ស្លាប់១៧នាក់ ក្នុងករណីគ្រោះថ្នាក់ចរាចរណ៍ កាលពីថ្ងៃទី២៥ ខែមករា
Connect with us
Helistar Cambodia - Helicopter Charter Services

ព័ត៌មានជាតិ

ស្លាប់១៧នាក់ ក្នុងករណីគ្រោះថ្នាក់ចរាចរណ៍ កាលពីថ្ងៃទី២៥ ខែមករា

បានផុស

នៅ

តាមរបាយការណ៍របស់អគ្គស្នងការនគរបាលជាតិ បានឲ្យដឹងថា កាលពីថ្ងៃទី២៥ ខែមករា ឆ្នាំ២០២១ ម្សិលមិញនេះ មានករណីគ្រោះថ្នាក់ចរាចរណ៍ទូទាំងប្រទេសចំនួន១៧ លើក ក្នុងនោះបណ្ដាលឱ្យស្លាប់មនុស្សចំនួន១៧ នាក់ របួសសរុបចំនួន១៩ នាក់ (របួសធ្ងន់ចំនួន១៣ នាក់) ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងរបាយការណ៍បានបញ្ជាក់ថា រយៈពេល២៥ថ្ងៃ គិតចាប់ពីថ្ងៃទី០១ ដល់ថ្ងៃទី២៥ ខែមករា ឆ្នាំ២០២១ មានករណីគ្រោះថ្នាក់ចរាចរណ៍ កើតឡើងចំនួន២៤២ លើក ធ្វើឱ្យមនុស្សចំនួន១៣៩ នាក់បានស្លាប់ និងចំនួន៣៣៦នាក់របួស ខណៈយានយន្តល្មើស ចំនួន២៣៣២៧ គ្រឿង ត្រូវបានពិនិត្យ និងពិន័យ ។

លោកឧត្តមសេនីយ៍ឯក ឆាយ គឹមខឿន អ្នកនាំពាក្យ អគ្គស្នងការនគរបាលជាតិ បានឲ្យដឹងថា សម្រាប់ថ្ងៃទី២៥ ខែមករា នេះដែរ នគរបាលចរាចរណ៍ទូទាំងប្រទេស បានត្រួតពិនិត្យ និងពិន័យយានយន្តសរុបចំនួន៩២០ គ្រឿង ក្នុងនោះ មានម៉ូតូចំនួន៦៦៤ គ្រឿង និងរថយន្តគ្រប់ប្រភេទចំនួន២៥៦ គ្រឿង។

លោកថា ក្នុងចំណោមម៉ូតូល្មើសទាំង៦៦៤ គ្រឿងនោះ បើកបរដោយអត់មួកសុវត្ថិភាពចំនួន៥៩៧ នាក់, បើកបរល្មើសសញ្ញាចំនួន២៧ គ្រឿង, ស្រវឹងចំនួន០៩ នាក់, បើកបរដោយអត់ស្លាកលេខចំនួន១៩ គ្រឿង និងបើកបរប្រើទូរស័ព្ទចំនួន១២ នាក់។

ចំណែករថយន្តទាំង២៥៦ គ្រឿងនោះ មានរថយន្តតូចចំនួន២០៩ គ្រឿង និងរថយន្តធំចំនួន៤៧ គ្រឿង ហើយក្នុង ចំណោម​យានយន្តទាំងនោះ មានល្មើសល្បឿនចំនួន៥៩ គ្រឿង, អត់មានប័ណ្ណបើកបរចំនួន១០ នាក់, ល្មើសញ្ញាចំនួន​១៨ គ្រឿង, បត់ជែងចំនួន០១ គ្រឿង, បើកបរអត់ដាក់ខ្សែក្រវ៉ាត់ចំនួន ១១៣ នាក់, លើសចំណុះចំនួន០៩ គ្រឿង, បើកបរក្នុងស្ថានភាពស្រវឹងចំនួន០៦ នាក់, អត់ស្លាកលេខចំនួន១៩ គ្រឿង និងបើកបរប្រើទូរសព្ទចំនួន២១ នាក់៕

អត្ថបទ ៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៥ ម៉ោង មុន

តេ​ក្វាន់​ដូ​ITF​កម្ពុជា រៀបចំ​ការប្រកួត​វិ​ញ្ញាសា​មេគុន​តាម​អន​ឡាញ​ជា​លើកដំបូង

ព័ត៌មានជាតិ៥ ម៉ោង មុន

ផ្ទុះអាវុធ​នៅ​កណ្តាល​ក្រុងព្រះសីហនុ​៥​គ្រាប់ សមត្ថកិច្ច​ចាប់​ឃាត់ខ្លួន​មនុស្ស​ចំនួន​៣​នាក់

ព័ត៌មានជាតិ៥ ម៉ោង មុន

សម្តេច​សខេង​ណែនាំ​ឱ្យ​អភិបាល​រាជធានី​ខេត្ត​សហការ​ជាមួយ​គ​.​ជ​.​ប​ក្នុងការ​ពិនិត្យ​បញ្ជី​ឈ្មោះ​និង​ការចុះឈ្មោះ​បោះឆ្នោត​ឆ្នាំ​២០២១

ព័ត៌មានជាតិ៥ ម៉ោង មុន

ប្រជាពលរដ្ឋ​៣​ភូមិ​នៅ​សង្កាត់​បឹង​សាឡាង​ទទួលបាន​អំណោយ​ពីស​ម្តេច​ទាំង​ទ្វេ ខណៈ​បិទ​ខ្ទប់​យក​សំណាក

ព័ត៌មានជាតិ៦ ម៉ោង មុន

រដ្ឋបាល​ខេត្ត​ស្ទឹងត្រែង​រក​ឃើញ​កូ​វីដ​១៩ បំប្លែង​ថ្មី​(Delta)​ចំនួន ២​នាក់

Sokha Hotels

ព័ត៌មានពេញនិយម

Helistar Cambodia - Helicopter Charter Services