កីឡា
អ្នកប្រដាល់ សុខ ធី បញ្ជាក់ជុំវិញការនាំប្រពន្ធកូនមករស់នៅស្រុកខ្មែរ
អ្នកប្រដាល់គុនខ្មែរ សុខ ធី បាននាំប្រពន្ធ និងកូនប្រុសអាយុប្រហែលជាង២ឆ្នាំមករស់នៅប្រទេសកម្ពុជា បន្ទាប់ពីការរស់នៅប្រទេសថៃធ្វើឲ្យរូបគេមិនសូវបានឡើងប្រកួតញឹកញាប់។
«បាទ ពេលនេះ ខ្ញុំ និងប្រពន្ធកូនមករស់នៅស្រុកខ្មែរហើយ»។ សុខ ធី បានប្រាប់«កម្ពុជាថ្មី» ប៉ុន្តែមិនបានបញ្ជាក់ពីស្ថានភាពផ្លូវច្បាប់ច្បាស់លាស់ទេសម្រាប់ការរស់នៅក្នុងប្រទេសកម្ពុជាដោយគ្រាន់តែបន្ថែមថា ៖«គ្រួសារខ្ញុំអាចរស់នៅកម្ពុជាយូរអង្វែង»។
ដោយសារការរស់នៅក្នុងប្រទេសកម្ពុជាមិនសូវមានអ្នកនិយាយភាសាថៃច្រើនដែលជាកត្តាធ្វើឲ្យមានការលំបាកដល់ភរិយារបស់ខ្លួន។ សុខ ធី បាននិយាយថា ៖«ប្រពន្ធខ្ញុំបាននិយាយថា អត់អីទេ អាចរស់នៅខ្មែរបាន តែគ្រាន់តែគាត់ពិបាកបន្តិចដោយសារអត់មានអ្នកនិយាយថៃជាមួយគាត់ មានតែខ្ញុំនិយាយថៃជាមួយគាត់»។
អ្នកលេងគុនខ្មែរ សុខ ធី បានមកប្រកបអាជីពប្រដាល់នៅប្រទេសកម្ពុជា និងនាំប្រពន្ធកូនមកស្នាក់នៅកម្ពុជាជាមួយផងតាមរយៈការជួយជ្រោមជ្រែងពីឧកញ៉ា ស្រី ចាន់ថន ដែលមានក្លិបប្រដាល់ទំនើបលំដាប់អន្តរជាតិ និងជាអនុប្រធានសហព័ន្ធកីឡាប្រដាល់គុនខ្មែរផង។
កាលពីថ្ងៃទី១៨ ខែកក្កដា ឆ្នាំ២០២៣ ឧកញ៉ា ស្រី ចាន់ថន បានឲ្យដឹងថា លោកបានរៀបចំទីកន្លែងស្នាក់នៅ និងសម្ភារប្រើប្រាស់ផ្សេងៗជូនកីឡាករ សុខ ធី និងប្រពន្ធកូនរួចរាល់ហើយ។
ឧកញ៉ា ស្រី ចាន់ថន បាននិយាយថា ៖«សម្រាប់ការលើកទឹកចិត្តដ៏តិចតួចស្តួចស្តើងមួយនេះ ខ្ញុំសង្ឃឹមយ៉ាងមុតមាំថា នឹងជំរុញលើកទឹកចិត្ត ឬក៏អាចជាស្ពានមួយនាំឲ្យ សុខ ធី ប្រឹងប្រែងហ្វឹកហាត់ឲ្យកាន់តែខ្លាំងជាមុន ព្រមទាំងនឹងទទួលបានជោគជ័យថ្មីៗ នាពេលដ៏ខ្លីខាងមុខ»។
បន្ទាប់ពីមកស្នាក់នៅប្រទេសកម្ពុជាបានប៉ុន្មានថ្ងៃ សុខ ធី បានប្រកាសពីការចង់ឡើងសង្វៀនដែលអាចជួបជើងខ្លាំងគុនខ្មែរលំដាប់ទម្ងន់៦០គីឡូក្រាម។ នៅព្រឹកថ្ងៃទី១៩ ខែកក្កដានេះ អ្នកលេងចិត្តសឿង អេលីត សាន់ បង្ហោះសារចង់សាកក្បាច់គុនជាមួយរៀមច្បង សុខ ធី ខណៈលោក ស៊ន អេលីត ជាគ្រូបង្វឹក៏សង្ឃឹមគូនេះជួបគ្នាឆាប់ៗ។ ស្របពេលជាមួយគ្នានេះ លោកគ្រូ ពេជ្រ សុផាន់ ហាក់ដូចជាចង់ឲ្យជួបកូនសិស្សរបស់លោកគឺកីឡាករក្របីព្រៃ ពេជ្រ សម្បត្តិ៕
អត្ថបទ៖ វីរបុត្រ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម