កីឡា

ក្លឹបតេក្វាន់ដូ ITF ខេត្តកោះកុង មានកិត្តិយសបំផុតដែលលោកជំទាវ មិថុនា ភូថង អញ្ជើញទៅហាត់បែបសុខភាព

បានផុស

១១ ខែ មុន

នៅ

ថ្ងៃចន្ទ ៧ កក្កដា ២០២៥

ដោយ

ក្លឹបតេក្វាន់ដូ ITF ខេត្តកោះកុង មានកិត្តិយសបំផុតដែលលោកជំទាវអភិបាលខេត្តបានអញ្ជើញទៅហ្វឹកហាត់បែបសុខភាពដល់ក្លឹប និងឧបត្ថម្ភថវិកាលើកទឹកចិត្តមួយចំនួនដល់ម្ចាស់ជយលាភីដែលឈ្នះមេដាយក្នុងការប្រកួតអន្តរជាតិកាលពីពេលថ្មីៗនេះទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពផេកក្លឹបកោះកុង

នេះបើតាមការបង្ហោះផ្សព្វផ្សាយនៅលើផេកក្លឹបតេក្វាន់ដូ ITF ខេត្តកោះកុង បានបញ្ជាក់ថា ក្នុងនាមគ្រូបង្វឹក សិស្សគុននៃក្លឹបតេក្វាន់ដូ ITF ខេត្តកោះកុង ទទួលបានកិត្តិយសជាខ្លាំងដែលលោកជំទាវអភិបាលខេត្តបានអញ្ជើញទៅដល់ក្លឹបផ្ទាល់។ ក្រៅពីនេះលោកជំទាវក៏បានហ្វឹកាហត់បែបសុខភាពផងដែរ។

រូបភាពផេកក្លឹបកោះកុង

បន្ទាប់ពីហ្វឹកហាត់ហើយនោះលោកជំទាវ មិថុនា ភូថង ក៏បានឧបត្ថម្ភថវិកាលើកទឹកចិត្តដល់ក្រុមកីឡាករ កីឡាការិនីដែលទើបឈ្នះមេដាយ ៦គ្រឿងក្នុងព្រឹត្តិការណ៍ជ្រើសរើសជើងឯកអាស៊ីអាគ្នេយ៍ លើកទី២ ដែលធ្វើកម្ពុជា និងទើបបញ្ចប់កាលពីថ្ងៃទី៣០ ខែមិថុនា ឆ្នាំ២០២៥ នេះ។ បន្ថែមពីនេះក៏មានការឧបត្ថម្ភដល់អ្នកឈ្នះមេដាយ ៧គ្រឿង ក្នុងព្រឹត្តិការណ៍កីឡាសិស្សមធ្យមសិក្សា ឆ្នាំ២០២៥ ដែលធ្វើឡើងនៅរាជធានីភ្នំពេញ កាលពីថ្ងៃទី៦ ដល់ ១៥ ខែមិថុនា កន្លងទៅនេះ។

រូបភាពផេកក្លឹបកោះកុង

មែនទែនទៅការយកចិត្តទុកដាក់ និងឧបត្ថម្ភគាំទ្រពីសំណាក់លោកជំទាវ មិថុនា ភូថង មកលើកីឡាតេក្វាន់ដូ ITF នេះមិនមែនជាលើកទី១ ឡើយ។ ពោលលោកជំទាវតែងតែឧបត្ថម្ភគាំទ្រទាំងថវិកា ទីតាំងហ្វឹកហាត់ និងកម្លាំងចិត្តទៅដល់គ្រូបង្វឹក កីឡាករ កីឡាការិនី ឲ្យបន្តប្រឹងប្រែងហ្វឹកហាត់ជួយបណ្ដុះធនធានយុវជននៅខេត្តកោះកុងឲ្យបានកាន់តែច្រើនដើម្បីឲ្យមានសុខភាពល្អ កាយសម្បទារឹងមាំ និងជាយុវជនតំណាងខេត្តប្រជែងមុខមាត់ជូនខេត្តនៅការប្រកួតកម្រិតជាតិ ឬអន្តរជាតិជាបន្តបន្ទាប់ទៀត។

រូបភាពផេកក្លឹបកោះកុង

បញ្ជាក់ដែរថា ក្លឹបតេក្វាន់ដូ ITF ខេត្តកោះកុង គឺដឹកនាំដោយលោក ផាន់ យុទ្ធផានុវឌ្ឍ ប្រធានសមាគមន និងជាប្រធានក្លឹប បង្ហាត់ដោយលោក កែវ សំណាង ជាគ្រូបង្វឹក។ ក្លឹបតេក្វាន់ដូនេះគឺនៅក្នុងទីរួមខេត្តតែម្ដង និងកំពុងទទួលបានការចាប់អារម្មណ៍ហ្វឹកហាត់ជាខ្លាំងពីសំណាក់យុវជនរស់នៅទីនោះ៕