រថយន្តដឹកថ្មក្រឡាប់ផ្ងាជេីងកណ្ដាលផ្លូវជាតិលេខ៣

រថយន្តបែនដឹកថ្មមួយគ្រឿងបេីកលឿនចាប់ហ្វ្រាំងមិនជាប់គេចពីរថយន្តនៅខាងមុខបួងចង្កូតឡេីងសួនច្បារពុះចែកទ្រូងផ្លវក្រឡាប់ផ្ងាជេីងចាក់ថ្មបិតផ្លូវម្ខាងស្ទះចរាចរណ៍យ៉ាងខ្លាំងនៅផ្លូវជាតិលេខ៣។

ហេតុការណ៍នេះបានកេីតឡេីងកាលពីវេលាម៉ោង២និង១០នាទីរសៀលថ្ងៃទី៤ ខែមីនា ឆ្នាំ២០២២ នៅចំណុចមុខវត្តស្លែង តាមបណ្តោយផ្លូវជាតិលេខ៣ ស្ថិតក្នុងសង្កាត់ពងទឹក ខណ្ឌដង្កោ រាជធានីភ្នំពេញ។

តាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុគេបានឃេីញរថយន្តបែនដឹកថ្ម ពណ៌ស ពាក់ស្លាកលេខចង្កូតស្តាំ KPS 2198 ធ្វេីដំណេីរតាមបណ្តោយផ្លូវជាតិលេខ៣ ក្នុងទិសដៅពីត្បូងទៅជេីងក្នុងល្បឿន​លឿន ខណៈមកដល់ចំណុចកេីតហេតុដោយសារមានរថយន្តជាច្រេីនកំពុងឈប់ចាំស្តុបក៏បានបួងចង្កូតមកខាងឆ្វេងដៃឡេីង​សួន​ពុះចែកទ្រូងផ្លូវក្រឡាប់ចាក់ថ្មចោលពេញផ្លូវបិទចរាចរណ៍ទាំងស្រុងបង្កការកកស្ទះចរាចរណ៍យ៉ាងខ្លាំង ។

ជុំវិញករណីខាងលេីនេះមិនបង្កឲ្យមនុស្សរងរបួសនោះទេ រងការខូចខាតតែរថយន្តនិងដេីមឈេីដែលដាំនៅសួនច្បារតែប៉ុណ្ណោះ។

ក្រោយកេីតហេតុសមត្ថកិច្ចបានហៅគ្រឿងចក្រកៀថ្មចេញដេីម្បីឲ្យចរាចរណ៍ធម្មតាវិញ និងទាក់ទងទៅសមត្ថកិច្ចជំនាញមកស្ទូចរថយន្តខាងខាងលេីទៅរក្សាទុកនៅការិយាល័យចរាចរណ៍រាជធានីភ្នំពេញ រង់ចាំដោះស្រាយពេលក្រោយ៕

អត្ថបទ៖ សុខា