អត្ត​ព​លិ​ក​គុន​ល្បុក្កតោ​១៩៣​នាក់​ ចូលរួម​ការប្រកួត​ជើងឯក​ថ្នាក់ជាតិ​
Connect with us
Helistar Cambodia - Helicopter Charter Services

កីឡា

អត្ត​ព​លិ​ក​គុន​ល្បុក្កតោ​១៩៣​នាក់​ ចូលរួម​ការប្រកួត​ជើងឯក​ថ្នាក់ជាតិ​

Published

on

​ការប្រកួត​កីឡា​គុន​ល្បុក្កតោ​ជ្រើសរើស​ជើងឯក​ថ្នាក់ជាតិ​ប្រចាំឆ្នាំ​២០២០ ត្រូវ​បាន​បើក​ការប្រកួត​ជា​ផ្លូវការ កាលពី​រសៀល​ថ្ងៃទី២២ ខែ​មករា ឆ្នាំ​២០២១ នៅ​សាល​សកល​វិទ្យាល័យ​ភូមិ​ន្ទ​ភ្នំពេញ ដោយមាន​អត្ត​លិ​ក​ចូលរួម​ចំនួន ១៩៣​នាក់ ។​

ការប្រកួត​ជើងឯក​ល្បុកតោ​ប្រចាំ​ឆ្នាំនេះ នៅក្នុង​គោលដៅ​ដ៏​ចម្បង​របស់ខ្លួន គឺ​ដើម្បី​អភិរក្ស និង​អភិវឌ្ឍន៍​ក្បាច់គុន​ដួងព្រលឹង​វប្បធម៌​ប្រពៃណី​ជាតិខ្មែរ ក្នុង​ដំណើរ​ឆ្ពោះទៅ​ទទួល​រៀបចំ​ធ្វើ​ម្ចាស់ ផ្ទះ​ស៊ី​ហ្គេម លើក​ទី​៣២ ឆ្នាំ​២០២៣​។​នេះ បើតាម​លោក​កែវ រ៉េ មី បញ្ជាក់​ឲ្យ​ដឹង​។​

លោក​រដ្ឋមន្ត្រី​ប្រតិភូ​អម​នាយករដ្ឋមន្ត្រី​ប្រធាន​គណៈកម្មាធិការ​សិទ្ធិមនុស្ស​កម្ពុជា​និង​ជា​អនុ​ប្រ ធាន​ទី​១ សហព័ន្ធ​កីឡា​ល្បុក្កតោ​លោក​កែវ រ៉េ មី ដែល​បាន​អញ្ជើញ​ចូលរួម​ក្នុង​ពិធី​បើក បា​នស​ម្តែ ង​នូវ​ការ​ស្វាគមន៍​យ៉ាង​កក់ក្តៅ ចំពោះ​ព្រឹទ្ធាចា​រ្យ​គុន​ល្បុក្កតោ ប្រតិភូ គ្រូបង្វឹក កីឡាករ កីឡា ការិនី​រាជធានី​-​ខេត្ត ដែល​បានមក​ចូល​រួមការ​ប្រកួត​កីឡា​គុន​ល្បុក្កតោ​ជ្រើសរើស​ជើងឯក​ថ្នាក់ជាតិ​ឆ្នាំ​២០២០ នា​ពេលនេះ​។ លោក​កែវ រ៉េ មី បាន​មានប្រសាសន៍ថា ដើម្បី​ត្រៀមលក្ខណៈ​សម្ប​ត្តិ​ឆ្ពោះទៅ​ឆ្នាំ​២០២៣ ដែល​កម្ពុជា​ធ្វើជា​ម្ចាស់ផ្ទះ ដែល​ក្នុង​នោះ គុន​ល្បុក្កតោ​ជា​ប្រភេទ​កីឡា​ប្រពៃណី​មួយ នឹង​ដាក់​ប​ញ្ជូ​ល​ក្នុង​ព្រឹត្តិការណ៍​នោះ ដែលមាន​ការចូល​ពី​ប្រទេស ដែលជា​សមាជិក​របស់​សហព័ន្ធ​ល្បុក្កតោ​នៅ​តំបន់​អាស៊ាន។​

បើតាម​លោក​ អ៊ូ តារា អគ្គលេខាធិការរង​សហព័ន្ធ​កីឡា​ល្បុក្កតោ​កម្ពុជា បាន​ឲ្យ​ដឹង​ថា ការ​ប្រ​កួត​កីឡា​គុន​ល្បុក្កតោ​ជ្រើសរើស​ជើងឯក​ថ្នាក់​ជាតិ​ឆ្នាំ​២០២០​ មាន​សាលា​គុន​ចំនួន​២៤ ដែល​មាន​ប្រតិភូ​គ្រូបង្វឹក​និង​កីឡាករ​ចំនួន ១៩៣ នាក់​ចូលរួម មកពី​រាជធានី​ខេត្ត មាន​សៀមរាប បន្ទាយ មានជ័យ តាកែវ កំពង់ឆ្នាំង ព្រៃវែង កំពត រតនៈគិរី កណ្ដាល ពោធិ៍សាត់ និង រាជធានី​ភ្នំពេញ ។​ ចំពោះ​វិញ្ញាសា​ដែល​ដាក់​ឲ្យ​ប្រកួត​មាន​ចំនួន​១៨ វិញ្ញាសា ដែល​ក្នុងនោះ​វិញ្ញាសា​សម្ដែង​ទម្រង់​មេគុន​បុរស​នារី​មាន​ចំនួន ១២ វិញ្ញាសា និង​វិញ្ញាសា​ប្រយុទ្ធ​បុរស មាន​៤​ប្រភេទ​ទម្ងន់ និង​នារី ២ ប្រភេទ ទម្ងន់ ។​

អគ្គលេខាធិការរង​រូបនេះ បញ្ជាក់ថា ការប្រកួត​ជើងឯក​លើក​នេះ បើ​ធៀប​នឹង​ឆ្នាំ ឆ្នាំ​២០១៩ កន្លងទៅឃើញថា​ លើក​នេះ​មានការ​រីកចម្រើន​ជាង​មុន ទាំង​បរិ​មាណ​កីឡាករ​កីឡា​ការិនី ក៏ដូចជា​ការរៀបចំ​ទីលាន​ប្រកួត​បាន​ល្អ​ជាង​លើក​មុន​។​ នេះ​ដោយសារតែ​សហព័ន្ធ​បានការ​ជួយ​ឧបត្ថម្ភ​ក្រុមហ៊ុន​សម្រស់​ធម្មជាតិ​គួបផ្សំ​ជាមួយ​និង​ថវិកា​គាំទ្រ​របស់​ក្រសួង​អប់រំ​យុវជន​កីឡា​ផង គឺ​បាន​ដំឡើង​ទីលាន​ប្រកួត​មួយ​យ៉ាង​ល្អ ដែលមាន​លក្ខណៈ​ស្តង់ដា។ បើតាម​ការគ្រោងទុក ការប្រកួត​ជើង ឯក​កីឡា​ល្បុក្កតោ​នេះ នឹង​ត្រូវ​បិទ​បញ្ចប់ នា​ល្ងាច​ថ្ងៃទី​២៤ មករា​នេះ​៕

អត្ថបទ៖ វិ​សិទ្ធ

សូមចុចអាន៖ ​តេ​ក្វាន់​ដូ​WT បើក​វគ្គ​បណ្តុះបណ្តាល​គ្រូ បង្វឹក​កម្រិត​មូលដ្ឋាន និង​គ្រូបង្វឹក​ថ្នាក់ជាតិ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ24 mins ago

កាន់​តែ​ធ្ងន់​​ធ្ងរ! មនុស្ស​​ស្លាប់​​៣៨​​នាក់​​នៅ​​​មីយ៉ាន់ម៉ា​​ម្សិល​មិញ​

ព័ត៌មានអន្ដរជាតិ35 mins ago

អាមេរិក នឹងមាន​វ៉ាក់សាំង​​​កូវិដ​-​១៩គ្រប់គ្រាន់​ ដល់​មនុស្ស​ពេញ​វ័យ​ទាំង​អស់​ត្រឹម​ដាច់​​ខែ​ឧសភា

ព័ត៌មានជាតិ7 hours ago

សម្តេចតេជោ ចេញវិធានការ២បន្ទាន់ចំពោះខេត្តព្រះសីហនុដែលកំពុងកើនឡើងអ្នកវិជ្ជមានកូវីដ-១៩

ព័ត៌មានជាតិ8 hours ago

អ្នកវិជ្ជមាន​កូវីដ១៩មួយគ្រួសារ ក្នុង​បុរី​ ប៉េង ហួត ភូមិ​ក្តី​តាកុយ សង្កាត់វាលស្បូវ ត្រូវ​ក្រុម​គ្រូពេទ្យ​ចុះ​យក​ទៅព្យាបាល

ព័ត៌មានជាតិ8 hours ago

Update !!! ទីតាំង​ប្រឈម​នឹង​កូវីដ១៩ នៅក្នុង​បុរីប៉េងហួត កើន​ដល់​៦ទីតាំង​ហើយ

Sokha Hotels

ព័ត៌មានពេញនិយម

Helistar Cambodia - Helicopter Charter Services