កីឡា

តាមវេបសាយវៀតណាម Nick Taylor ផ្តល់ពិន្ទុ៦.៥/១០សម្រាប់កម្ពុជាយប់មិញ

បានផុស

១ year មុន

នៅ

ថ្ងៃព្រហស្បតិ៍ ២០ មីនា ២០២៥

ដោយ

សមាជិកព្រះខ័នរាជស្វាយរៀង និងជម្រើសជាតិកម្ពុជា Nick Taylor ត្រូវបានសារព័ត៌មានវៀតណាម Vietnam.vn សួរជាច្រើនសំណួរ បន្ទាប់ពីចប់ការប្រកួតមិត្តភាពអន្តរជាតិដែលម្ចាស់ផ្ទះ វៀតណាម ទទួលបានជ័យជម្នះលើក្រុមកម្ពុជា ដោយលទ្ធផល ២-១ យប់ថ្ងៃទី១៩ ខែមីនា ឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្សែបម្រើការពារស្លាប Nick Taylor បាននិយាយថា គម្លាតគុណភាពរវាងវៀតណាម និងកម្ពុជាមិនខុសគ្នាឆ្ងាយប៉ុន្មានឡើយ។ ការលេងរបស់វៀតណាមមានចលនាផ្លាស់ទី កម្លាំងស៊ុហ្វ សម្រុកប្រយុទ្ធ និងបង្កើតឱកាសបានច្រើនដែលជាស្ទីលលេងរបស់វៀតណាម ដែលខុសពីក្រុមជម្រើសជាតិថៃដែលលេងការពារច្រើនជាងប្រយុទ្ធ។

កីឡាកររៀបរាប់ពីការប្រកួតថា ៖«ខ្ញុំគិតថា លទ្ធផលនេះ អាចទទួលយកបានសម្រាប់កម្ពុជា។ យើងពិបាកខ្លាំងនៅវគ្គទី១ ពីព្រោះ វៀតណាម លេងដោយមានទំនុកចិត្ត និងបង្កើតចន្លោះលេងបានយ៉ាងល្អ។ ក្នុងវគ្គទី២ អ្វីៗត្រូវបានកែលំអ។ យើងកាន់តែសកម្ម និងគ្រប់គ្រងស្ថានការណ៍បានច្រើន»។

កីឡាករបានសង្កត់ធ្ងន់ថា ៖«ទោះបីជាយ៉ាងណា យើងត្រូវការយកចិត្តទុកដាក់ក្នុងការគ្រប់គ្រងបាល់ឲ្យបានច្រើនជាងនេះ មិនត្រូវឲ្យបាត់បង់បាល់ដោយងាយៗនោះទេ។ វៀតណាមបង្កើតឱកាសវាយកលុកស្លាបច្រើនណាស់។ ជារួមខ្ញុំឲ្យពិន្ទុ ៦.៥/១០ សម្រាប់ក្រុមកម្ពុជា»។

នៅពេលសួរថា តើយល់យ៉ាងណា១គ្រាប់របស់កម្ពុជាស៊ុតចូលវៀតណាម? កីឡាករខ្មែរ-អាមេរិកបានឆ្លើយថា ក្រុមបានពិភាក្សាក្រោយចប់វគ្គទី១។ ក្រុមត្រូវលេងឲ្យមានសន្ទុះខ្លាំងបន្ថែមទៀត និងត្រូវលេងដាក់សម្ពាធឲ្យខ្លាំង។ គ្រាប់បាល់កើតឡើងពីចលនាស៊ីសង្វាក់គ្នា ហើយទីបំផុតអាចបំប៉ោងសំណាញ់ទីរបស់ម្ចាស់ផ្ទះបាន។

«វាជាពេលវេលាដ៏អស្ចារ្យសម្រាប់ សាំយូអែល ដែលជាកីឡាករវ័យក្មេងម្នាក់សម្រាប់ការបង្ហាញខ្លួនឲ្យជម្រើសជាតិលើកដំបូង។ យើងពិតជារីករាយជាមួយការបង្ហាញខ្លួនលើកដំបូងរបស់ សាំយូអែល»៕

ប្រែសម្រួល៖ វីរបុត្រ

Related Topics:ក្រុមបាល់ទាត់ជម្រើសជាតិកម្ពុជា Nick Taylor