កីឡា

ឆ្នាំ២០២២ កម្ពុជានឹងរៀបចំធ្វើម្ចាស់ផ្ទះការប្រកួត Pre-SEA Games

បានផុស

៥ years មុន

នៅ

ថ្ងៃអង្គារ ១២ មករា ២០២១

ដោយ

លោក វ៉ាត់ ចំរើន អគ្គលេខាធិការគណៈកម្មាធិការជាតិរៀបចំប្រកួតកីឡាអាស៊ីអាគ្នេយ៍លើកទី៣២ ឆ្នាំ២០២៣ ហៅកាត់ថា គ ជ ប អ( CAMSOC) បានមានប្រសាសន៍ឲ្យដឹងថា «នៅឆ្នាំ២០២២ កម្ពុជាអាចរៀបចំធ្វើជាម្ចាស់ផ្ទះការប្រកួតតេស្តមុនស៊ីហ្គេម ហៅថា Pre-SEA Games ក្រោយពេលបញ្ចប់ការសាងសង់កីឡដ្ឋានធំ ( Main Stadium) នៃពហុកីឡដ្ឋានជាតិមរតកតេជោ ដែលរំពឹងថា នឹងបញ្ចប់ការសាងសង់ជាស្ថាពរ ក្នុងអំឡុងខែឧសភា ឆ្នាំ២០២១ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បណ្តាប្រទេសក្នុងអាស៊ីអាគ្នេយ៍ចំនួន១០ផ្សេងទៀត អាចបញ្ជូនកីឡាករ កីឡាការិនីរបស់ខ្លួនតាមប្រភេទកីឡានីមួយៗ មកចូលរួមប្រកួតបានក្នុងព្រឹត្តិការណ៍ការប្រកួតតេស្តមុនស៊ីហ្គេម (Pre-SEA Games) នេះ។លោកអគ្គលេខាធិការ CAMSOCបញ្ជាក់ថា ប្រកួតតេស្តមុនស៊ីហ្គេមនេះ គឺយើងអញ្ជើញបណ្តាប្រទេសទាំង១០នៅអាស៊ីអាគ្នេយ៍ ឲ្យមកប្រកួតដើម្បីតេស្តសមត្ថភាពបច្ចេកទេសគ្នា ហើយក៏ជាការឲ្យយើងបានប្រើប្រាស់ស្តាតថ្មីរបស់យើងមាននិរន្តរភាព ក៏ដូចជាជួយផ្តល់ជាបទពិសោធន៍ដល់ការរៀបចំរបស់សហព័ន្ធកីឡាជាតិនានារបស់កម្ពុជាកាន់តែច្រើនផងដែរ។

លោក វ៉ាត់ ចំរើន បញ្ជាក់ឲ្យដឹងដែរថា កិច្ចការទាំងអស់នេះ គឺជាការចង្អុលបង្ហាញនិងការណែនាំរបស់សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិនិងជាប្រធានCAMSOC ដែលសម្តេចប្រធានតែងតែជំរុញមន្ត្រីទាំងអស់ ខិតខំធ្វើការដោយការយកចិត្តទុកដាក់គ្រប់ជ្រុងជ្រោយ ទាំងប្រសិទ្ធភាពនៃការរៀបចំ ទាំងប្រសិទ្ធភាពនៃបច្ចេកទេស។

បើតាមលោក វ៉ាត់ ចំរើន បញ្ជាក់ឲ្យដឹងបន្ថែមទៀតនោះ គឺចាប់ពីឆ្នាំ២០២១នេះតទៅ CAMSOCមានកិច្ចការជាច្រើន ដែលត្រូវបន្តធ្វើយ៉ាងសកម្ម ពីព្រោះថា ឆ្នាំ២០២១ គឺជាឆ្នាំចាប់ផ្តើមអនុវត្តការងារឆ្ពោះទៅទទួលធ្វើម្ចាស់ផ្ទះស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ ដោយធ្វើកិច្ចការទាំងអស់នេះឲ្យបានរៀបរយ និងហ្មត់ចត់បំផុត ព្រមទាំងជំរុញឲ្យសកម្មភាពការងាររបស់គណៈកម្មការជំនាញទាំង១៤ក្រោមឱវាទCAMSOC ឲ្យមានការសហការគ្នាកាន់តែល្អ និងកាន់តែមានប្រសិទ្ធភាពខ្ពស់៕

អត្ថបទ៖ វិសិទ្ធ

សូមចុចអាន៖ សមត្ថភាព និងបច្ចេកទេសកីឡាសីដក់កម្ពុជាអាចស្វាគមន៍ក្រុមភ្លៀវសម្រាប់SEA GAMES 2023

Related Topics:

ព័ត៌មានអន្ដរជាតិ១៨ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា