កីឡា

ជើងឯកអាល់ហ្សេរី Ghilas ប្រាប់ថា ត្រៀមខ្លួនរួចរាល់ប៉ះ វី សម្ភស្ស នៅបារាំងចុងសប្តាហ៍នេះ

បានផុស

៣ years មុន

នៅ

ថ្ងៃព្រហស្បតិ៍ ២២ មិថុនា ២០២៣

ដោយ

កីឡាករអាល់ហ្សេរីដែលតំណាងឲ្យបារាំង Ghilas Barach នឹងប្រកួតជាមួយអ្នកប្រដាល់គុនខ្មែរ វី សម្ភស្ស ក្នុងកម្មវិធី Kun Khmer All Star នៅយប់ថ្ងៃសៅរ៍ ទី២៤ ខែមិថុនា ឆ្នាំ២០២៣ នៅទីក្រុងបារីស ប្រទេសបារាំង។

កីឡាករអាល់ហ្សេរីរូបនេះបានប្រាប់«កម្ពុជាថ្មី»ថា រូបគេបានត្រៀមខ្លួនរួចរាល់ហើយសម្រាប់ការប្រកួតទល់នឹងកីឡាករកម្ពុជា វី សម្ភស្ស និងប្តេជ្ញាធ្វើឲ្យបានល្អបំផុតសម្រាប់ការប្រកួតនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករបាននិយាយថា ៖«ខ្ញុំកំពុងត្រៀមខ្លួនជាមួយក្រុមការងាររបស់ខ្ញុំយ៉ាងល្អ។ ក្រុមរបស់ខ្ញុំគឺជាក្រុមកីឡាប្រដាល់ដ៏ល្អបំផុតនៅក្នុងប្រទេសបារាំង។ ខ្ញុំបានត្រៀមខ្លួនរួចរាល់ហើយ ហើយក៏បានតាំងចិត្តវ៉ៃឲ្យអស់ពីសមត្ថភាពសម្រាប់ការប្រកួតនេះដើម្បីទទួលបានលទ្ធផលល្អ»។

បើតាមប្រវត្តិ Ghilas Barach ត្រូវបានផ្គូផ្គងជាមួយ វី សម្ភស្ស ក្នុងនាមជាកីឡាករបារាំង ប៉ុន្តែរូបគេធ្លាប់ឡើងប្រកួតតំណាងឲ្យអាល់ហ្សេរី។ កាលពីឆ្នាំ២០១៤ រូបគេធ្លាប់បានប្រកួតជាមួយកីឡាករប្រដាល់ថៃល្បីឈ្មោះ Saenchai ក្នុងប្រភេទទម្ងន់៦៧គីឡូក្រាម។ នៅពេលនោះរូបគេត្រូវបានវីរបុរសប្រដាល់ថៃដែលកំពុងខ្លាំងលោតទាត់ផ្កាប់ចានឲ្យសន្លប់ក្នុងទឹកទី១។

ចាប់តាំងពីពេលនោះមក រូបគេបានបន្តហ្វឹកហាត់ប្រដាល់នៅប្រទេសថៃ និងប្រឡូកនៅសង្វៀនមួយថៃជាបន្តបបន្ទាប់។ អ្វីដែលគួរឲ្យកត់សំគាល់ រូបគេធ្លាប់ឈ្នះជើងឯកមួយថៃថ្នាក់ជាតិរបស់ប្រទេសអាល់ហ្សេរីថែមទៀតផង។

មួយរយៈពេលចុងក្រោយនេះ ដំណឹងនៃការឡើងសង្វៀនរបស់កីឡាករបារាំងរូបនេះមិនសូវមានទេ ដូច្នេះស្ថិតិនៃការប្រកួតជាក់ស្តែងមិនត្រូវបានគេដឹងច្បាស់ឡើយ។

វី សម្ភស្ស ស្ថិតក្នុងចំណោមកីឡាករគុនខ្មែរ៤នាក់ដែលមានឈ្មោះប្រកួតក្នុងកម្មវិធីប្រដាល់ Kun Khmer All Star ដែលតាមការគ្រោងទុកនឹងចាប់ប្រកួតវេលាម៉ោង១០យប់ ថ្ងៃទី២៤ ខែមិថុនា ឆ្នាំ២០២៣ នៅសង្វៀន Michel Jaz Gymnasium តំបន់ Bussy Saint George ក្នុងទីក្រុងបារីស ប្រទេសបារាំង៕

អត្ថបទ៖ វីរបុត្រ

Related Topics:កីឡាប្រដាល់គុនខ្មែរ អេលីត សម្ភស្ស

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា