ព័ត៌មានអន្ដរជាតិ
Apple កាត់បន្ថយការផលិត iphone 13 ដោយសារតែបញ្ហាមួយនេះ
ក្រុមហ៊ុន Apple អាចនឹងបញ្ចេញទូរស័ព្ទ iPhone 13 ថ្មីចំនួន ១០ លានគ្រឿង (ប្រហែល ១១ ភាគរយ) ប៉ុណ្ណោះ ពោលតិចជាងការគ្រោងទុកដំបូង ខណៈក្នុងរយៈពេល ៣ ខែចុងក្រោយនៃឆ្នាំ ២០២១ ក្រុមហ៊ុនមានគម្រោងផលិតទូរស័ព្ទនេះចំនួន ៩០ លានគ្រឿង ។
ដោយដកស្រង់ប្រភពមួយ ទីភ្នាក់ងារព័ត៌មាន Bloomberg បានរាយការណ៍ថា ក្រុមហ៊ុន Apple ត្រូវបានបង្ខំឲ្យកែសម្រួលគោលដៅផលិតរបស់ខ្លួនសម្រាប់ទូរស័ព្ទ iPhone 13 ថ្មី ដោយសារតែការខ្វះខាតបន្ទះឈីបអេឡិចត្រូនិកជាសកល ។
យោងតាមរបាយការណ៍បានឲ្យដឹងថា ក្រុមហ៊ុន Apple មានគម្រោងផលិតទូរស័ព្ទ iPhone ស៊េរីថ្មីចំនួន ៩០ លានគ្រឿងនៅចុងឆ្នាំនេះ ប៉ុន្តែក្រុមហ៊ុន Broadcom និងក្រុមហ៊ុន Texas Instruments មិនអាចផ្គត់ផ្គង់តាមការចង់បាន ហើយជាលទ្ធផលក្រុមហ៊ុន Apple ប្រហែលជាត្រូវកាត់បន្ថយគោលដៅផលិត iPhone 13 នៅឆ្នាំនេះចំនួន ១០ លានគ្រឿង ។
Bloomberg បានរាយការណ៍ទៀតថា កន្លងមកក្រុមហ៊ុន Apple គឺជាអ្នកទិញបន្ទះឈីបដ៏សំខាន់មួយនៅលើពិភពលោក ប៉ុន្តែបច្ចុប្បន្នក្រុមហ៊ុនមួយនេះក៏ប្រឈមនឹងបញ្ហាដូចក្រុមហ៊ុនផលិតគ្រឿងអេឡិចត្រូនិកដទៃទៀតដែរ ។ ទន្ទឹមនឹងនេះដែរ ក្រុមហ៊ុនផលិតបន្ទះឈីបធំ ៗបានព្រមានថា តម្រូវការនឹងបន្តលើសការផ្គត់ផ្គង់នៅឆ្នាំក្រោយ ហើយអាចនៅពេលក្រោយទៀតផងដែរ ។
ស្របពេលជាមួយគ្នានេះ ក្រុមហ៊ុននៅទូទាំងពិភពលោកក៏កំពុងប្រឈមមុខនឹងការខ្វះខាតបន្ទះឈីបផងដែរ ហើយបណ្ដាលឲ្យមានការកាត់បន្ថយការផលិត និងបង្ខំឲ្យបិទរោងចក្រទាំងមូលតែម្ដង ។
គួរបញ្ជាក់ថា ក្រុមហ៊ុន Apple បង្ហាញទូរស័ព្ទ iPhones សេរ៊ីថ្មីកាលពីខែកញ្ញា ដែលមាន ៤ ប្រភេទ រួមទាំង iPhone 13 Mini ដែលលក់ពីតម្លៃ ៧០០ ដុល្លារក្នុងមួយគ្រឿង និង iPhone 13 Pro Max ដែលមានតម្លៃ ១,១០០ ដុល្លារក្នុងមួយគ្រឿង ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ Instagram គាំងទៀតហើយ អ្នកប្រើប្រាស់មិនអាចស៊ែររូបបាន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង