កីឡា

តាំង សៀសុង ប្រឡូកកីឡាតេក្វាន់ដូ ITF ១៤ឆ្នាំប៉ុន្តែមិនទាន់សម្រេចក្ដីបំណងធំមួយនេះ

បានផុស

៥ ខែ មុន

នៅ

ថ្ងៃព្រហស្បតិ៍ ១៩ កុម្ភៈ ២០២៦

ដោយ

កីឡាករតេក្វាន់ដូ ITF កម្ពុជា តាំង សៀសុង ថាបានប្រឡូកក្នុងវិស័យកីឡាមួយនេះប្រហែល ១៤ឆ្នាំមកហើយ ប៉ុន្តែមិនទាន់សម្រេចក្ដីបំណងធំមួយគឺចង់ឈ្នះមេដាយមាសអន្តរជាតិលើផ្នែកឯកត្តជនមិនថាវិញ្ញាសាប្រយុទ្ធ ឬវិញ្ញាសាមេគុន បច្ចេកទេសពិសេសនោះទេនៅថ្ងៃខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាំង សៀសុង និងគ្រូ

តាំង សៀសុង បានឲ្យដឹងថា រូបគេធ្លាប់ឈ្នះមេដាលើឆាកអន្តរជាតិចំនួន ១៨គ្រឿង មាស១១ ប្រាក់៤ និងសំរឹទ្ធ៣ ក្នុងរយៈពេលចាប់អាជីពប្រហែល ១៤ឆ្នាំមកនេះ។ យ៉ាណាកីឡាករដើមកំណើតពីខេត្តបន្ទាយមានជ័យរូបមិនទាន់សម្រេចបំណងឈ្នះមេដាយមាសឯកត្តជននៅឡើយទេ។

កីឡាករជម្រើសជាតិតេក្វាន់ដូ ITF ខាងលើបន្ថែមទៀតថា ខ្លួននឹងខំប្រឹងប្រែងបន្តទៅទៀតដើម្បីសម្រេចបំណងចង់ឈ្នះមេដាយអន្តរជាតិលើវិញ្ញាសាឯកត្តជននេះ។ មេដាយឯកត្តជននេះគឺមិនថាលើវិញ្ញាសាប្រយុទ្ធ វិញ្ញាសាមេគុន បច្ចេកទេសពិសេសនោះឡើយឲ្យតែបានឈ្នះមួយទៀតគឺអស់ចិត្តហើយសម្រាប់រូបគេ។

កីឡាករ តាំង សៀសុង

បញ្ជាក់ដែរថា តាំង សៀសុង ជាកីឡាករជម្រើសជាតិតេក្វាន់ដូ ITF កម្ពុជា។ រូបគេចាប់ផ្ដើមហ្វឹកហាត់កីឡាមួយនេះតាំងអំឡុងឆ្នាំ២០១២ រហូតមកដល់ពេលបច្ចុប្បន្ន។ សៀសុង ធ្លាប់ឈ្នះមេដាយអន្តរជាតិចំនួន ១៨គ្រឿង មាស១១ ប្រាក់៤ និងសំរឹទ្ធ៣ ក្នុងការប្រកួតកន្លងមក៕