កីឡា
ប្រើពេលតែ២ទឹក ពេជ្រ សម្បត្តិ ផ្តួលរបស់ពិត ផេតណយ សន្លប់តែម្តង
ជើងខ្លាំងគុនខ្មែរ ពេជ្រ សម្បត្តិ បានផ្តួលជើងខ្លាំងថៃ ផេតណយ ឲ្យអាជ្ញាកណ្តាលបញ្ឈប់ក្នុងទឹកទី២ សម្រាប់ការប្រកួតនៅសង្វៀន មីស៊ីល របស់ទូរទស្សន៍បាយ័ន នាព្រឹកថ្ងៃសៅរ៍ ទី២៤ ខែធ្នូ ឆ្នាំ២០២២។
មហាជនពិតជាទន្ទឹងរង់ចាំមើលខ្លាំងណាស់សម្រាប់ជំនួប ពេជ្រ សម្បត្តិ និង ផេតណយ ដោយសារត្រូវបានដឹងថា អ្នកទាំងពីរជាជើងខ្លាំង និងល្អដូចគ្នា។ យ៉ាងណា ការប្រកួតបានប្រើពេលត្រឹមតែ២ទឹកប៉ុណ្ណោះ។
នៅទឹកទី១ កីឡាករទាំងពីរមិនចំណាយពេលច្រើនក្នុងការស្ទាបស្ទង់គ្នាទេ ដោយព្យាយាមដើរចូលវ៉ៃតែម្តង។ កីឡាករថៃព្យាយាមប្រើរន្ទះជើង និងឡើងជង្គង់ដោយសារមានប្រៀបខាងកម្ពស់ ស្របពេល អ្នកលេងគុនខ្មែរដូចរាល់អីចឹងគឺដើរចូលវ៉ៃកណ្តាប់ដៃដែលមើលទៅជួរចិត្តតែម្តង។
ចូលទឹកទី២ ពេជ្រ សម្បត្តិ រឹតតែសម្រុកចូលវ៉ៃ ហើយមានប្រៀបតែម្តងលើការចេញអាវុធចូលគោលដៅច្បាស់ៗ។ ទឹកទី២នេះ ជើងខ្លាំងរហស្សនាមក្របីព្រៃបានប្រើកណ្តាប់ដៃមហាទម្ងន់របស់ខ្លួនវាយ ផេតណយ ឲ្យអាជ្ញាកណ្តាលរាប់៣ដង និងបញ្ឈប់ការប្រកួតតែម្តង។
បន្ទាប់ពីឈ្នះខ្សែក្រវាត់នៅសង្វៀនបាយ័នកាលពីប៉ុន្មានខែមុន ពេជ្រ សម្បត្តិ មិនដែលធ្វើឲ្យដៃគូឆ្លងផុតទឹកទី៥ឡើយពោលគឺវ៉ៃដៃគូឲ្យសន្លប់រហូត។ កណ្តាប់ដៃគឺជាអាវុធពិឃាតរបស់អ្នកលេងគុនខ្មែររូបនេះ ស្របពេលដែលរូបគេមានកម្លាំងស៊ុហ្វខ្លាំងក្នុងការតស៊ូ៥ទឹកពេញ៕
អត្ថបទ៖ វីរបុត្រ
-
ព័ត៌មានអន្ដរជាតិ៨ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ៧ ថ្ងៃ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៥ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត