កីឡា

លោក Muñoz អត់បារម្ភអ្វីទាំងអស់ ទោះអវត្តមានកីឡាករសំខាន់២នាក់

បានផុស

២ ខែ មុន

នៅ

ថ្ងៃពុធ ៩ មេសា ២០២៥

ដោយ

ខ្សែប្រយុទ្ធសញ្ជាតិប្រេស៊ីល Matheus Boresche និង Cristian Roque ទំនងជាមិនអាចបង្ហាញខ្លួនបានទេសម្រាប់ការប្រកួតជាមួយ Madura United ជើងទី១ វគ្គពាក់កណ្តាលផ្តាច់ព្រ័ត្រ ពានរង្វាន់ AFC Challenge League ថ្ងៃយប់ថ្ងទី១០ ខែមេសា ឆ្នាំ២០២៥ នៅពហុកីឡដ្ឋានជាតិមរតកតេជោ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Josep Muñoz គ្រូបង្វឹកព្រះខ័នរាជស្វាយរៀងគ្មានក្តីបារម្ភអ្វីឡើយ ទោះបីជាកីឡាករសំខាន់ទាំងពីររូបមិនបានចូលលេង។ លោកបានលើកឡើងក្នុងសន្និសីទសារព័ត៌មានថា កីឡាករសំខាន់ Matheus Boresche មានបញ្ហារបួសប្រហែលជាត្រូវការសម្រាកពីរបីសប្តាហ៍ ហើយ Cristian Roque ទើបតែបានទៅពិនិត្យនៅប្រទេសថៃ ដោយមានបញ្ហារបួសតិចតូច ដូច្នេះប្រហែលជាមិនបានលេងទេសម្រាប់ថ្ងៃស្អែក។

លោកបានបញ្ជាក់ថា ៖«ពួកគាត់ទាំងពីរជាកីឡាករសំខាន់ តែយើងមានកីឡាករផ្សេងៗសុទ្ធសុទ្ធតែល្អ និងសំខាន់ដែរ។ កីឡាករទាំងនោះសុទ្ធតែមានគុណភាពអាចលេងបានតាមផែនការ ការគ្រប់គ្រងបាល់ ហើយពេលមានបាល់ យើងនឹងបង្កើតឱកាសគ្រាប់បាល់ ដូច្នេះយើងគ្មានអ្វីដែលត្រូវព្រួយបារម្ភឡើយ»។

ព្រះខ័នរាជស្វាយរៀង ត្រូវបើកទ្វារពហុកីឡដ្ឋានជាតិមរតកតេជោ ទទួលក្រុមមកពីប្រទេសឥណ្ឌូណេស៊ី Madura United ជើងទី១ វគ្គពាក់កណ្តាលផ្តាច់ព្រ័ត្រ ពានរង្វាន់ AFC Challenge League វេលាម៉ោង៧យប់ ថ្ងៃព្រហស្បតិ៍ ទី១០ ខែមេសា ឆ្នាំ២០២៥៕