អបអរសាទរ កម្ពុជា​​ ឡើង​វគ្គ​ជម្រុះជុំ​​ចុងក្រោយ​ AFC​ Asian​ Cup​ 2023ហើយ
Connect with us
Helistar Cambodia - Helicopter Charter Services

កីឡា

អបអរសាទរ កម្ពុជា​​ ឡើង​វគ្គ​ជម្រុះជុំ​​ចុងក្រោយ​ AFC​ Asian​ Cup​ 2023ហើយ

បានផុស

នៅ

ក្រុម​បាល់ទាត់​ជម្រើស​ជាតិ​កម្ពុជា​​បាន​ឡើង​ទៅ​ជុំ​ទី៣​ដែល​ជា​វគ្គ​ជម្រុះ​ចុង​ក្រោយហើយ​ បន្ទាប់​ពី​បាន​យក​ឈ្នះ​​​កោះហ្គាំ​ ដោយ​លទ្ធផល ២-១ ក្នុង​​​ជើង​ទី​២​ (សរុប​ទាំង​ពីរ​ជើង​ឈ្នះ ៣-១) ក្នុង​ ​​​វគ្គ​ជម្រុះ​ពាន​រង្វាន់​ទ្វីប​អាស៊ី AFC Asian Cup Qualification Play-off Round ​នៅ​ប្រទេស​បារ៉ែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់​ការ​ប្រកួត​ជើង​ទី​២​យប់​មិញ​នេះ កម្ពុជាធ្វើ​មិន​បាន​ល្អ​ទេ​នៅ​​ក្នុង​៤៥​នាទី​ដំបូង ដែល​បណ្តាល​ឲ្យ​កោះ​ហ្គាំ​ស៊ុត​ចូល​​នាំ​មុខ១-០។ យ៉ាង​ណា​នៅ​វគ្គ​ទី​២ បន្ទាប់​ពី​ដាក់​ចូល កែវ សុខផេង ជំនួស ណារ៉ុង កក្កដា បាន​ផ្តល់​ឲ្យ​កម្ពុជា​មាន​ទម្រង់​ប្រែ​ប្រួល​ល្អ​វិញ។ គ្រាន់​តែ​ដើម​វគ្គ​ទី​២ កម្ពុជា​រក​បាន​២​គ្រាប់ ក្នុង​នោះ សុះ សូហាណា ស៊ុត​គ្រាប់​បាល់តាម​ស្មើ ១-១ និង​កែវ សុខផេង ស៊ុត​គ្រាប់​បាល់​ជ័យជម្នះ ២-១។

កាល​ពី​ជើង​ទី​១ ​ថ្ងៃ​សៅរ៍ ទី​៩ ខែ​តុលា ​កន្លង​ទៅ​នេះ កម្ពុជា បាន​យក​ឈ្នះ​កោះ​ហ្គាំ​ ១-០។ គ្រាប់​បាល់​ជ័យជម្នះ​របស់​កម្ពុជា​រក​បាន​ដោយ ចាន់ វឌ្ឍនាកា នៅ​នាទី​ទី​២៦ បន្ទាប់​ពី​មាន​ការ​បញ្ជូន​បាល់​ពី​កីឡាករ​វ័យក្មេង លឹម ពិសុទ្ធ។

ពេល​នេះ​វគ្គ Playoff នៃវគ្គ​ជម្រុះ​ AFC Asian Cup បាន​បញ្ចប់​ហើយ ហើយ​ក៏​រក​ឃើញ​ក្រុម​ទាំង​២៤​​​ឡើង​ទៅ​វគ្គ​ជម្រុះ​ជុំ​ចុង​ក្រោយ​ (Third Round) ​ដែរ​ដើម្បី​​​ប្រជែង​គ្នា​យក​១១​កៅអីទៅ​ជុំ​ផ្តាច់​ព្រ័ត្រ​។ ក្នុង​ចំណោម​២៤​ក្រុម​នេះ​នឹង​ត្រូវ​ចាប់​ឆ្នោត​ចែក​ជា​​​៦​ពូល​ដែល​ក្នុង​ពូល​នីមួយ​ៗ​មាន​៤​ក្រុម​ធ្វើ​ការ​ប្រកួត​ប្រជែង។

ក្រុមមាន​ពិន្ទុ​ខ្ពស់​ឈរ​លេខ​១ និង​ក្រុម​លេខ​​២​ល្អជាង​គេ​ ត្រូវ​ជ្រើស​រើស​យក​១១​ក្រុម​ឡើង​ទៅ​ជុំ​ផ្តាច់​ព្រ័ត្រ ឬចុង​ក្រោយ​បំផុត​​នៅ​​​​ឆ្នាំ​២០២៣​នៅ​ប្រទេស​ចិន។ សម្រាប់​ចិន​មាន​ឈ្មោះ​ជុំ​ផ្តាច់​ព្រ័ត្រ​ជា​ស្រេច​ហើយ​ក្នុង​នាម​ជា​ម្ចាស់ផ្ទះ។

រហូត​ដល់​ពេល​នេះ មាន​​ក្រុម​កំពូល​ទាំង​​១១​ប្រទេស​មក​ពី​ជុំ​ទី​៣ (គិត​លើ​​លទ្ធផល​ជម្រុះ FIFA World Cup) មាន​កៅអី​ជុំ​ផ្តាច់​ព្រ័ត្រ​រួច​ជា​ស្រេក​​គឺ​ម្ចាស់​ផ្ទះ​​ចិន ស៊ីរី អ៉ីរ៉ង់ កាតារ ជប៉ុន អូម៉ង់ អារ៉ាប់រួម កូរ៉េខាងត្បូង អ៉ីរ៉ាក់ វៀតណាម លីបង់ អូស្ត្រាលី និងអារ៉ាប៊ីសាអូឌីត៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១១ ម៉ោង មុន

ឃុំខ្សាយខ មានកុមារអាយុក្រោម ២ ឆ្នាំ និងស្ត្រីមានផ្ទៃពោះ គ្រួសារស្លាប់ដោយកូវីដ-១៩ បន្តទទួលសាច់ប្រាក់រាជរដ្ឋាភិបាល

ព័ត៌មានជាតិ១៤ ម៉ោង មុន

ចាប់ខ្លួនស្រ្តីម្នាក់ តាមដីកាបង្គាប់របស់តុលាការ ហើយនៅតេស្ដរកឃើញ វិជ្ជមានកូវីដ-១៩

ព័ត៌មានអន្ដរជាតិ១៤ ម៉ោង មុន

កូរ៉េខាងត្បូង ជួបសីតុណ្ហភាពត្រជាក់បំផុតក្នុងរយៈពេល ៦៤ ឆ្នាំ តំបន់ខ្លះធ្លាក់ចុះដល់ក្រោមសូន្យ

ព័ត៌មានជាតិ១៤ ម៉ោង មុន

ក្រសួងសុខាភិបាល បង្ហាញបញ្ជីឈ្មោះសណ្ឋាគារចំនួន ៥ សម្រាប់អ្នកដំណើរកក់ធ្វើចត្តាឡីស័ក

ចរាចរណ៍១៥ ម៉ោង មុន

សមត្ថកិច្ច បញ្ជូនបុរសម្នាក់ទៅតុលាការ ក្រោយបើករថយន្តបុករះ បណ្តាលឲ្យមនុស្ស ៣ស្លាប់ និង៣នាក់ទៀតរងរបួស

Sokha Hotels

ព័ត៌មានពេញនិយម

Helistar Cambodia - Helicopter Charter Services