ពេជ្រ ចរណៃ កាន់តែទទួលបានការសរសើរ បន្ទាប់ពីបង្កើតអាហារដ្ឋានម្ហូបខ្មែរ និងសាលាគុន ផ្សារភ្ជាប់វប្បធម៌ជាតិ

តារាសម្តែង និងជាគ្រូគុនល្បុក្កតោខ្មែរកញ្ញា ពេជ្រ ចរណៃ បានប្រកាសបើកសម្ពោធជាផ្លូវការនូវអាហារដ្ឋានម្ហូបខ្មែរ និងសាលាគុនល្បុក្កតោ នៅទីតាំងតែមួយ ខណៈនេះក៏ត្រូវបានសាធារណជនមើលឃើញថា ជាផ្នែកមួយនៃការចូលរួមលើកស្ទួយទាំងអាហាររបស់ខ្មែរ ពិសេសគឺសាលាគុនល្បុក្កតោ ពេជ្រ ចរណៃ ក្នុងការផ្សព្វផ្សាយ និងបណ្តុះបណ្តាលកូនខ្មែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា ពេជ្រ ចរណៃ បានបញ្ជាក់ឱ្យដឹងថា ពិធីសម្ពោធហាងអាហារដ្ឋានម្ហូបខ្មែរ កាហ្វេល្បុក្កតោ និងសាលាគុនល្បុក្កតោរបស់ខ្លួន នឹងចាប់ផ្តើមសម្ពោធ នៅថ្ងៃទី ០១ ខែតុលា ឆ្នាំ២០២៥ វេលាម៉ោង០៦ និង៣០នាទីព្រឹកដល់ម៉ោង០១រសៀល។ ចរណៃ បានឱ្យដឹងទៀតថា ថ្ងៃសម្ពោធហាង ចរណៃ ក៏មានសម្តែងរបាំខ្មែរផងដែរ។

គួររម្លឹកថា កាលពីថ្មីៗកន្លងទៅមហាជនអ្នកគាំទ្រមានក្តីអាណិតជាពន់ពេកចំពោះតារាសម្តែងនិងគ្រូបង្ហាត់ក្បាច់គុនល្បុក្កតោខ្មែរគឺកញ្ញា ពេជ្រ ចរណៃ ដែលត្រូវខាត់បង់លុយខ្ទង់រាប់សែនដុល្លារ ខណ:ហាងឆេះទាំងស្រុងដោយសារករណីអគ្គិភ័យលេបត្របាក់អស់ទាំងយប់កាលពីថ្ងៃទី១៨ ខែមិថុនា ឆ្នាំ២០២៥ ក្នុងសង្កាត់បឹងកក់២ ខណ្ឌទួលគោករាជធានីភ្នំពេញ។

តារាស្រី ដែលតែងតែលេចធ្លោតាមរយ:ការងារសង្គមកញ្ញា ពេជ្រ ចរណៃ បានបញ្ជាក់ឲ្យដឹងថា មូលហេតុដែលបណ្តាលឲ្យអគ្គីសភ័យលេបត្របាក់ហាងនាងស្ទើរអស់ទាំងស្រុងនេះបណ្តាលមកពីសេខ្សែភ្លើងដែ លដំបូងឡើយឆេះរាលដាលចេញពីពីដានខាងលើទើ បធ្វើឲ្យអណ្តាតភ្លើងឆេះយ៉ាងសន្ទោសន្ទៅត្រឹមរយ:ពេលប្រមាណជាង១០នាទី។

ទោះបីជាយ៉ាងដោយមានការជួយជ្រោមជ្រែង និងក្តីអាណិតអាសូរពីសំណាក់មហាជន និងអ្នកគាំទ្រព្រមទាំងការខិតខំដោយផ្ទាល់ទីបំផុតហាងរបស់ ពេជ្រ ចរណៃ ក៏ត្រូវបានជួសជុលឡើងវិញរហូតចេញជារូបរាងដែលធ្វើឱ្យតារាស្រីរូបនេះមានឱកាសបើកសម្ពោធជាផ្លូវការនៅអាហារដ្ឋានម្ហូបខ្មែរ កាហ្វេល្បុក្កតោ និងសាលាគុនល្បុក្កតោនាថ្ងៃទី០១ ខែតុលានេះ៕ ចាន់រ៉ា