ចរាចរណ៍

រថយន្តដឹកទំនិញបើកបុកទ្រូងផ្លូវកំពុងស្ថាបនា ក្រឡាប់ស្លាប់ម្នាក់ និងរបួសពីរនាក់

បានផុស

៥ years មុន

នៅ

ថ្ងៃអង្គារ ៨ មិថុនា ២០២១

ដោយ

មនុស្សម្នាក់បានស្លាបភ្លាមៗនៅកន្លែងកើតហេតុ និង២នាក់ទៀតរងរបួសធ្ងន់ពេលដែលរថយន្តធុនធ្ងន់មួយគ្រឿងបួងចង្កូតមិនទាន់បុកទ្រូងផ្លូវដែលកំពុងស្ថាបនា ហើយក៏ក្រឡាប់តែម្តង។

លោក សេង លុច អធិការនគរបាលស្រុកថ្មគោលបានបញ្ជាក់ថា ករណីនេះបានកើតឡើងកាលពីថ្ងៃទី០៧ ខែមិថុនា ឆ្នាំ២០២១ វេលាម៉ោង៩និង៤៥នាទីយប់ លើផ្លូវជាតិលេខ៥ ដែលកំពុងស្ថាបនា ត្រង់ចំណុចក្រុមទី១៥ ភូមិអូរតាគី ឃុំអូរតាគី ស្រុកថ្មគោល ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្តថា ករណីគ្រោះថ្នាក់ចរាចរណ៍នេះ គឺបានបង្កឡើងដោយខ្លួនឯង ដែលរថយន្តនេះដឹកទំនិញធុនធ្ងន់ ម៉ាកហ្វ៊ុយសូ(FUSO) ពណ៌ទឹកប្រាក់ ពាក់ស្លាកលេខ បាត់ដំបង 3A-4022 បើកបរពីជើងទៅត្បូង ក្នុងល្បឿនលឿន លុះដល់ចំណុចកើតហេតុ ដោយរថយន្តនេះបួងចង្កូតមិនទាន់ក៏បានបុកខឿនទ្រូងផ្លូវ បណ្តាលឱ្យរថយន្តក្រឡាប់ខូចខាតរនាំងដែកទ្រូងផ្លូវជាច្រើនកន្លែង និងស្លាប់ម្នាក់ រងរបួសពីរនាក់។

អ្នកបើកបររថយន្តឈ្មោះ សុខ ចាន់ ភេទប្រុស អាយុ៣៨ឆ្នាំ រស់នៅភូមិសំរោងតាកុក ឃុំសំរោងក្នុង ស្រុកឯកភ្នំ របួសធ្ងន់។ អ្នករួមដំណើរជាប្រពន្ធ ឈ្មោះ ដុស សុធា អាយុ៤២ឆ្នាំ រស់នៅភូមិ ឃុំ ជាមួយគ្នា ស្លាប់នៅកន្លែង និងម្នាក់ទៀតឈ្មោះ ចាន់ សុខហេង ភេទប្រុស អាយុ១៣ឆ្នាំ រស់នៅភូមិសំរោងតាកុក ឃុំសំរោងក្នុង ស្រុកឯកភ្នំ របួសស្រាល។

ក្រោយពេលកើតហេតុ ជំនាញស្រុក បានប្រគល់ឱ្យការិយាល័យចរាចរណ៍ផ្លូវគោកខេត្តបាត់ដំបង ដើម្បីចាត់ការតាមនីតិវិធី ៕

អត្ថបទ ៖ សោ និយមរ័ត្ន

Related Topics:

ព័ត៌មានអន្ដរជាតិ២១ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា