កីឡា

គ្រូវៀតណាម មិនសប្បាយចិត្តនឹងទម្រង់លេងប៉ះ កម្ពុជា យប់មិញ

បានផុស

២ ខែ មុន

នៅ

ថ្ងៃព្រហស្បតិ៍ ២០ មីនា ២០២៥

ដោយ

ក្រុមជម្រើសជាតិវៀតណាម ទទួលបានជ័យជម្នះដោយលទ្ធផល ២-១ លើក្រុមជម្រើសជាតិកម្ពុជា សម្រាប់ជំនួបមិត្តភាពអន្តរជាតិ យប់ថ្ងៃទី១៩ ខែមីនា ឆ្នាំ២០២៥ ប៉ុន្តែគ្រូបង្វឹកជម្រើសជាតិវៀតណាម លោក Kim Sang Sik មិនសូវសប្បាយចិត្តនឹងទម្រង់លេងឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសន្និសីទសារព័ត៌មានក្រោយការប្រកួត លោក Kim Sang Sik បាននិយាយថា ក្រុមរបស់លោកបង្ហាញទម្រង់លេងបានយ៉ាងល្អនៅវគ្គទី១ដែលស្របតាមផែនការរបស់លោករៀបចំ ប៉ុន្តែនៅវគ្គទី២ ក្រុមរបស់លោកធ្វើមិនសូវបានល្អសោះរហូតធ្វើឲ្យធ្លាយគ្រាប់បាល់។

វៀតណាមបានស៊ុតចូលកម្ពុជា២គ្រាប់នៅវគ្គទី២ដោយកីឡាករ Hai Long ក្នុងនាទី២៦ និងកីឡាករ Van Vi នៅនាទី៣៥ ខណៈ១គ្រាប់របស់កម្ពុជាដោយកីឡាករវ័យក្មេង ប៉ុង សាំយូអែល នៅនាទី៦៤។

«វគ្គទី២ យើងមានបញ្ហាច្រើន ធ្វើឲ្យកម្ពុជាមានឱកាសរកបានគ្រាប់បាល់។ លទ្ធផលនេះខ្ញុំមិនពេញចិត្តទេ ពីព្រោះយើងមិនទាន់បានបង្ហាញសមត្ថភាពដ៏ល្អបំផុតរបស់យើងទេ»។ លោកបាននិយាយ។

តាមរយៈទម្រង់ជាមួយកម្ពុជាយប់នេះមិញ លោក Kim Sang Sik ចាត់ទុកមិនទាន់គ្រប់គ្រាន់សម្រាប់ការជួបជាមួយជម្រើសជាតិ ឡាវ នៅថ្ងៃទី២៥ ខែមីនា ឆ្នាំ២០២៥ វគ្គជម្រុះសន្សំពិន្ទុក្នុងពានរង្វាន់ Asian Cup 2027។

លោកបញ្ជាក់ថា ៖«យើងត្រូវត្រៀមខ្លួនឲ្យរួចរាល់ជាងនេះសម្រាប់ការប្រកួតជាមួយឡាវ។ ការប្រកតថ្ងៃនេះសម្រាប់កីឡាករវ័យក្មេងឃ្លាំមើល និងរៀនសូត្រ ហើយពួកគេនឹងមានឱកាសបានលេង។ យ៉ាងណា និយាយរួម យើងធ្វើបានល្អហើយ ទោះបីជាបញ្ហាខ្លះក៏ដោយ»៕