ចរាចរណ៍
សមត្ថកិច្ចរកឃើញអ្នកល្មើសជាតិស្រវឹង៣៣៥នាក់ក្នុងរយៈពេល៧ថ្ងៃ នៃយុទ្ធនាការអនុវត្តរឹតបន្តឹងច្បាប់ចរាចរណ៍ផ្លូវគោកក្នុងរាជធានីភ្នំពេញ
ក្នុងយុទ្ធនាការអនុវត្តរឹតបន្តឹងច្បាប់ចរាចរណ៍ផ្លូវគោក ជាពិសេសការត្រួតពិនិត្យលើអ្នកបើកបរស្ថិតក្រោមឥទ្ធិពលនៃគ្រឿងស្រវឹងនៅរាជធានីភ្នំពេញក្នុងរយៈពេល៧ថ្ងៃ សមត្ថកិច្ចបានរកឃើញអ្នកបើកបរយានយន្ដស្ថិតក្រោមស្ថានភាពស្រវឹងចំនួន៣៣៥គ្រឿង ស្មើនឹង៣៣៥នាក់ និងបានអនុវត្តផាកពិន័យតាមវិធានការណ៍ច្បាប់។ នេះបើតាមការបញ្ចាក់របស់លោកវរសេនីយ៍ឯក សំ វិច្ឆិកា អ្នកនាំពាក្យនៃស្នងការដ្ឋាននគរបាលរាជធានីភ្នំពេញ បានប្រាប់ កម្ពុជាថ្មី នៅយប់ថ្ងៃទី១ ខែកុម្ភៈ ឆ្នាំ២០២៤នេះ។
លោកវរសេនីយ៍ឯក សំ វិច្ឆិកា បានឲ្យដឹងថា ក្នុងយុទ្ធនាការអនុវត្តរឹតបន្តឹងច្បាប់ចរាចរណ៍ផ្លូវក្នុងរាជធានីភ្នំពេញ ក្នុងរយៈពេល៧ថ្ងៃ គិតចាប់ពីថ្ងៃទី២៥ ដល់ថ្ងៃទី៣១ ខែមករា ឆ្នាំ២០២៤នេះ ការអនុវត្តប្រកបដោយប្រសិទ្ធិភាព ហ្មត់ចត់ម៉ឺងម៉ាត់តាមគោលការច្បាប់ និងវិធានការជំនាញ។ លោកវរសេនីយ៍ឯក សំ វិច្ឆិកា បន្ថែមថា ការអនុវត្តរយៈពេល៧ថ្ងៃនេះ មានប្រជាពលរដ្ឋមួយចំនួននៅតែបន្ដបើកបរល្មើសច្បាប់ចរាចរណ៍ដដែល ប៉ុន្តែអ្វីដែលគួរឲ្យកក់សម្គាល់មានប្រជាពលរដ្ឋភាគច្រើនបានចូលរួមគោរពច្បាប់ចរាចរណ៍ផ្លូវគោក ជាពិសេសអ្នកទទួលទានគ្រឿងស្រវឹង អត់ពាក់មួកសុវត្ថិភាពក៏មានការថយចុះ។
អ្នកនាំពាក្យស្នងការដ្ឋាននគរបាលរាជធានីភ្នំពេញ បញ្ចាក់ថា ការអនុវត្តវិធានការរឹតបន្តឹងច្បាប់ចរាចរណ៍ផ្លូវ ជាពិសេសការអនុវត្តនៅពេលយប់ ការត្រួតពិនិត្យជាត់អាល់កុលនេះតែម្ដង ក្នុងរយៈ៧ថ្ងៃកម្លាំងសមត្ថកិច្ចបានរកឃើញអ្នកបើកបររថយន្ដ និងម៉ូតូដែលស្ថិតក្រោមជាតិស្រវឹងមានចំនួនសរុប ៣៣៥គ្រឿង ស្មើនឹង៣៣៥នាក់ ត្រូវបានអនុវត្តផាកពិន័យតាមវិធានការច្បាប់ និងបានធ្វើកិច្ចសន្យាអប់រំ ក្នុងករណីមិនរាងចាល សមត្ថកិច្ចនឹងពិចារណា និងអនុវត្តតាមនិតិវិធីច្បាប់។
បើតាមលោកវរសេនីយ៍ឯក សំ វិច្ឆិកា ការអនុវត្តរឹតបន្តឹងច្បាប់ចរាចរណ៍ផ្លូវគោកក្នុងរាជធានីភ្នំពេញរយៈពេល៧ថ្ងៃនេះដែរ បើប្រៀបធៀន៧ថ្ងៃដូចគ្នាមុនយុទ្ធនាការ និងក្រោយយុទ្ធនាការ សមត្ថកិច្ចបានកក់សម្គាល់ថា រយៈពេល៧ថ្ងៃចាប់ពីថ្ងៃទី២៥ ដល់ថ្ងៃទី៣១មករា ករណីគ្រោះថ្នាក់ចរាចរណ៍បានកើតឡើងចំនួន១៤លើក ស្លាប់ចំនួន៤នាក់ ដោយឡែករយៈពេល៧ថ្ងៃមុនការអនុវត្តរឹតបន្តឹងច្បាប់ចរាចរណ៍ ករណីគ្រោះថ្នាក់ចរាចរណ៍បានកើតឡើងចំនួន១៨លើក ស្លាប់ចំនួន៩នាក់ អញ្ចឹងអត្រាគ្រោះថ្នាក់ចរាចរណ៍មានការថយចុះចំនួន៤លើក ថយមកស្លាប់ចំនួន៥នាក់ ចំណែកអ្នករងរបួសធ្ងន់ស្រាលក៏ថយចុះដូចគ្នាផងដែរ។
អ្នកនាំពាក្យរូបនេះបន្ថែមថា ការអនុវត្តរឹតបន្តឹងច្បាប់ចរាចរណ៍ផ្លូវគោកក្នុងភូមិសាស្ត្ររាជធានីភ្នំពេញនេះ គឺទទួលបាននូវប្រសិទ្ធិភាពអត្រាគ្រោះថ្នាក់ចរាចណ៍មានការថយចុះ ហើប្រជាពលរដ្ឋកាន់តែច្រើនបានចូលគោរពច្បាប់ចរាចរណ៍ផ្លូវគោក។ ចំពោះវិធានការបន្ទាប់ កម្លាំងនគរបាលនៃស្នងការដ្ឋាននគរបាលរាជធានីភ្នំពេញ នឹងសហាការជាមួយកម្លាំងគណៈបញ្ជាការឯកខណ្ឌទាំង១៤ នៅតែបន្តរឹតបន្តឹងគ្រប់ពេលវេលា គ្រប់ទីកន្លែង ជាពិសេសរឹតបន្តឹងការអនុវត្តអ្នកបើកបរក្រោមឥទ្ធិពលនៃជាតិស្រវឹងនេះតែម្ដង៕
អត្ថបទ៖ សុខុម
-
ព័ត៌មានអន្ដរជាតិ៦ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៦ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ១ ថ្ងៃ ago
ណាសា៖ ស្រទាប់ភពពុធ កម្រាស់ជាង ១៦គីឡូម៉ែត្រ អាចក្រាលដោយពេជ្រសុទ្ធ
-
ព័ត៌មានជាតិ២ ថ្ងៃ ago
តុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
កីឡា៤ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានអន្ដរជាតិ៣ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី
-
សន្តិសុខសង្គម១ ថ្ងៃ ago
ផ្លូវបេតុងជិត៦០០ម៉ែត្រ ដែលមិនប្រកាសដេញថ្លៃជាសាធារណៈ ចាប់ផ្តើមលួចសាងសង់
-
ព័ត៌មានជាតិ៣ ថ្ងៃ ago
សម្ដេច ហ៊ុន សែន អះអាងច្បាស់ៗថា គ្មានទេកិច្ចព្រមព្រៀងកាត់ដីឱ្យទៅវៀតណាម