កីឡា

កម្ពុជា ទទួលបានមេដាយគ្រប់ប្រភេទកីឡា ដែលដាក់ចូលរួមប្រកួតក្នុងកីឡាសកលវិទ្យាល័យអាស៊ាន នៅថៃ

បានផុស

៤ years មុន

នៅ

ថ្ងៃចន្ទ ៨ សីហា ២០២២

ដោយ

កីឡាករ កីឡាការិនីកម្ពុជា បានបញ្ចប់ការប្រកួតក្នុងព្រឹត្តិការណ៍ប្រកួតកីឡាសាកលវិទ្យាល័យអាស៊ាន (ASEAN University Games 2022) លើកទី ២០ នៅប្រទេសថៃ ជាផ្លូវការហើយ ដោយឈរនៅចំណាត់ថ្នាក់លេខ៨ ក្នុងចំណោម ១១ ប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រឹត្តិការណ៍ប្រកួតកីឡាសាកលវិទ្យាល័យអាស៊ាន លើកទី ២០ នេះ កម្ពុជាបញ្ជូនគណៈប្រតិភូ គ្រូបង្វឹក កីឡាករ-កីឡាការិនី ចំនួន ៤៨ រូប មាន ៥ ប្រភេទរួមមាន កីឡាប៉េតង់ កីឡាតេក្វាន់ដូ WT កីឡាគុនដាវ កីឡាការ៉ាតេ និងកីឡាអត្តពលកម្ម ហើយកម្ពុជាបានទទួលមេដាយគ្រប់ប្រភេទកីឡាទាំង ៥ ក្នុងចំណោមកីឡាជារួមដែលមាន ២៣ ប្រភេទកីឡា។

ជាលទ្ធផលនៃការប្រកួតក្រុមកីឡាករ-កីឡាការិនីកម្ពុជា ទទួលបានមេដាយសរុបចំនួន ១៧ គ្រឿង ក្នុងនោះរួមមាន៖ មេដាយមាស ២ គ្រឿង ប្រាក់ ៧ គ្រឿង និងមេដាយសំរឹទ្ធិ ៨ គ្រឿង។

មេដាយមាស ២ គ្រឿង គឺលើប្រភេទកីឡាប៉េតង់ ១ គ្រឿង ដោយកីឡាករ សិន វង់, ភាព វ៉ាឃីម, ឃួន លីហួរ និងអាំ ពិសិដ្ឋ លើវិញ្ញាសាជាក្រុម បុរស ៣ ទល់ ៣។ និងប្រភេទកីឡាគុនដាវ ១ គ្រឿង កីឡាការិនី ឆាយ លីនលី កីឡាការិនី យី លីហ្សា និងកីឡាការិនី ស៊ន និច ប្រកួតលើវិញ្ញាសារនារី “ដាវតូច” ជាក្រុមនារី ៣ នាក់។

មេដាយប្រាក់ ៧គ្រឿងមានលើកីឡាតេក្វាន់ដូ WT ២ គ្រឿង, ការ៉ាតេ ១ គ្រឿង, គុនដាវ ១ គ្រឿង, ប៉េតង់ ៣ គ្រឿង ខណៈមេដាយសំរឹទ្ធ ៨ គ្រឿងមានលើប្រភេទកីឡាតេក្វាន់ដូ WT ២ គ្រឿង, ប៉េតង់ ២ គ្រឿង, គុនដាវ ២ គ្រឿង, អត្តពលកម្ម ១ គ្រឿង និងការ៉ាតេ ១ គ្រឿង។

សូមបញ្ជាក់ថា ព្រឹត្តិការណ៍នេះបានប្រព្រឹត្តទៅចាប់ពីថ្ងៃទី ២៦ ខែកក្កដា ដល់ថ្ងៃទី ៦ ខែសីហា ឆ្នាំ ២០២២ ដោយមានប្រទេសចំនួន ១១ ចូលរួម ហើយការប្រកួតលើកក្រោយនឹងធ្វើនៅប្រទេសឥណ្ឌូណេស៊ី វិញម្ដងនាឆ្នាំ ២០២៤៕

អត្ថបទ៖ មន្នីរ័ត្ន

Related Topics:

ព័ត៌មានអន្ដរជាតិ១៩ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា