កុំឱ្យការជួយក្លាយជាអាសារឥតការ សូមទុកកិច្ចការកែតម្រូវផែនទីឱ្យអ្នកជំនាញ

ក្រោយប្រកាសយុទ្ធនាការណ៍ស្វែងរកជើងខ្លាំងមកជួយលើការកែតម្រូវផែនទីលើកម្មវិធី Google Map ១សប្តាហ៍មកនេះ លោក ជី សុផាត អ្នកជំនាញផ្នែកបច្ចេកវិទ្យា និងជាអ្នកផលិតមាតិកាល្បីឈ្មោះកម្ពុជា បញ្ជាក់ថា លោក សង្កេតឃើញមានអ្នកផលិតមាតិកាមួយចំនួនក៏បានចូលរួមលើយុទ្ធនាការនេះផងដែរ ប៉ុន្តែក្នុងការគាំទ្រនោះ បែរជាបង្កើតកំហុសឆ្គងទៅវិញ។

ដោយសារតែមើលឃើញថា មានកំហុសឆ្គងមួយចំនួនលើការចូលជួយរបស់ Content Creator ដោយបាននាំគ្នាផលិតវីដេអូណែនាំដោយឱ្យនាំគ្នាចូល Report ទីតាំងមួយចំនួននិងប្រើពាក្យថា “not exist” ។

អ្នកជំនាញផ្នែកបច្ចកវិទ្យារូបនេះ ពន្យល់ដែរថា សកម្មភាពមិនត្រឹមមិនអាចជួយអ្វីបាន ថែមទាំងជះអវិជ្ជមានដល់កម្ពុជាថែមទៀត ដូច្នេះលោកទទូចសុំដល់ Content Creator ឬអ្នកចូលរួម ទុកកិច្ចការនេះឱ្យអ្នកជំនាញធ្វើការ។ ពិសេស កុំបន្តសកម្មភាពរាយការណ៍មិនត្រឹមត្រូវតទៅទៀត។ សូមស្តាប់វីដេអូលម្អិត៖

គួររំលឹកថា យុទ្ធនាការកែតម្រូវផែនទីនេះ គឺប្រមូលផ្តុំដោយអ្នកជំនាញ និងធ្វើតាមនិតិវិធីត្រឹមត្រូវនៃការណែនាំ ដាច់ខាតមិនធ្វើអីឱ្យខុសគោលការណ៍ ឬលើសដែនអធិបតេយ្យភាពកម្ពុជានោះឡើយ។

ក្នុងយុទ្ធនាការនេះ លោក ជី សុផាត ក៏បើកឱកាសដល់អ្នកចង់ចូលរួម អាចទាក់ទងសួរលោកដោយផ្ទាល់ផងដែរ តាមរយៈ telegram t.me/sophatCHY ៕