កីឡា
ម៉ៃឡូ គាំទ្រព្រឹត្តិការណ៍ប្រកួតកីឡាសិស្សបឋមសិក្សាថ្នាក់ជាតិ ឆ្នាំ ២០២២
ព្រឹត្តិការណ៍ប្រកួតកីឡាសិស្សបឋមសិក្សាថ្នាក់ជាតិ ឆ្នាំ ២០២២ បានចាប់ផ្ដើមបើកការប្រកួតនៅទូទាំងប្រទេសហើយ។ ការចូលរួមឧបត្ថម្ភព្រឹត្តិការណ៍នេះរបស់ម៉ៃឡូ គឺបង្ហាញពីការប្តេជ្ញាចិត្តខ្ពស់បំផុត ក្នុងការលើកទឹកចិត្តកុមារកម្ពុជាឱ្យ “រីកចម្រើនជាមួយកីឡា” ព្រោះ “កីឡា គឺជាគ្រូដ៏អស្ចារ្យ”។
ក្រសួងអប់រំ យុវជន និងកីឡា (MoEYS) បានសហការយ៉ាងជិតស្និទ្ធជាមួយ ក្រុមហ៊ុន ម៉ៃឡូ ក្នុងការបើកព្រឹត្តិការណ៍ប្រកួតកីឡាសិស្សបឋមសិក្សាថ្នាក់ជាតិ ឆ្នាំ ២០២២ ជាផ្លូវការដែលត្រូវបានអនុវត្តតាមស្តង់ដារសុវត្ថិភាពសុខភាព និងគោលការណ៍របស់ក្រសួងសុខាភិបាលយ៉ាងម៉ឺងម៉ាត់បំផុតដើម្បីប្រយុទ្ធប្រឆាំងនឹងជំងឺកូវីដ-១៩។
ការប្រកួតនឹងប្រព្រឹត្តិទៅរយៈពេល ៩ ថ្ងៃ ចាប់ពី ថ្ងៃទី ២៨ ខែមេសា ដល់ថ្ងៃទី ០៧ ខែឧសភា ឆ្នាំ ២០២២ នៅរាជធានីភ្នំពេញ ដែលបានកំណត់យកវិញ្ញាសាដែលមានសក្តានុពលចំនួន ៨ ប្រភេទរួមមាន៖ កីឡាបាល់ទាត់ បាល់ទះ បាល់បោះ អត្តពលកម្ម វាយសី វាយកូនឃ្លីលើតុ និងតេក្វាន់ដូ WTF និងតេក្វាន់ដូ ITF ស្មើនឹង ៣៤ វិញ្ញាសា សរុប ៤២៩ មេដាយ ដែលមានប្រតិភូ គ្រូបង្វឹក កីឡាករ កីឡាការិនីចូលរួមប្រកួតសរុប ១៦៧៧ នាក់ ដែលអញ្ជើញមកពី ២៥ រាជធានីខេត្ត។
ក្នុងពិធីបើកការប្រកួតព្រឹត្តិការណ៍កីឡានេះ លោក ម៉ាង គុណណូ នាយកផ្នែកប្រតិបត្តិការពាណិជ្ជកម្មរបស់ការិយាល័យតំណាងក្រុមហ៊ុន Nestlé (Thai) ប្រចាំនៅកម្ពុជា បានឲ្យដឹងថា “ដោយមានការគាំទ្រពីក្រសួងអប់រំ យុវជន និងកីឡា MILO នៅតែបន្តការផ្សព្វផ្សាយ និងលើកស្ទួយលើវិស័យកីឡាដល់ប្រជាជនកម្ពុជាយើង ដោយផ្ដល់ឱកាសឲ្យសិស្សថ្នាក់បឋមសិក្សា ចូលរួមក្នុងកម្មវិធីការប្រកួតកីឡានេះ។ យើងមានគោលបំនងគាំទ្រយ៉ាងពេញទំហឹងដល់វិស័យកីឡានៅប្រទេសកម្ពុជាឲ្យមានភាពរីកចម្រើន។ ពួកយើងតែងតែជឿថាកីឡា គឺជាគ្រូដ៏អស្ចារ្យនៃជីវិត។ កីឡាបានបង្រៀនដល់កុមារឲ្យយល់ដឹងអំពីតម្លៃ និងជំនាញដែលអាចជួយពួកគេឲ្យទទួលបានភាពជោគជ័យក្នុងអាជីព និងជីវិតរបស់ពួកគេ។ កីឡាដើរតួជាគ្រឹះដ៏សំខាន់ក្នុងការពង្រឹងផ្នែកកាយសម្បទាមាំមួន និងផ្លូវចិត្តឲ្យរឹងមាំ ពីការតាំងចិត្ត ភាពអំណត់អត់ធន់ ចេះយោគយល់អធ្យាស្រ័យ ភាពក្លាហានក្នុងការពុះពារឆ្លងគ្រប់ឧបសគ្គ និងជំនះភាពភ័យខ្លាច។
លើសពីនេះទៅទៀតកីឡាក៏ជួយលើក កម្ពស់ភាពជាអ្នកដឹកនាំ សាមគ្គីភាពតាមរយៈការងារជាក្រុម ទំនុកចិត្តលើខ្លួនឯង និងការគោរពច្បាប់។ យើងលើកទឹកចិត្តកុមារឱ្យលេងកីឡាឱ្យបានញឹកញាប់ ក៏ដូចជាផ្តល់ឱ្យពួកគេនូវភេសជ្ជៈ ម៉ៃឡូ ដែលតែងតែនៅក្បែរ និងគាំទ្រអ្នកម្តាយគ្រប់រូបដែលចង់ឲ្យកូនធំឡើងជាមួយភាពជោគជ័យ មានសុខភាពរាងកាយ និងស្មារតីរឹងមាំ។ ម៉ៃឡូ មានអាហារូបត្ថម្ភសំខាន់ៗ ដែលផ្តល់ថាមពលដល់កូនអ្នក ដូច្នេះ ពួកគេអាចធ្វើអ្វីបានល្អបំផុត។ នេះបានឆ្លុះបញ្ចាំងពីគោលបំណងរបស់ Nestle ក្នុងការបង្កើនគុណភាពជីវិតសម្រាប់មនុស្សគ្រប់គ្នានាពេលបច្ចុប្បន្ននេះ និងសម្រាប់មនុស្សជំនាន់ក្រោយ ប្រកបដោយសុខភាពល្អប្រសើរតាមរយៈការផ្តល់អាហារដែលមានគុណភាព។ ម៉ៃឡូ មានមោទនភាពដែលបានសម្រេចបាននូវជំហានដ៏សំខាន់ក្នុងការសហការជាមួយក្រសួងអប់រំ យុវជន និងកីឡា ឆ្ពោះទៅរកគោលដៅ ប្រទេសកម្ពុជាយើងនិងក្លាយជាប្រទេសដែលប្រជាជនមានសុខភាពល្អ”។
នៅគ្រប់ការប្រកួត ម៉ៃឡូ នឹងផ្តល់ភេសជ្ជៈដែលមានអាហារូបត្ថម្ភល្អៗមានរសជាតិសូកូឡាដ៏ឈ្ងុយឆ្ងាញ់ ដែលផ្សំពីទឹកដោះគោ ស្រូវសាឡី និងកាការ ដែលសម្បូរដោយសារធាតុចិញ្ចឹមដល់កីឡាករ កីឡាការិនីទាំងអស់ដែលត្រូវការថាមពលជាចាំបាច់ដើម្បីបញ្ចេញឱ្យអស់ពីសមត្ថភាពក្នុងការប្រកួតរបស់ពួកគេបានកាន់តែប្រសើរ។ “យើងសង្ឃឹមថា កិច្ចសហការរបស់យើងជាមួយក្រសួងអប់រំ យុវជន និងកីឡា ក្នុងការរៀបចំព្រឹត្តិការណ៍ប្រកួតនាពេលនេះ នឹងក្លាយជាកត្តាជំរុញដ៏សំខាន់មួយសម្រាប់ក្មេងៗឆ្ពោះទៅរកជីវិតរស់នៅដែលមានសុខភាពល្អ និងកាន់តែសកម្ម “។ នេះជាការបញ្ជាក់របស់លោក គុណណូ។
Nestlé ជាក្រុមហ៊ុនអាហារ និងភេសជ្ជៈដ៏ធំបំផុតក្នុងពិភពលោក។ ក្រុមហ៊ុននេះ មានវត្តមាននៅក្នុងប្រទេសចំនួន ១៩០ នៅទូទាំងពិភពលោក ហើយមានបុគ្គលិកចំនួន ៣០៨ ០០០ នាក់ បានប្តេជ្ញាចិត្តសម្រេចឲ្យបាននូវគោលបំណងរបស់ Nestlé ក្នុងការបង្កើនគុណភាពជីវិតដល់មនុស្សគ្រប់គ្នានាពេលបច្ចុប្បន្ននេះ និងសម្រាប់មនុស្សជំនាន់ក្រោយ ប្រកបដោយសុខភាពល្អប្រសើរតាមរយៈការផ្តល់អាហារមានដែលគុណភាព។ Nestlé ផ្តល់នូវផលិតផល និងសេវាកម្មដ៏ធំទូលាយសម្រាប់មនុស្ស និងសត្វចិញ្ចឹមរបស់ពួកគេពេញមួយជីវិត។ ស្លាកយីហោជាង ២ ០០០ របស់ក្រុមហ៊ុននេះ មានតាំងពីមានតាំងពីស្លាកយីលំដាប់ថ្នាក់ពិភពលោកដូចជា NESCAFÉ ឬ NESPRESSO និង MAGGI ក៏ដូចជាស្លាកយីហោដែលស្របតាមតម្រូវការក្នុងប្រទេសនីមួយៗរួមមាន៖ ទឹកដោះគោឆៅណេសត្លេសញ្ញាខ្លាឃ្មុំ BEAR BRAND និង ម៉ៃឡូ។ ប្រតិបត្តិការរបស់ក្រុមហ៊ុន ត្រូវបានជំរុញឡើងតាមរយៈយុទ្ធសាស្ត្រ ដែលផ្តោតសំខាន់លើការផ្តល់នូវអាហារូបត្ថម្ភល្អៗ ផ្នែកសុខភាព និងសុខុមាលភាពដល់អតិថិជន។ ក្រុមហ៊ុន Nestlé មានទីស្នាក់ការនៅទីក្រុង Vevey ប្រទេសស្វ៊ីស ត្រូវបានបង្កើតឡើងតាំងពីជាង ១៥០ ឆ្នាំមុនមកម្ល៉េះ។ ស្លាកយីហោម៉ៃឡូ របស់ Nestlé នៅកម្ពុជា រួមមាន៖ ម៉ៃឡូ 3-in-1 ម៉ៃឡូម្សៅកំប៉ុង និងម៉ៃឡូប្រអប់៕
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?