កីឡា
សុខ ធី និងបងប្រុស ឈប់ឲ្យឪពុកម្តាយធ្វើការ ដោយប្រឹងវ៉ៃដើម្បីចិញ្ចឹមពួកគាត់
អ្នកលេងគុនខ្មែរលេចធ្លោលើឆាកប្រដាល់អន្តរជាតិ ONE Championship ជើងខ្លាំង សុខ ធី និងបងប្រុសបង្កើតរបស់ខ្លួន សុខ រិទ្ធ បានឲ្យឪពុកម្តាយរបស់ខ្លួនឈប់ធ្វើការហើយ ដោយអ្នកទាំងពីរចែករំលែកគ្នាពីការឡើងសង្វៀនដើម្បីចិញ្ចឹមពួកគាត់។
កាលពីថ្ងៃទី១០ ខែតុលា កន្លងទៅថ្មីៗនេះ សុខ ធី បានឡើងប្រកួត និងសងសងសឹកកីឡាករថៃ ចាវ សឿយ៉ៃ បានសម្រេចដោយពិន្ទុ បន្ទាប់ពីរូបគេធ្លាប់ចាញ់ក្នុងទឹកទី៤ម្តងដោយសារភ្លាត់ស្នៀត។ ក្រោយពេលប្រកួតឈ្នះកីឡាករថៃ សុខ ធី បានវេរលុយចំនួន១០២០០បាតពីប្រទេសថៃជូនឪពុកម្តាយរបស់ខ្លួននៅខេត្តបន្ទាយមានជ័យ ប្រទេសកម្ពុជា។ ពាក់ព័ន្ធនឹងការផ្ញើប្រាក់ជូនឪពុកម្តាយនេះ អ្នកលេងគុនខ្មែរបានប្រាប់ថា រូបគេបានឲ្យឪពុកម្តាយឈប់ធ្វើការហើយ។ សុខ ធី បាននិយាយថា ៖«ពុកម៉ែខ្ញុំចាស់ហើយ។ ឈប់ឲ្យពួកគាត់ធ្វើការហើយ ហើយខ្ញុំនិងប្រុស (សុខ រិទ្ធ) នាំគ្នាចែករំលែកប្រាក់បានពីប្រកួតជួយចិញ្ចឹមពួកគាត់»។
ឪពុកម្តាយរបស់អ្នកប្រដាល់គុនខ្មែរទាំងពីរនាក់នេះ ត្រូវបានគេដឹងថា បានទៅធ្វើជាកម្មករនៅថៃរាប់ឆ្នាំហើយ ពោលគឺចាប់តាំងពីកូនប្រុសទាំងពីររបស់ពួកគាត់នៅតូច។ ដោយសារទៅធ្វើការនៅថៃនោះហើយដែលបាននាំឲ្យ សុខ ធី និង សុខ រិទ្ធ មានឱកាសហ្វឹកហាត់ប្រដាល់ ហើយចាប់យកអាជីពប្រដាល់រហូតល្បីល្បាញទាំងនៅប្រទេសកម្ពុជា និងក្រៅប្រទេស។
មិនត្រឹមតែប៉ុណ្ណោះ កីឡាករទាំងពីរអាចនិយាយ និងសរសេរភាសាថៃច្បាស់ជាងភាសាកំណើតទៀតផង។ អ្វីដែលគួរឲ្យចាប់អារម្មណ៍ទៀតនោះ ពេលនេះ សុខ ធី មានភរិយាជានារីថៃ ហើយពេលនេះទទួលបានកូនប្រុសម្នាក់ហើយ។
ទោះបីជាយ៉ាងណានៅក្នុងអន្តរកាលកូវីដ-១៩ សុខ ធី អត់បានឡើងប្រកួតជាច្រើនខែ ដូច្នេះរូបគេក៏ជួបការលំបាកក្នុងការចំណាយដែរ។ អ្នកលេងគុនខ្មែររូបនេះឲ្យដឹងថា ៖«ខ្ញុំខ្វះខាតដែរ ហើយក៏ពិបាកខ្លាំងដែរ។ លុយដែលសន្សំពីការប្រកួតមុនៗត្រូវចំណាយត្បិតត្បៀតក្នុងពេលកូវីដ»។ យ៉ាងណា សុខ រិទ្ធ ដែលជាបងប្រុសបានត្រឡប់ចូលមកប្រទេសកម្ពុជាវិញជាច្រើនខែហើយ ហើយក៏បានឡើងប្រកួតជាមួយមិត្តរួមជាតិជាបន្តបន្ទាប់ដែរ។ ដូច្នេះរូបគេក៏ចែករំលែកដល់ឪពុកម្តាយដែរ។
ក្រោយពេលបានប្រកួតនៅដើមខែតុលានេះ សុខ ធី បានប្រាប់ថា ៖«ថ្វីបើការប្រកួតបិទទ្វារ និងត្រួតពិនិត្យច្រើនដំណាក់កាលមុនប្រកួត តែក៏ល្អជាងអត់បានឡើងប្រកួតដែរ។ ខ្ញុំសង្ឃឹមថា ចាប់ពីពេលនេះទៅ ខ្ញុំសង្ឃឹមទទួលបានឱកាសប្រកួតញឹកញាប់ ហើយក៏អាចចេញទៅប្រកួតនៅ ONE Championship ដែរ»។ ការសង្ឃឹមនេះ បន្ទាប់ពីស្ថានភាពកូវីដ-១៩នៅថៃមានលក្ខណៈល្អប្រសើរវិញបណ្តើរៗហើយ។
សូមបញ្ជាក់ថា កាលពីប៉ុន្មានខែមុន សុខ ធី ត្រូវបានរៀបចំឲ្យប្រកួតដណ្តើមខ្សែក្រវាត់នៅថៃ និងទទួលបានឱកាសទៅប្រកួតនៅ ONE ប៉ុន្តែដោយសារវិបត្តិកូវីដ-១៩ធ្វើឲ្យកម្មវិធីទាំងនោះត្រូវបានលុបចោលវិញ៕
ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ
ស្ថានីយប្រព្រឹត្តកម្មទឹកកខ្វក់ទី ៣ នៅខេត្តព្រះសីហនុដាក់សម្ពោធឲ្យដំណើការជាផ្លូវការ
ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ
ក្រុមហ៊ុន អ៊ីអនម៉ល ៖ គ្មានការសាងសង់ផ្សារទំនើបអ៊ីអន៤ នៅខណ្ឌកំបូល ដូចការចុះផ្សាយព័ត៌មានឡើយ
ឃុំ ប៉ុណ្ណាដែត ស្នើមន្ត្រីចរាចរណ៍ប្រកាន់ភ្ជាប់សុជីវធម៌-ក្រមសីលធម៌ ដើម្បីជាគំរូចំពោះប្រជាពលរដ្ឋ
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា១ សប្តាហ៍ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត