កីឡា
ក្លិប Winstreak របស់ វឿន វាសនា កំពុងនាំមុខពិន្ទុដាច់នៅកំពូលតារាងលីគតៃវ៉ាន់
ក្លិបបាល់ទះ Winstreak ដែលជាផ្ទះរបស់កីឡាករបាល់ទះជម្រើសជាតិកម្ពុជា វឿន វាសនា កំពុងនាំមុខដាច់ឆ្ងាយលើគូប្រជែងក្នុងលីគបាល់ទះកំពូលតៃវ៉ាន់ បន្ទាប់ពីឆ្លងកាត់ការប្រកួត១៤សប្តាហ៍កន្លងទៅ។
Winstreak រកបាន៣៧ពិន្ទុតាមរយៈការប្រកួតឈ្នះ១៣លើក និងចាញ់តែ១លើកប៉ុណ្ណោះ កំពុងឈរលើកំពូលតារាងពិន្ទុលីគ គិតត្រឹមថ្ងៃសុក្រ ទី២៦ ខែមករា ឆ្នាំ២០២៤ ប្រៀបធៀបនឹងក្រុមលេខ២គឺ Pingtung មាន២៩ពិន្ទុ ពីការឈ្នះ៩លើក និងចាញ់៥លើក។
ទោះបីជាយ៉ាងណា នៅមានក្រុមខ្លះមិនទាន់បានប្រកួតដល់សប្តាហ៍ទី១៤ទឡើយដូចជាក្រុម Mizuno ទើបតែប្រកួតបាន៩លើកប៉ុណ្ណោះ ក្នុងនោះឈ្នះ៧ និងចាញ់២ ស្ថិតនៅចំណាត់ថ្នាក់លេខ៣។
លីគបាល់ទះកំពូលតៃវ៉ាន់ឆ្នាំ២០២៣-២៤ បានចាប់ផ្តើមកាលពីថ្ងៃទី១៤ ខែតុលា ខណៈកីឡាករកម្ពុជា វឿន វាសនា បានចូលរួមកាលពីចុងឆ្នាំ២០២៣ បន្ទាប់ពីចប់ព្រឹត្តិការណ៍កីឡាទ្វីបអាស៊ីនៅប្រទេសចិន។
វឿន វាសនា ដែលទទួលបានប្រាក់ចំណូលជាង១០ម៉ឺនដុល្លារពីកុងត្រារយៈពេលជាង២ឆ្នាំកំពុងទទួលបានការចាប់អារម្មណ៍យ៉ាងខ្លាំងចំពោះសមត្ថភាពដ៏អស្ចារ្យដែលបានជួយក្រុមឲ្យឈរលើកំពូលតារាង។
លទ្ធផល១៤ប្រកួតកន្លងទៅគឺឈ្នះ១៣ និងចាញ់១ដូចខាងក្រោម៖
- ឈ្នះ Conti ៣-០
- ឈ្នះ Taoyouan Taiwan Falcon ៣-១
- ឈ្នះ Changhua SDTV ៣-០
- ឈ្នះ Pingtung Taipower ៣-០
- ឈ្នះ Taoyouan Taiwan Falcon ៣-១
- ឈ្នះ Conti ៣-១
- ឈ្នះ Changhua SDTV ៣-០
- ចាញ់ Pingtung Taipower ០-៣
- ឈ្នះ Pingtung Taipower ៣-១
- ឈ្នះ Changhua SDTV ៣-១
- ឈ្នះ Mizuno ៣-១
- ឈ្នះ Taoyouan Taiwan Falcon ៣-២
- ឈ្នះ Pingtung Taipower ៣-២
- ឈ្នះ Pingtung Taipower ៣-២
តារាងពិន្ទុលីគបណ្តោះអាសន្ន
- Winstreak ឈ្នះ១៣ប្រកួត ចាញ់១ប្រកួត មាន៣៧ពិន្ទុ
- Pingtung Taipower ឈ្នះ៩ប្រកួត ចាញ់៥ប្រកួត មាន២៩ពិន្ទុ
- Minzuno ឈ្នះ៧ប្រកួត ចាញ់២ប្រកួត មាន២០ពិន្ទុ
- Taoyouan Taiwan Falcon ឈ្នះ៥ប្រកួត ចាញ់៩ប្រកួត មាន១៦ពិន្ទុ
- Conti ឈ្នះ៣ប្រកួត ចាញ់៩ប្រកួត មាន៨ពិន្ទុ
- Changhua SDTV ឈ្នះ១ប្រកួត ចាញ់១២ពិន្ទុ មាន៤ពិន្ទុ
អត្ថបទ៖ វីរបុត្រ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម