ចរាចរណ៍
រថយន្តឡិចស៊ិសបើកលឿនជ្រុលបុកបង្គោលប៉ាណូ និងទ្រូងផ្លូវរងការខូចខាតជាច្រើនកង់
របាំងពុះចែកទ្រូងផ្លូវចំនួន៥កង់ រួមជាមួយបង្គោលប៉ាណូ ត្រូវបានរថយន្តឡិចស៊ិសមួយគ្រឿង បើកបរក្នុងល្បឿនលឿនមិនប្រយ័ត្នជ្រុលចង្កូតបុករះ នៅចំណុចទល់មុខព្រលានយន្តហោះអន្តរជាតិភ្នំពេញ ស្ថិតតាមបណ្តោយផ្លូវសហព័ន្ធរុស្ស៊ី ក្នុងសង្កាត់កាកាបទី១ ខណ្ឌពោធិ៍សែនជ័យ បង្កការភ្ញាក់ផ្អើលកាលពីវេលាម៉ោង១រំលងអាធ្រាត្រឈានចូលថ្ងៃទី៣០ ខែវិច្ឆិកា ឆ្នាំ២០២១ ។
យោងតាមប្រភពព័ត៌មាននៅកន្លែងកើតហេតុអោយដឹងថា នៅមុនកើតហេតុរថយន្តបង្កម៉ាកឡិចស៊ិស RX330 ពណ៌កណ្តុរប្រមេះ ពាក់ស្លាកលេខភ្នំពេញ 2BD-1586 បើកបរដោយបុរសម្នាក់ ធ្វើដំណើរតាមបណ្តោយផ្លូវសហព័ន្ធរុស្ស៊ី ក្នុងទិសដៅពីលិចទៅកើត ក្នុងល្បឿនលឿន ខណៈដល់ចំណុចកើតហេតុ រថយន្តក៏បានរេចង្កូតជ្រុលទៅបុកបង្គោលប៉ាណូនៅចំណុចកណ្តាលទ្រូងផ្លូវពេញទំហឹង រួចក៏ជ្រុលបុករះរបាំងជ័រពុះចែកទ្រូងផ្លូវទាំងកំរោល បណ្តាលអោយរបាំងជ័រចំនួន៥ផ្ទាំង ត្រូវរងការខូចខាតដាច់ចេញពីគ្នាតែម្តង ។ ចំណែកឯករថយន្តបង្ករងការខូចខាតផ្នែកខាងមុខយ៉ាងដំណំ ។
ក្រោយកើតហេតុ សមត្ថកិច្ចមូលដ្ឋាន សហការជាមួយជំនាញ ចុះអន្តរាគមន៍ធ្វើការវាស់វែងស្ទូចយករថយន្តបង្កខាងលើ ទៅរក្សាទុកនៅការិយាល័យនគរបាលចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ រង់ចាំចាត់ការទៅតាមនីតិវិធីច្បាប់នៅពេលក្រោយ ។
សូមបញ្ជាក់ថា នៅក្នុងហេតុការណ៍គ្រោះថ្នាក់ចរាចរណ៍នេះ ពុំមានបណ្តាលអោយមនុស្សណាម្នាក់រងរបួស ឬស្លាប់ឡើយ ពោលគឺខូចខាតតែរថយន្តបង្ក និងទ្រព្យសម្បត្តិសាធារណៈប៉ុណ្ណោះ ដោយសារតែកត្តាបើកបរខ្វះការប្រុងប្រយ័ត្ន៕
អត្ថបទ៖ លីហេង
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ