Connect with us

កីឡា

FIFA និង AFC រារាំងអាល់ហ្សេរីពីការ​ធ្វើម្ចាស់ផ្ទះ​ជម្រុះ World Cup 2026 ជំនួសប៉ាឡេស្ទីន

បានផុស

នៅ

សហព័ន្ធបាល់ទាត់អន្តរជាតិ (FIFA) និងសហព័ន្ធបាល់ទាត់អាស៊ី (AFC) បានរារាំងកិច្ចខិតខំប្រឹងប្រែងរបស់​ប្រទេស​អាល់ហ្សេរី ក្នុងការទទួលធ្វើ​ម្ចាស់ផ្ទះរៀបចំការប្រកួតរបស់ប្រទេសប៉ាឡេស្ទីន រួមទាំងការប្រកួតជម្រុះ World Cup ឆ្នាំ២០២៦ ខណៈ​សង្រ្គាម​រវាងក្រុមហាម៉ាស់ និងអ៊ីស្រាអែល នៅតែបន្ត។

សហព័ន្ធកីឡាបាល់ទាត់អាល់ហ្សេរី (FAF) ដែលស្ថិតនៅទ្វីបអាហ្រ្វិក ថែមទាំងបានផ្អាកការប្រកួតបាល់ទាត់ទាំងអស់របស់ខ្លួន ដើម្បីបង្ហាញពីសាមគ្គីភាពជាមួយប៉ាឡេស្ទីន មុនពេលផ្តល់ជំនួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាល់ហ្សេរី បានថ្កោលទោសជម្លោះនេះ និងបានឧទ្ទិសដល់ “ជនរងគ្រោះនៃការវាយប្រហារ​​នៅ​តំបន់​ហ្គាហ្សា ប្រឆាំងនឹងប្រជាជននៅក្នុងប្រទេសប៉ាឡេស្ទីន”។

FIFA និង AFC មិនចាប់អារម្មណ៍លើគំនិតនេះទេ ដោយសារ FAF បានទទួលលិខិតណែនាំការប្រកួតពី​ប៉ាឡេស្ទីនឱ្យលេង “នៅក្នុងតំបន់ភូមិសាស្ត្ររបស់ខ្លួន ពោលគឺទ្វីបអាស៊ី ស្របតាមបទប្បញ្ញត្តិជាធរមាន”។

ប៉ាឡេស្ទីន នឹងចាប់ផ្តើមយុទ្ធនាការ World Cup 2026 របស់ពួកគេទល់នឹងលីបង់ នៅថ្ងៃទី១៦ ខែវិច្ឆិកា។

ការប្រកួតក្រៅដីនឹងត្រូវរៀបចំនៅក្នុងប្រទេសអារ៉ាប់រួម មុនពេល​ពួកគេ​ទទួលស្វាគមន៍ក្រុមអូស្ត្រាលី ក្នុងការប្រកួតក្នុងដីប្រាំថ្ងៃបន្ទាប់ ដែលគ្រោងលេងក្នុងប្រទេសអាល់ហ្សេរីនេះតែម្ដង។

បច្ចុប្បន្នមិនទាន់មានទីតាំងសម្រាប់ការប្រកួតទល់នឹងអូស្ត្រាលីទេ ប៉ុន្តែអគ្គលេខាធិការ AFC លោក Datuk Seri Windsor John បានផ្តល់យោបល់ថា គុយវ៉ែត អាចធ្វើជាម្ចាស់ផ្ទះការប្រកួតនេះ។

គួររម្លឹក​ ប៉ាឡេស្ទីន បានដកខ្លួនចេញពីការប្រកួតពានមិត្តភាព Merdeka នៅប្រទេសម៉ាឡេស៊ី ដោយសារសង្គ្រាមកាលពីខែមុន។

ចាប់តាំងពីទទួលបានឯករាជ្យ ពីប្រទេសបារាំង ក្នុងឆ្នាំ១៩៦២ អាល់ហ្សេរី តែងតែគាំទ្របុព្វហេតុប៉ាឡេស្ទីន ហើយបានសន្យាផ្តល់ជំនួយរាប់លានដុល្លារ៕

ប្រែសម្រួល៖ មន្នីរ័ត្ន
ប្រភព៖ insidethegames.biz

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៦ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៧ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៩ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ១០ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម