វិទ្យាល័យព្រែកលាប នឹងរៀបចំកម្មវិធីប្រកួតសំណេរ ដើម្បីអបអរសាទរសង្ក្រាន្តឆ្នាំថ្មី

ដើម្បីចូលរួមអបអរសង្ក្រាន្តឆ្នាំថ្មីនេះ វិទ្យាល័យព្រែកលាប បានរៀបចំកម្មវិធីប្រកួតសំណេរ នៅថ្ងៃទី២ ខែមេសា ឆ្នាំ២០២៥ ខាងមុខ។

បើតាមវិទ្យាល័យព្រែកលាប នៅឆ្នាំ២០២៥ នេះ ព្រឹត្តិការណ៍អង្គរសង្ក្រាន្ត នឹងរៀបចំឡើងក្រោមប្រធានបទ “ញញឹមសាទរ សង្ក្រាន្តឆ្នាំថ្មី”។ ដូច្នេះសិស្សានុស្សិស្សសរសេរសំបុត្រទៅកាន់មិត្តជាទីរាប់អានរបស់ខ្លួនណាម្នាក់ ដោយរំលេចពីអត្ថន័យនៃប្រធានបទខាងលើ និងដើម្បីរៀបចំកម្មវិធីទៅកម្សាន្តព្រឹត្តិការណ៍នេះនៅថ្ងៃចូលឆ្នាំថ្មីខាងមុខ។ សិស្សានុសិស្ស មានឱកាសទទួលបានលិខិតបញ្ជាក់ការចូលរួម, មេដាយ អមដោយរង្វាន់លើកទឹកចិត្ត ហើយស្នាដៃដែលសរសេរនឹងជ្រើសរើសចងក្រងបោះពុម្ពផ្សាយ។

លក្ខខណ្ឌជ្រើសរើស ជាសិស្សថ្នាក់ទី១០ ១១ ១២។ ការប្រកួតសំណេរ នឹងចាប់ផ្រើមពីពីម៉ោង ៨៖​០០-៩៖៣០ បន្ទាប់មកមានការរាំកម្សាន្ត និងការលេងល្បែងប្រជាប្រិយប្រពៃណីខ្មែរ ជាដើម។

កាលពីថ្ងៃទី៣១ ខែមីនា ក្រសួងអប់រំ យុវជន និងកីឡា បានចេញខេចក្តីណែនាំ ស្តីពីការលេងល្បែង និងរបាំប្រជាប្រិយខ្មែរ ក្នុងឱកាសត្រៀមអបអរសាទរ និងថ្ងៃប្រារព្ធពិធីបុណ្យចូលឆ្នាំប្រពៃណីជាតិ នៅតាមគ្រឹះស្ថានសិក្សាសាធារណៈ និងឯកជន ដើម្បីចូលរួមអភិរក្ស និងលើកកម្ពស់វប្បធម៌ ដូចជាជំនឿ ទំនៀមទម្លាប់ប្រណៃណីខ្មែរឱ្យបានគង់វង្ស និងរីកចម្រើនផងដែរ៕