តេ​ក្វាន់​ដូ ITF បង្កើន​ការហ្វឹកហាត់​ទ្វេដង ដើម្បី​ធានា​យក​ឲ្យ​បាន​មេដាយមាស​១៥​គ្រឿង ក្នុង​ស៊ី​ហ្គេម ២០២៣
Connect with us
Helistar Cambodia - Helicopter Charter Services

កីឡា

តេ​ក្វាន់​ដូ ITF បង្កើន​ការហ្វឹកហាត់​ទ្វេដង ដើម្បី​ធានា​យក​ឲ្យ​បាន​មេដាយមាស​១៥​គ្រឿង ក្នុង​ស៊ី​ហ្គេម ២០២៣

បានផុស

នៅ

​ថ្នាក់ដឹកនាំ​សហព័ន្ធ​កីឡា​តេ​ក្វាន់​ដូ អាយ​.​ធី​.​អេស​(ITF) បាន​ជំរុញ​ឲ្យ​កីឡាករ កីឡាការិនី​ជម្រើសជាតិ បង្កើន​ការហ្វឹកហាត់​ទ្វេដង ដើម្បី​ធានាថា ត្រូវតែ​យក​ឲ្យ​បាន​មេដាយមាស ១៥​គ្រឿង ពី​ក្នុង​ការប្រកួត​ស៊ី​ហ្គេម លើក​ទី​៣២ ឆ្នាំ​២០២៣ ដែល​កម្ពុជា​ធ្វើជា​ម្ចាស់ផ្ទះ​នោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ឯកឧត្តម កែវ រ៉េមី រដ្ឋមន្ត្រី​ប្រតិភូ​អម​នាយករដ្ឋមន្ត្រី និង ជា​ប្រធាន​សហព័ន្ធ​កីឡា​តេ​ក្វាន់​ដូ អាយ​.​ធី​.​អេ​ហ្វ​(ITF)​កម្ពុជា មានប្រសាសន៍​ដោយបាន​លើកឡើងថា ការកម្រិត​ឲ្យ​ប្រភេទ​កីឡា​តេ​ក្វាន់​ដូ ITF ដណ្តើម​មេដាយមាស​ឲ្យ​បាន​១៥​គ្រឿង គឺ​មិនមែនជា​រឿង​សាមញ្ញ​ទេ។ ជា​ធម្មតា ការ​កម្រិត​នូវ​មេដាយមាស​១៥​គ្រឿង​នេះ គឺជា​អម្រែក​មួយ​ដ៏​ធ្ងន់ ប៉ុន្តែ​ការវាយតម្លៃ​នេះ ក៏​ជា​មោទនភាព​របស់​យើង​ដែរ ដោយ​គណៈកម្មាធិការ​ជាតិ​រៀបចំ​ប្រកួត​កីឡា​អាស៊ីអាគ្នេយ៍ លើក​ទី​៣២​ឆ្នាំ​២០២៣​នៅ​កម្ពុជា​(CAMSOC) បានដឹង​ពី​កម្រិត​គុណភាព​សមត្ថភាព​បច្ចេកទេស​របស់​កីឡា​តេ​ក្វាន់​ដូ​ITF​ហើយ។

​លោក​បញ្ជាក់​ថា ក្នុងនាម​ជា​ថ្នាក់ដឹកនាំ​សហព័ន្ធ យើង​បាន​ត្រៀមខ្លួន​រួចជាស្រេច​ហើយ​សម្រាប់​ដំណើរ​ឆ្ពោះ​ទៅ​ដណ្តើម​មេដាយ​ក្នុង​ស៊ី​ហ្គេម​ឆ្នាំ​២០២៣ តាមរយៈ​ការ​បង្កើន​ការហ្វឹកហាត់ ការ​ពង្រឹង​វិន័យ​។​ មនុស្ស​ទាល់​តែ​មាន​វិន័យ​ទើប​ការ​ហ្វឹកហាត់​ប្រកបដោយ​ប្រសិទ្ធភាព​។

​បើតាម​ការ​ឲ្យ​ដឹង​ពី​គណៈកម្មាធិការ​ជាតិ​រៀបចំ​ប្រកួត​នោះ សម្រាប់​ស៊ី​ហ្គេម​ឆ្នាំ​២០២៣ បណ្តា​ប្រទេស​ដែល​នឹងចូលរួម​ប្រជែង​មេដាយ​ជាមួយ​ម្ចាស់ផ្ទះ​កម្ពុជា មានដូចជា សឹង្ហ​បុរី ហ្វីលីពីន ថៃ វៀតណាម ឥណ្ឌូណេស៊ី ម៉ាឡេស៊ី ជាដើម​។ ក្នុងចំណោម​បណ្តា​ប្រទេស​ទាំងនេះ លោក កែវ រ៉េមី បាន​ចាត់ទុកថា វៀតណាម ឥណ្ឌូណេស៊ី ម៉ាឡេស៊ី មាន​ភាពខ្លាំង​ក្លា​លើ​ប្រភេទ​តេ​ក្វាន់​ដូ ITF នេះ ប៉ុន្តែ​ក៏​មិនមែនជា​ឧបសគ្គ​ធំ​របស់​កម្ពុជា ក្នុង​ការ​ប្រកួតប្រជែង​មេដាយ​នោះ​ទេ ហើយ​កម្ពុជា​ក៏មាន​បទពិសោធន៍​យ៉ាង​ច្រើន​ដែរ ជាពិសេស​នៅ​ក្នុង​ការប្រកួត​ជើងឯក​ពិភពលោក​និង​អាស៊ី​ជាដើម ហើយ​សម្រាប់​តំបន់​អាស៊ីអាគ្នេយ៍​នេះ ក៏​មិន​មាន​អ្វី​ជា​ឧបសគ្គ​ធំ​ពេក​ទេ។

​ទោះបីជា​បែបនេះ​ក្តី ក៏​លោក​កែវ រ៉េមី លើកឡើងថា យើង​មិនមែន​ភ្លេចខ្លួន មើលស្រាល​គេ​ឬ​ធ្វេសប្រហែស​បានទេ គឺ​យើង​តែងតែ​ផ្តល់​តម្លៃ​សម្រាប់​ការហ្វឹកហាត់ ដោយ​ការហ្វឹកហាត់​ត្រូវតែ​ជឿជាក់​លើ​ខ្លួនឯង ហើយក៏​មិនមាន​ការភ័យខ្លាច​សម្រាប់​ការប្រកួត​ឡើយ ដែល​ចំណុច​ទាំងអស់នេះ លោក​តែងតែ​បានផ្តល់​ការលើកទឹកចិត្ត ការបណ្តុះ​ឆន្ទៈ​ជូន​ដល់​កីឡាករ កីឡាការិនី​ជម្រើសជាតិ​កម្ពុជា ឲ្យ​កាន់​តែមាន​ស្មារតី​មោះមុត​បន្ថែម​ទៀត​៕

អត្ថបទ៖ ​វិ​សិទ្ធ

សូមចុចអាន៖ ការប្រកួត​កីឡា​សកល​វិទ្យាល័យ​អាស៊ាន​ពន្យារពេល​ទៀតហើយ ដោយសារ​កូ​វីដ ១៩ រាតត្បាត​ខ្លាំង​នៅ​ប្រទេស​ថៃ​ម្ចាស់ផ្ទះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ នាទី មុន

ផ្ទុះបាតុកម្មហិង្សាប្រឆាំងការបិទខ្ទប់នៅទីក្រុងមែលប៊ន ប៉ូលិសចាប់ខ្លួនបាតុករជាង ២០០នាក់ (វីដេអូ)

ព័ត៌មានអន្ដរជាតិ២៦ នាទី មុន

អាហ្វហ្គានីស្ថាន បើកអនុវិទ្យាល័យឡើងវិញ តែមិនអនុញ្ញាតឲ្យសិស្សស្រីចូលរៀនឡើយ

ព័ត៌មានជាតិ៣៦ នាទី មុន

កម្ពុជា បន្តទទួលរងនូវឥទ្ធិពលនៃជ្រលងសម្ពាធទាបឥណ្ឌា និងខ្យល់មូសុងនិរតីខ្សោយ

ព័ត៌មានជាតិ៤២ នាទី មុន

អាជ្ញាធរប្រើធម៌ក្តៅចំពោះ អ្នកដែលមិនគោរពច្បាប់បិទខ្ទប់ នៅក្នុងតំបន់ក្រហម ក្នុងសង្កាត់ទាំង៤ នៅក្រុងសៀមរាប

ព័ត៌មានជាតិ១ ម៉ោង មុន

ខេត្តរតនគិរី បិទបញ្ចប់យុទ្ធនាការចាក់វ៉ាក់សាំងកូវីដ-១៩ ជុំទី១ ជូនពលរដ្ឋអាយុ១៨ឆ្នាំឡើង

Sokha Hotels

ព័ត៌មានពេញនិយម

Helistar Cambodia - Helicopter Charter Services