគ្រូទូច ម្នាក់គត់គឺ លោកគ្រូ ប្រាក់ សុវណ្ណារ៉ា។ ចំណែកលោកគ្រូ ឃឹម បូរី ទៅបន្តជំនាញគ្រូបង្វឹករបស់គាត់ដើម្បីបញ្ចប់។ អីចឹង យើងអត់មានគ្រូកម្រិត Pro ច្រើនទេ គឺមានតែគ្រូទូចម្នាក់»។

សញ្ញាបត្រគ្រូបាល់ទាត់ប្រចាំទ្វីបអាស៊ីត្រូវបានបែងចែកជា ៤ កម្រិតគឺ AFC C Diploma (C-License ជាកម្រិតមូលដ្ឋាន, AFC B Dimploma (B License) កម្រិតទី២ , AFC A Diploma (A-License) កម្រិតទី១ និង AFC Por Diploma កម្រិតខ្ពស់បំផុត។ ក្នុងកម្រិតនីមួយៗអាចមានវគ្គវគ្គសិក្សាច្រើនតាមលំដាប់ និងមានពេលវេលាកំណត់ថែមទៀត។ ជាទូទៅ គ្រូបង្វឹកសញ្ជាតិខ្មែរដែលដឹកនាំក្រុមជាច្រើននៅកម្ពុជាភាគច្រើនមានសញ្ញាបត្រ AFC A-License។

លោក ប្រាក់ សុវណ្ណារ៉ា ធ្លាប់ដឹកនាំក្រុមបាល់ទាត់ជម្រើសជាតិកម្ពុជា ក្រុមបឹងកេត ណាហ្គាខប (ណាហ្គាវើលដ៍) គិរីវង់សុខសែនជ័យ ប៉ូលិស (អឹមអូអាយ កំពង់ដេវ៉ា) និងក្រុមឡាយហ្វ ខេត្តព្រះសីហនុ ជាដើម។ បច្ចុប្បន្ន លោកមិនមានដឹកនាំក្រុមណាទេ ហើយភាគច្រើនលោកធ្វើជាគ្រូឧទ្ទេសរបស់សហព័ន្ធកីឡាបាល់ទាត់កម្ពុជាដើម្បីបង្ហាត់បង្រៀនពីជំនាញគ្រូបង្វឹក ពីព្រោះលោកជាគ្រូដែលមានសញ្ញាបត្រខ្ពស់ជាងគេនៅកម្ពុជា។

លោក ប្រាក់ សុវណ្ណារ៉ា កាលដឹកនាំក្រុមជម្រើសជាតិ

គ្រូបង្វឹកកម្ពុជាដែលមានសញ្ញាបត្រ AFC A-License មានដូចជាលោក ទេព ឡុងរចនា, មាស ចាន់ណា, ភា សុភ័ក្ត្រា, អ៊ុង កនយ៉ានិត, ហុក សុជីវន្ត, ហុក សុចិត្រា, ប្រាក់ វុទ្ធី, គឹម ភក្តី, ឡុង រិទ្ធា និងគ្រូបង្វឹកចំនួនទៀតដែលទើបបានរៀនៗបន្តបន្ទាប់នាប៉ុន្មានឆ្នាំចុងក្រោយ៕

អត្ថបទ៖ វិរបុត្រ

Related Topics:AFC Pro Diploma លោក ប្រាក់ សុវណ្ណារ៉ា

ព័ត៌មានអន្ដរជាតិ១៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៦ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា