កីឡា

គ្រូដ៏ជោគជ័យរបស់ជម្រើសជាតិវៀតណាម ឈានដល់ផ្លូវបំបែកជាមួយសហព័ន្ធ

បានផុស

៣ years មុន

នៅ

ថ្ងៃចន្ទ ១៧ តុលា ២០២២

ដោយ

នៅថ្ងៃត្រង់ ថ្ងៃទី ១៧ ខែតុលា សហព័ន្ធកីឡាបាល់ទាត់វៀតណាម (VFF) បានបញ្ជាក់ពីការចែកផ្លូវជាមួយគ្រូជម្រើសជាតិ លោក Park Hang-seo ចុងឆ្នាំនេះហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងខែវិច្ឆិកា ឆ្នាំ ២០២១ លោក Park និង VFF បានបន្តកុងត្រាចាស់ដែលមានរយៈពេល ១ ឆ្នាំ រហូតដល់ចុងខែមករា ឆ្នាំ ២០២៣។ ក្នុងការបន្តកុងត្រានេះ លោក Park បានឈប់ដឹកនាំក្រុម U-23 បន្ទាប់ពីស៊ីហ្គេម លើកទី ៣១ ហើយផ្តោតតែលើក្រុមជម្រើសជាតិ។

យ៉ាងណាមិញសារព័ត៌មានវៀតណាម ក៏បានបញ្ជាក់ថា សហព័ន្ធ ជាមួយនឹងលោក Park ក៏មានគម្រោងពិភាក្សាគ្នា ដើម្បីកិច្ចសន្យាបន្ថែមទៀតផងដែរ នៅក្នុងសប្ដាហ៍នេះ។

កិច្ចសន្យាបច្ចុប្បន្នរបស់លោក Park នឹងផុតកំណត់នៅខែមករា ឆ្នាំ ២០២៣។ លក្ខខណ្ឌ នៃកិច្ចសន្យាចែងថា ប្រសិនបើភាគីទាំងពីរយល់ព្រម កិច្ចសន្យានឹងបន្តដោយស្វ័យប្រវត្តិរយៈពេល ១ ឆ្នាំទៀត រហូតដល់ដើមឆ្នាំ ២០២៤។ មុនជំនួបនេះ ថ្នាក់ដឹកនាំ VFF និងលោក Park មានសុទិដ្ឋិនិយមណាស់។ ភាគីទាំងពីរហាក់មានបំណងចង់បន្តកិច្ចសន្យា។ ថ្នាក់ដឹកនាំ VFF នឹងស្តាប់ការយល់ឃើញរបស់លោក Park និងអ្នកតំណាងរបស់លោក អំពីបញ្ហាទាក់ទងនឹងបាល់ទាត់វៀតណាម។ ភាគីទាំងពីរ នឹងពិភាក្សាគ្នារកសំឡេងរួមមុននឹងធ្វើការសម្រេចចិត្ត។ បន្ទាប់មក VFF បានធ្វើសន្និសីទសារព័ត៌មានមួយ ដើម្បីប្រកាសជាផ្លូវការនូវការពន្យារពេលនាពេលខាងមុខនេះ។

គ្រូបង្វឹក Park Hang-seo បានមកប្រទេសវៀតណាម ក្នុងឆ្នាំ ២០១៧។ ក្នុងរយៈពេល ៥ ឆ្នាំ នៃការគ្រប់គ្រងក្រុមជម្រើសជាតិ និងក្រុម U23 លោក Park បានជួយបាល់ទាត់វៀតណាមឲ្យមានភាពល្បីល្បាញមិនត្រឹមតែក្នុងតំបន់ប៉ុណ្ណោះទេ ប៉ុន្តែថែមទាំងទ្វីបទាំងមូលផងដែរ។

លោកដឹកនាំក្រុម U23 វៀតណាម ទទួលបានជើងឯករងពានទ្វីបអាស៊ី អាយុក្រោម ២៣ ឆ្នាំ (AFC U23 Championship) ឆ្នាំ ២០១៨ ឈ្នះមេដាយមាស ស៊ីហ្គេម ២ សម័យកាលជាប់គ្នា (២០១៩ និង ២០២១)។ ជួយក្រុមជម្រើសជាតិ ឈ្នះពានរង្វាន់ជើងឯកអាស៊ាន (AFF Cup 2018), ជួយវៀតណាម ឲ្យឈានចូលវគ្គ ៨ ក្រុមចុងក្រោយ នៃជើងឯកទ្វីបអាស៊ី (AFC Asian Cup) ឆ្នាំ ២០១៩ និងលេងដល់វគ្គជម្រុះជុំទី ៣ ដើម្បីដណ្ដើមកៅអីទៅប្រកួតពានរង្វាន់បាល់ទាត់ពិភពលោក (FIFA World Cup 2022) ឆ្នាំ ២០២២ នៅប្រទេសកាតា៕

អត្ថបទ ៖ មន្នីរ័ត្ន