កីឡា
អ្នកប្រដាល់ចាស់វស្សា៤នាក់វិលមកកាន់សង្វៀនវិញ
មួយរយៈពេលចុងក្រោយ កីឡាករប្រដាល់គុនខ្មែរចាស់វស្សាជាច្រើនរូបបានវិលមកកាន់អាជីពប្រដាល់ឡើងវិញ បន្ទាប់ពីបាត់មុខពីពិភពប្រដាល់គុនខ្មែរច្រើនឆ្នាំ។ កីឡាករខ្លះមានបញ្ហារបួស និងអ្នកខ្លះអាយុច្រើនចេញទៅធ្វើការងារផ្សេងដើម្បីចិញ្ចឹមជីវិត ប៉ុន្តែនៅពេលជាសះស្បើយពីរបួស ឬការងារមិនសូវល្អប្រសើរ ពួកគាត់បានវិលមកកាន់សង្វៀនជាថ្មី។
ឡុង សុវណ្ណឌឿន
ឡុង សុវណ្ណឌឿន បានបាត់មុខពីសង្វៀនប្រហែលជាបីបួនឆ្នាំហើយ ដោយសារអាយុច្រើន និងបង្កើតការងាររកស៊ីផ្ទាល់ខ្លួន ប៉ុន្តែនៅពាក់កណ្តាលឆ្នាំ២០២៣នេះ រូបគេបានឡើងមកកាន់សង្វៀនជាថ្មី។ ៣សប្តាហ៍មុន រូបគេបានប្រកួតស្មើជាមួយកីឡាករឡាវ ស៊ីធឿន និងកាលពីចុងសប្តាហ៍កន្លងទៅនេះបានប្រកួតចាញ់កីឡាករថៃ Korgamesthakrai ។
ឡុង សុភី
ប្អូនប្រុសរបស់លោកគ្រូ ឡុង សារវ័ន្ត ក៏ត្រូវបានគេឃើញឡើងមកកាន់វិញបាន២លើកហើយ បន្ទាប់ពីបាត់មុខពីប្រដាល់គុនខ្មែរយូរ។ ការវិលមកកាន់សង្វៀនវិញលើកទី១ ឡុង សុភី បានប្រកួតឈ្នះពិន្ទុកីឡាករឡាវ ស៊ីធឿន និងចុងក្រោយកាលពីសប្តាហ៍មុននេះបានចាញ់កីឡាករថៃ យ៉តឌីហ្សែល លូកចៅម៉ៃសៃថង។
ម៉ឺន សុភា
អ្នកប្រដាល់ជាកូនសិស្សរបស់លោកគ្រូ ធន់ សុភា ត្រូវបានគេដឹងថា បានឃ្លាតឆ្ងាយពីសង្វៀនប្រដាល់ប្រមាណជាង៤ឆ្នាំមកហើយដោយសាររបួស ប៉ុន្តែកាលពីសប្តាហ៍មុននេះរូបគេបានឡើងសង្វៀនជាថ្មី។ ការវិលមកកាន់សង្វៀនជាថ្មីនេះ ម៉ឺន សុភា នៅតែមានបច្ចេកទេសវ៉ៃបានល្អ ប៉ុន្តែទម្ងន់ឡើងជាងមុនច្រើន។ រូបគេបានប្រកួតឈ្នះពិន្ទុលើកីឡាករអង់គ្លេស ម៉ាទីន កាលពីសប្តាហ៍មុន។
វង្ស ណយ
វង្ស ណយ បានបាត់មុខពីសង្វៀនគុនខ្មែរច្រើនឆ្នាំដែរហើយដោយបានទៅរកស៊ីលក់ងៀតក្របី ប៉ុន្តែរូបគេនៅមិនទាន់អស់អាល័យនឹងអាជីពប្រដាល់ឡើយ។ រូបគេក៏បានវិលត្រឡប់មកកាន់សង្វៀនជាថ្មីដោយទទួលបានការចាប់អារម្មណ៍ពីមហាជន។ ការវិលត្រឡប់មកកាន់សង្វៀនជាថ្មីនេះ វង្ស ណយ នៅតែមានសន្ទុះចិត្តសម្រុកវ៉ៃដូចមុន ប៉ុន្តែបើនិយាយពីកម្លាំងស៊ុហ្វវិញគឺខ្សោយ ដែលធ្វើឲ្យកីឡាករអ៉ីរ៉ង់ អាប៊ូលហ្វាហ្សល៍ ផ្តួលឲ្យសន្លប់ក្នុងទឹកទី២៕
អត្ថបទ៖ វីរបុត្រ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត