ចរាចរណ៍

បុរសម្នាក់ត្រូវរថយន្តបើកមិនប្រកាន់ស្តាំ បុកស្លាប់ភ្លាមនៅនឹងកន្លែង

បានផុស

២១ ម៉ោង មុន

នៅ

ថ្ងៃពុធ ២៤ វិច្ឆិកា ២០២១

ដោយ

បន្ទាយមានជ័យ ៖ បុរសម្នាក់ត្រូវរថយន្តបើកមិនប្រកាន់ស្តាំបើកបុកស្លាប់នៅពេលយប់។ ហេតុការណ៍នេះ កើតឡើងនៅវេលាម៉ោង១១និង៣០នាទីយប់ នៅថ្ងៃទី២៣ ខែវិច្ឆិកា ឆ្នាំ២០២១ លើកំណាត់ ផ្លូវជាតិលេខ៥៦ ត្រង់ ចំណុចខាងជើងសាលាបឋមសិក្សាសូភីប្រហែល៧០ម៉ែត្រ ឋិតក្នុងភូមិតារាងបាល់ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នគរបាលការិយាល័យចរាចរណ៍ផ្លូវគោក នៃស្នងការដ្ឋាននគរបាលខេត្តបានប្រាប់អ្នកយកព័ត៌មានឲ្យដឹងថា មុនពេលគ្រោះថ្នាក់នោះ មានម៉ូតូហុងដាC125 ខ្មៅ ពាក់ស្លាកលេខ បន្ទាយមានជ័យ1M -6122 អ្នកបើកមាន ឈ្មោះឃិន សុទី ភេទប្រុសអាយុ២៧ឆ្នាំ រស់នៅភូមិរលំជ្រៃ ឃុំភូមិថ្មី ស្រុកថ្មពួក ខេត្តបន្ទាយមានជ័យ បើកពីជើងទៅត្បូង នៅពេលយប់ ស្រាប់តែរថយន្តមិនប្រកាន់ស្តាំនិងល្បឿនលឿនបើកមកបុកពេញទំហឹងបណ្តាលឲ្យស្លាប់ភ្លាមៗ ព្រោះកម្រិតបុកខ្លាំងនិងបាក់ឆ្អឹង ឯរថយន្តបង្កក្រោយបុកហើយ បានបើករត់គេចបាត់ពីកន្លែងកើតហេតុ។

នគរបាលការិយាល័យចរាចរណ៍ផ្លូវគោក នៃស្នងការដ្ឋាននគរបាលខេត្តបានបញ្ជាក់ឲ្យដឹងបន្តទៀតថា ករណីគ្រោះថ្នាក់នេះ យោងតាមសមត្ថកិច្ចនគរបាលចរាចរណ៍ ដែលពិនិត្យនិងសន្និដ្ឋាននៅកន្លែងកើតហេតុបានបញ្ជាក់ថា មូលហេតុនៃគ្រោះថ្នាក់គឺមកពីរថយន្តមិនប្រកាន់ស្តាំនិងល្បឿនលឿន៕

ដោយ ៖ វ៉ន់ ណាង