កីឡា

គ្រូបង្វឹកក្រុមកំពង់ស្ពឺ និយាយឡូយណាស់ ក្រោយឈ្នះក្រុមព្រៃវែង នៅ Slamball

បានផុស

២ years មុន

នៅ

ថ្ងៃចន្ទ ១២ ធ្នូ ២០២២

ដោយ

គ្រូបង្វឹករបស់ពង្រូលកំពង់ស្ពឺ លោក ឆាស្មីត ថា ស្មាត់ឌូក និងក្ដូ គឺមាន់ចាញ់ស្រកាកីឡាករចាស់វស្សា ទូច អង្គរក្ស ខណៈក្រុមរបស់លោកអាចវាយបកយកឈ្នះ ២-១ (សិត) នៅកំពង់ស្ពឺ ពានរង្វាន់ Slamball។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សៅ សាមីត ឬហៅថា ឆាស្មីត បានឲ្យដឹងប្រកួតក្រោយប្រកួតចប់នៅកំពង់ស្ពឺថា ការវាយបកយកឈ្នះលើក្រុមឌូក វិញនេះ គឺជាបច្ចេកទេសមួយ ពិសេសការផ្លាស់ប្ដូរកីឡាករប្រកួតតែម្ដង។ គ្រូរបស់ពង្រូលកំពង់ស្ពឺខាងលើនេះបន្ថែមទៀតថា បន្ទាប់ពីសិតទី ១ លោក និងក្រុម ពិភាក្សាគ្នា រួចសម្រេចផ្លាស់ប្ដូរដាក់ ទូច អង្គរក្ស ចូលលេងវិញ។ ដោយសារកន្លងទៅ ទូច អង្គរក្ស ធ្លាប់លេងឈ្នះ ឌូក ក្ដូ និងដឹងពីបច្ចេកទេសលេងយកឈ្នះ ឬតទល់ជាមួយកីឡាកររូបនេះស្រាប់។

លោក ឆាស្មីត បន្តទៀតថា ចំណុចមួយទៀតគឺអាចនិយាយបានថា «មាន់ចាញ់ស្រកា ធ្លាប់ចាញ់ពីមុនដល់ប៉ះគ្នាជាថ្មីនៅតែភ័យ»។ ទូច អង្គរក្ស ដឹងពីរបៀបលេងដើម្បីឈ្នះលើ ឌូក និង ក្ដូ នេះឯង ទើបលទ្ធផលប្រែប្រួលអាចវាយបកយកឈ្នះវិញបានកាលនៅកំពង់ស្ពឺ។

ចំណែកកីឡាករចិត្តត្រជាក់ ទុយ រាជ ឬ រាជភ្លីសក់ ក៏បានឲ្យដឹងថា នៅពេលដោះដូរដាក់ ទូច អង្គរក្ស ចូលគឺជួយក្រុមបានច្រើន ទាំងការវាយសេវា និងការការពារក្រោមផងដែរ។ ជាមួយគ្នានេះដែរ ចាប់ពីសិតទី ២ ទៅ គឺក្រុមរបស់ខ្លួនចាប់បាំងល្អ និងបានច្រើនគ្រាប់ផង។

រំលឹកដែរថា ការប្រកួតក៏កក្រើកកាលពីថ្ងៃទី ១០ ខែធ្នូ ឆ្នាំ ២០២២ នៅទឹកដីកំពង់ស្ពឺ ក្រុមពង្រូលកំពង់ស្ពឺ ឬក្រុម យុន រាជ បានយកឈ្នះលើក្រុម នាគព្រៃវែង ឌូក ដោយលទ្ធផល ២-១ (សិត) ក្នុងពានរង្វាន់ Slamball សប្ដាហ៍ទី ៧៕