កីឡា

លោកស្រី ចាន់ថន ប្រកាសឧបត្ថម្ភម៉ូតូធំ១គ្រឿង បើ ឈឿង ល្វៃ ឈ្នះសាមី

បានផុស

៣ years មុន

នៅ

ថ្ងៃអង្គារ ២០ មិថុនា ២០២៣

ដោយ

ម្ចាស់មេដាយមាសស៊ីហ្គេម ឈឿង ល្វៃ នឹងជម្រះបញ្ជីចាស់ជាមួយអ្នកលេងឆ្លងដែនមកពីថៃ សាមី បានឆាមេក នៅថ្ងៃទី២៥ ខែមិថុនា ឆ្នាំ២០២៣ បន្ទាប់ពីជួបគ្នាលើកទី១បានចាញ់ក្នុងទឹកទី៣។

ការប្រកួតនេះបានក្លាយជាជំនួបដែលអ្នកគាំទ្រទន្ទឹងរង់ចាំ បន្ទាប់ពីជួបគ្នាលើកទី១កាលពីខែមេសាបានធ្វើឲ្យអ្នកគាំទ្រមិនអស់ចិត្ត ដោយសារអ្នកលេងគុនខ្មែរបានវ៉ៃឲ្យអាជ្ញាកណ្តាលរាប់កីឡាករថៃពីរដងទៅហើយ ប៉ុន្តែបែរជា សាមី បានតស៊ូ រហូតទាត់ជើងក្រោមឲ្យ ល្វៃ បោះបង់ចោលការប្រកួតក្នុងទឹកទី៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្វីដែលកាន់តែធ្វើឲ្យមានការចាប់អារម្មណ៍ខ្លាំងទៀតនោះគឺជុំវិញចំណាត់ការរបស់អាជ្ញាកណ្តាលដែលបានចាប់កីឡាករ សាមី រាប់៨លើកទី២ ដែលបានធ្វើឲ្យអ្នកគាំទ្រមួយចំនួនមិនពេញចិត្ត។ ពេលនេះដើម្បីឲ្យជ្រះស្រលះរវាងអ្នកឈ្នះ និងអ្នកចាញ់ អ្នកទាំងពីរត្រូវជួបគ្នាសាថ្មី។

មុនពេលការប្រកួតមកដល់ ឧកញ៉ា ស្រី ចាន់ថន បានប្រកាសឧបត្ថម្ភម៉ូតូធំ១គ្រឿងដល់អ្នកលេងគុនខ្មែរ ឈឿង ល្វៃ ប្រសិនបើឈ្នះកីឡាករ សាមី បានឆាមេក នៅថ្ងៃទី២៥ ខែមិថុនា ឆ្នាំ២០២៣ខាងមុខនេះ។

ចាប់តាំងពីប្រកួតចាញ់ សាមី កាលពីខែមេសានោះមក ឈឿង ល្វៃ មិនបានឡើងប្រកួតគុនខ្មែរទេដោយសាររូបគេបានហ្វឹកហាត់ក្នុងក្រុមឃីកបុកស៊ីងជម្រើសជាតិកម្ពុជារហូតបានឈ្នះមេដាយមាសស៊ីហ្គេម។

ឈឿង ល្វៃ ជាកីឡាករល្អក្បាច់គឺទាត់ កែង និងជង្គង់បានល្អ ប៉ុន្តែកាយសម្បទារបស់គេនៅទន់ដែលងាយនឹងបាក់ស្រុតនៅពេលត្រូវដៃគូវៃចំធ្ងន់ៗ ខណៈកីឡាករថៃ សាមី ជាប្រភេទកីឡាករស៊ូ រឹងមាំ និងវ៉ៃក្បាច់មួយៗតាមរយៈការទាត់ និងកណ្តាប់ដៃ ប៉ុន្តែនៅពេលចូលកៀកមិនសូវពូកែជង្គង់ទេ។

កាលជួបគ្នាលើកទី១ ប្រើពេល៥ទឹក ប៉ុន្តែសម្រាប់ការជួបគ្នាលើកទី២នេះគឺត្រឹមតែ៣ទឹកប៉ុណ្ណោះ៕

អត្ថបទ៖ វីរបុត្រ

Related Topics:កីឡាប្រដាល់គុនខ្មែរ ឈឿង ល្វៃ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា