កីឡា

កីឡាករ Hoang Phuc សរសើរការដាក់ពិន្ទុសុក្រិត្យក្នុងការប្រកួតល្បុក្កតោ

បានផុស

២ years មុន

នៅ

ថ្ងៃចន្ទ ១៨ ធ្នូ ២០២៣

ដោយ

កីឡាករវៀតណាម Hoang Phuc Thuan បានឈ្នះពិន្ទុកីឡាករកម្ពុជា ពេជ្រ ខាំតៃ ក្នុងព្រឹត្តិការណ៍ប្រកួត«អ្នកលេងគុន»នៃក្បាច់គុនល្បុក្កតោ នៅពហុកីឡដ្ឋានជាតិអូឡាំពិក ថ្ងៃទី១៥ ខែធ្នូ ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈការតស៊ូគ្នា៣ទឹកពេញបង្ហាញឲ្យឃើញថា កីឡាករវៀតណាម Hoang Phuc Thuan ដែលបានហ្វឹកហាត់ល្បុក្កតោជាច្រើនខែបានព្យាយាមថយក្រោយ និងចេញកណ្តាប់ដៃលឿនៗត្រូវគោលដៅបានច្រើនលើកីឡាករកម្ពុជា ពេជ្រ ខាំតៃ ដែលព្យាយាមដើរចូលវ៉ៃ ប៉ុន្តែចេញអាវុធមិនសូវត្រូវគោលដៅ។ តាមបច្ចេកទេសវ៉ៃបែបនេះចៅក្រមបានផ្តល់ពិន្ទុឲ្យកីឡាករវៀតណាមទទួលបានជ័យជម្នះ។

ក្រោយចប់ការប្រកួត Hoang Phuc Thuan ផ្តល់បទសម្ភាសដល់សារព័ត៌មាន«កម្ពុជាថ្មី»ថា ៖«នេះជាបទពិសោធថ្មីមួយទៀតដែលខ្ញុំបានប្រកួតគុនល្បុក្កតោ។ លទ្ធផលនេះកើតចេញពីការខិតខំប្រឹងរបស់ខ្ញុំ។ ទីពីរការរៀបចំនេះបានល្អ ខាងម្ចាស់ផ្ទះកម្ពុជាដាក់ពិន្ទុត្រឹមត្រូវ សុក្រិត្យ»។

កីឡាករវៀតណាមរូបនេះបានលើកឡើងពាក់ព័ន្ធនឹងការហ្វឹកហាត់ល្បុក្កតោថា រូបគេមិនមានអ្វីដែលពិបាកទេគឺអាចហ្វឹកហាត់បាន ដោយសារមិនខុសប្លែកនឹងក្បាច់គុនផ្សេងៗ។ ទោះបីជាយ៉ាងណា អ្វីដែលរូបគេចាប់អារម្មណ៍បំផុតនោះគឺការប្រកួតមានក្បាច់ពិសេសៗច្រើនដូចជា កណ្តាប់ដៃ ទាត់ កែង ជង្គង់ បោក ឃ្លេ-ក កាច់ដៃជើងជាដើម។

កីឡាករ Hoang Phuc Thuan បានហ្វឹកហាត់ក្បាច់គុនល្បុក្កតោរយៈពេល៥ខែហើយ ប៉ុន្តែក្នុងអាជីពកីឡារបស់ខ្លួនបានហ្វឹកហាត់កីឡាផ្សេងៗជាច្រើន។ «ខ្ញុំចូលចិត្តក្បាច់របស់ល្បុក្កតោជាងគេគឺក្បាច់ឃ្លេ ពីព្រោះខ្ញុំធ្លាប់ហាត់វ៉ូវីណាមមិនមានក្បាច់ប្លែកច្រើនអីចឹងទេ តែល្បុក្កតោមានស្នៀតច្រើន ខ្ញុំចូលចិត្ត»។

រូបគេបានបន្ថែមថា ប្រសិនបើមានឱកាសប្រកួតគុនល្បុក្កតោបែបនេះទៀត រូបគេពេញចិត្តចូលរួម និងខិតខំប្រឹងប្រែងធ្វើឲ្យបានល្អជាងនេះ៕

អត្ថបទ៖ វីរបុត្រ

Related Topics:គុនល្បុក្កតោ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា