ចរាចរណ៍
៤ថ្ងៃក្នុងឱកាសបុណ្យចូលឆ្នាំ ស្លាប់៣០នាក់ និងរបួសជាង១០០នាក់ដោយសារករណីគ្រោះថ្នាក់ចរាចរណ៍
យោងតាមរបាយការណ៍របស់អគ្គស្នងការនគរបាលជាតិ បានបញ្ជាក់ឱ្យដឹងថា ពិធីបុណ្យចូលឆ្នាំប្រពៃណីជាតិខ្មែរ៣ថ្ងៃបូកនឹងថ្ងៃអាទិត្យមួយថ្ងៃទៀត ពោលគឺចាប់ពីថ្ងៃទី១៤ដល់ថ្ងៃទី១៧ ខែមេសា ឆ្នាំ២០២២ មានករណីគ្រោះថ្នាក់ចរាចរណ៍នៅទូទាំងប្រទេសចំនួន៦៥លើក បណ្ដាលឱ្យមនុស្សស្លាប់៣០នាក់ និងរងរបួសធ្ងន់ស្រាលចំនួន១១២នាក់។
យោងតាមរបាយការណ៍ដដែលបានបន្តទៀតថា ករណីគ្រោះថ្នាក់ចរាចរណ៍ទាំង៦៥លើកនេះ កើតមានឡើងស្ទើរគ្រប់បណ្ដាលរាជធានីខេត្ត ហើយមូលហេតុដែលបណ្ដាលឱ្យកើតមានគ្រោះថ្នាក់ចរាចរណ៍នេះ រួមមាន ការបើកបរលើសល្បឿនកំណត់ ,បើកបរមិនគោរពសិទ្ធិ, វ៉ាប្រជែងគ្រោះថ្នាក់ , បត់គ្រោះថ្នាក់ និងបើកបរក្រោមឥទ្ធិពលនៃគ្រឿងស្រវឹងជាដើម ជាពិសេសនាពេលយប់។
សម្រាប់ពិធីបុណ្យចូលឆ្នាំប្រពៃណីជាតិខ្មែរនៅឆ្នាំនេះមានបងប្អូនប្រជាពលរដ្ឋខ្មែរបាននាំគ្នាធ្វើដំណើរកំសាន្តនៅតាមរមណីដ្ឋាននានានៅទូទាំងប្រទេសដែលធ្វើឱ្យការធ្វើចរាចរណ៍មានភាពមមាញឹកយ៉ាងខ្លាំង បន្ទាប់ពីកម្ពុជាបានអាក់ខានរៀបចំពិធីបុណ្យជាតិដ៏ធំនេះអស់រយៈពេល២ឆ្នាំកន្លងទៅនេះដោយសារការរាតត្បាតជំងឺកូវីដ១៩។
បើតាមក្រសួងទេសចរណ៍បានឱ្យដឹងថា សម្រាប់ឱកាសបុណ្យចូលឆ្នាំថ្មីប្រពៃណីជាតិខ្មែររយៈពេល៣ថ្ងៃមានភ្ញៀវទេសចរជិត៥លាននាក់ចេញដើរកម្សាន្តទូទាំងប្រទេស។ក្នុងចំណោមភ្ញៀវទេសចរសរុបជិត៥លាននាក់នេះមានភ្ញៀវជាតិជាង៤លាន៥សែននាក់ និងភ្ញៀវបរទេសផ្ទៃក្នុងជិត៣ម៉ឺននាក់។
គោលដៅទេសចរណ៍សំខាន់ៗដែលភ្ញៀងទេសចរបានទៅដល់ច្រើនជាងគេរួមមាន ខេត្តបាត់ដំបងជាង៥៦ម៉ឺននាក់, ខេត្តកំពង់ចាមជាង៥១ម៉ឺននាក់,ខេត្តសៀមរាបជាង៤០ម៉ឺននាក់,ខេត្តបន្ទាយមានជ័យជាង៣៨ម៉ឺននាក់,ខេត្តព្រៃវែងជាង៣៨ម៉ឺននាក់, ខេត្តកំពង់ស្ពឺជាង៣៣ម៉ឺននាក់,ខេត្តពោធិ៍សាត់ជាង២៩ម៉ឺននាក់, ខេត្តកំពង់ឆ្នាំងជាង២៧ម៉ឺននាក់,ខេត្តកំពតជាង២៥ម៉ឺននាក់,ខេត្តព្រះសីហនុជាង២៣ម៉ឺននាក់,រាជធានីភ្នំពេញជាង២២ម៉ឺននាក់៕
អត្ថបទ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត