កីឡា

U-20 នារីម៉ាឡេស៊ី ដាក់គោលដៅត្រឹមបង្ហាញទម្រង់លេងបានល្អ ពេលប្រកួតនៅកម្ពុជាខែក្រោយ

បានផុស

៣ years មុន

នៅ

ថ្ងៃព្រហស្បតិ៍ ២៣ កុម្ភៈ ២០២៣

ដោយ

សហព័ន្ធបាល់ទាត់ម៉ាឡេស៊ី (FAM) ថ្មីៗនេះបានតែងតាំងគ្រូបង្វឹកក្រុមជម្រើសជាតិនារីអាយុក្រោម ២០ ឆ្នាំ ដើម្បីដឹកនាំក្រុមឡើងមកប្រកួតនៅកម្ពុជា ក្នុងការប្រកួតវគ្គជម្រុះពានរង្វាន់បាល់ទាត់នារីប្រចាំទ្វីបអាស៊ី អាយុក្រោម ២០ ឆ្នាំ (AFC U-20 Women Asian Cup 2024 Qualifiers Round)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Cameron Ng. អាយុ ៤៤ ឆ្នាំ គឺជាគ្រូថ្មីរបស់ U-20 នារីម៉ាឡេស៊ី ខណៈគោលដៅរបស់ក្រុមនេះពេលមកប្រកួតនៅកម្ពុជា គឺដើម្បីចង់បានការបង្ហាញទម្រង់លេងដ៏ល្អពីកូនក្រុមប៉ុណ្ណោះ។

លោក Cameron ដែលមានសញ្ញាបត្រ AFC Coaching Diploma បានសន្យាថា នឹងផ្ដល់ឲ្យអស់ពីសមត្ថភាពដើម្បីជួយក្រុម U-20 នារីម៉ាឡេស៊ី។ លោកបានបន្តថា «យើងចង់កំណត់គោលដៅជាក់ស្ដែង ចង់បានការបង្ហាញទម្រង់លេងជាក្រុមល្អពីក្មេងស្រី និងឈានទៅមុខជាក្រុម»។

ជាមួយគ្នានេះ FAM នៅក្នុងសេចក្ដីថ្លែងការណ៍មួយបានប្រកាសថា កីឡាការិនីចំនួន ២៥ នាក់ រួមទាំងកីឡាការិនីថ្មីចំនួន ១៤ នាក់ ត្រូវបានកោះហៅឲ្យចូលរួមក្នុងជំរំហ្វឹកហាត់របស់ក្រុម U-20 នារី ដែលចាប់ផ្ដើមពីថ្ងៃនេះ រហូតដល់ថ្ងៃទី ០៧ ខែមីនា មុនពេលការប្រកួតជម្រុះ U-20 Asian Cup នៅកម្ពុជា ចាប់ផ្ដើមនៅថ្ងៃទី ១០ ខែមីនា (ប្រកួតដំបូងត្រូវនឹងថ្ងៃទី ០៨ ម៉ាឡេស៊ី សម្រាក)។

ក្នុងអំឡុងពេលហ្វឹកហាត់រយៈពេល ១៥ ថ្ងៃ ក្រុមគ្រោងនឹងប្រកួត ក្នុងនោះរួមមានការប្រកួតមិត្តភាពជាមួយម៉ុងហ្គោលី នៅកីឡដ្ឋានបាល់ទាត់គូឡាឡាំពួ នៅថ្ងៃទី ០២ ខែមីនា ផងដែរ។

កម្ពុជា នឹងធ្វើជាម្ចាស់ទទួលក្រុម U-20 នារីម៉ាឡេស៊ី និង U-20 នារីមីយ៉ាន់ម៉ា ខណៈក្រុម U-20 នារីប៉ាគីស្ថាន បានដកខ្លួនចេញពីការប្រកួតកាលពីពេលថ្មីៗនេះ។

សម្រាប់ការប្រកួតគ្រោងធ្វើពីថ្ងៃទី ០៨ ខែមិនា ចំថ្ងៃបុណ្យសិទ្ធិនារីអន្តរជាតិ រហូតដល់ថ្ងៃទី ១២ ខែមិថុនា ឆ្នាំ ២០២៣ ដើម្បីរកក្រុមឡើងទៅប្រកួតជុំផ្ដាច់ព្រ័ត្រ នៅឆ្នាំ ២០២៤ នាប្រទេសអ៊ូសបីគីស្ថាន៕

ប្រភព ៖ bernama.com

អត្ថបទ ៖ មន្នីរ័ត្ន

Related Topics:U-20 នារីម៉ាឡេស៊ី FAM

ព័ត៌មានអន្ដរជាតិ១៣ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច២ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

ព័ត៌មានអន្ដរជាតិ៦ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា