កីឡា

ស្វាយរៀងខាប់អាយុ១៨ឆ្នាំសប្តាហ៍ទី៣ស៊ុតចូលគ្នា៣២គ្រាប់

បានផុស

១០ ខែ មុន

នៅ

ថ្ងៃចន្ទ ៤ កញ្ញា ២០២៣

ដោយ

ការប្រកួតបាល់ទាត់ជើងឯកយុវជនស្វាយរៀងខាប់អាយុក្រោម១៨ឆ្នាំក្នុងសប្តាហ៍ទី៣មានគ្រាប់បាល់ចំនួន៣២បានកើតមានឡើងពីការប្រកួត៦គូកាលពីចុងសប្តាហ៍កន្លងទៅនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួត៣គូនៅថ្ងៃសៅរ៍ ទី២ ខែកញ្ញា មានគ្រាប់បាល់ទម្លាយសំណាញ់ទីគ្នារហូតដល់១៦គ្រាប់។ ការប្រកួតវេលាម៉ោង៨ព្រឹក ក្រុមយុវជន Rainbow fc បានទទួលរងបរាជ័យក្រោមថ្វីជើង ត្រកួនទែកដោយលទ្ធផល ០-៥ នៅក្នុងពូល ក ខណៈវេលាម៉ោង២រសៀល ការប្រកួតសន្សំពិន្ទុក្នុងពីល ច ក្រុមសសយក ស្រុកកំពង់រោទិ៍ រកបាន៣ពិន្ទុតាមរយៈជ័យជ្នះលើក្រុមយុវជនបាទីដោយលទ្ធផល ០-៣។

ការប្រកួតសន្សំពិន្ទុនៅក្នុងពូល ខ វេលាម៉ោង៤រសៀល ក្រុមពូប្រុយ លីងគួយ ទទួលបានជ័យជម្នះយ៉ាងធំធេងលើក្រុមយុវជនឆន្ទៈកីឡា ៨-០។

ចំពោះការប្រកួតនៅថ្ងៃអាទិត្យក៏មិនឲ្យចាញ់ថ្ងៃសៅរ៍គឺមានគ្រាប់បាល់១៦គ្រាប់ដែរ ក្នុងនោះនៅពូល ង ក្រុម Red Bull លត់ដៃគូយ៉ាងចាស់ដៃក្នុងលទ្ធផល ៨-១ លើក្រុម Never Win ហើតនៅពូល ខ វេលាម៉ោង២រសៀល ក្រុមយុវជន Blue Dragon បានឈ្នះលើក្រុមសសយក ស្រុកចន្ទ្រា ០-៥។

ដោយឡែក នៅវេលាម៉ោង៤រសៀល ក្រុមយុវជន M.S.T FC និង ត្នោត Fc ចែកគ្នាបាន១ពិន្ទុម្នាក់ប៉ុណ្ណោះ បន្ទាប់ពីស្មើគ្នា ១-១ សម្រាប់ការប្រកួតសន្សំពិន្ទុក្នុង ង និងបានក្លាយជាគូតែមួយគត់ដែលស្មើគ្នា។