ចរាចរណ៍

ម៉ូតូពីរគ្រឿងបុកគ្នាបណ្ដាលឲ្យយុវជនម្នាក់ស្លាប់និង៣នាក់ទៀតរងរបួស

បានផុស

៤ years មុន

នៅ

ថ្ងៃសៅរ៍ ២២ មករា ២០២២

ដោយ

យុវជនម្នាក់បានស្លាប់ភ្លាមៗ និង៣នាក់ទៀតរងរបួសធ្ងន់ធ្ងរក្នុងករណីគ្រោះថ្នាក់ចរាចរណ៍មួយដែលភាគីទាំងសងខាងបានធ្វើដំណើរដោយម៉ូតូហើយបានបុកគ្នាចំពីមុខ។

យោងតាមប្រភពពីលោកអនុសេនីយ៍ឯក ហ៊ុល ផាន់ណា ប្រធានផ្នែកដោះស្រាយវិវាទចរាចរណ៍នគរបាលខណ្ឌច្បារអំពៅ បានប្រាប់កម្ពុជាថ្មីថា កាលពីវេលាម៉ោង២៣និងនាទីយប់ ថ្ងៃទី២១ ខែមករា មានករណីគ្រោះថ្នាក់ចរាចរណ៍មួយរវាងម៉ូតូនិងម៉ូតូនៅលើកំណាត់ផ្លូវលេខ៣៦៩ ភូមិព្រះពន្លា សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ បណ្តាលឲ្យមនុស្សម្នាក់ស្លាប់និង៣នាក់ទៀតរងរបួស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហ៊ុល ផាន់ណា បានរៀបរាប់ពីហេតុការណ៍គ្រោះថ្នាក់នេះថា ជនរងគ្រោះដែលស្លាប់ឈ្មោះ ឌៀប ដាំង ភេទប្រុសអាយុ១៩ឆ្នាំ មុខរបរកម្មករផលិតដបទឹកសុទ្ធ និងមានស្រុកកំណើតភូមិដូននាគ ឃុំប្រម៉ោយ ស្រុកវាលវែង ខេត្តពោធិ៍សាត់ បើកបរម៉ូតូសេ១២៥ពណ៍ខ្មៅសេរី០២២ពាក់ស្លាកលេខភ្នំពេញ១JD៣៦៣៧ឌុបយុវជនម្នាក់ ដោយធ្វើដំណើរតាមបណ្តោយផ្លូវ៣៦៩ក្នុងទិសដៅពីត្បូងទៅជើង។ លុះមកដល់ចំណុចភូមិព្រះពន្លា សង្កាត់ព្រែកប្រា ក៏បានបុកជាមួយម៉ូតូមួយគ្រឿងទៀតម៉ាកសេ១២៥ពណ៌ខ្មៅ ពាក់ស្លាកលេខភ្នំពេញ១X៣៤០៧ ដែលធ្វើដំណើរបញ្ច្រាស់ទិសគ្នាបណ្តាលឲ្យជនរងគ្រោះឈ្មោះ ឌៀប ដាំង បានស្លាប់នៅនឹងកន្លែង ចំណែកភាគីម្ខាងទៀតរងរបួសធ្ងន់រួមទាំងអ្នកជិះពីក្រោយជនរងគ្រោះ។

លោក ផាន់ណា បញ្ជាក់ថា ករណីគ្រោះថ្នាក់ចរាចរណ៍នេះ គឺបង្កឡើងដោយភាគីម្ខាងដែលបើកបររំលោភមកចំណែកផ្លូវម៉ូតូជនរងគ្រោះ។ ហើយមកដល់ពេលនេះនគរបាលកំពុងស្វែងរកភាគីបង្កដែលកំពុងគេចខ្លួន៕

អត្ថបទ៖ នរា

Related Topics: