ចរាចរណ៍
២ នាក់ បងប្អូនជីដូនមួយ ឌុបគ្នាទៅបើកបវេសនកាល អកុសលជួបគ្រោះថ្នាក់ចរាចរណ៍ស្លាប់ប្អូន
សិស្សសាលា ២ នាក់ បងប្អូនជីដូនមួយ ជិះម៉ូតូឌុបគ្នាទៅបើកបវេសនកាលឆ្នាំសិក្សាថ្មី ខណៈធ្វើដំណើរតាមផ្លូវបានជួបគ្រោះថ្នាក់ចរាចរណ៍រវាងម៉ូតូមួយគ្រឿងទៀត បណ្ដាលឲ្យដួលស្របពេលរថយន្តព្រូសមួយគ្រឿងបើកមកដល់កិនស្លាប់ប្អូន។
ហេតុការណ៍នេះកើតឡើងកាលពីវេលាម៉ោង ៦ និង ៣០ នាទី ព្រឹកថ្ងៃទី ១ ខែវិច្ឆិកា ឆ្នាំ ២០២៤ ស្ថិតតាមបណ្ដោយផ្លូវព្រៃស ខណ្ឌដង្កោ រាជធានីភ្នំពេញ។
តាមសម្ដីសន្តិសុខម្នាក់ដែលឃើញហេតុការណ៍បានឲ្យដឹងថា មុនកើតហេតុគាត់បានឃើញសិស្សសាលាទាំង ២ នាក់ ធ្វើដំណើរដោយម៉ូតូមួយគ្រឿង ម៉ាកហុងដាឌ្រីមសង់សេ ១២៥ ពណ៌ខ្មៅ ពាក់ស្លាកលេខ ភ្នំពេញ 1CV-2304 ឆ្នាំ ២០១៥ តាមបណ្ដោយផ្លូវបេតុងព្រៃស ទិសដៅពីលិចទៅកើត លុះមកដល់ចំណុចកើតហេតុ ក៏មានម៉ូតូម៉ាក វេវ មួយគ្រឿង ជិះដោយបុរសម្នាក់ មកកណ្ដាលទ្រូងផ្លូវ រៀបនឹងឆ្លងផ្លូវ ស្រាប់តែម៉ូតូសិស្សខាងលើជិះទៅប៉ះខ្ទាតទៅមុខប្រមាណជាង ១០ ម៉ែត្រ ធ្លាក់អ្នកជិះក្រោយទៅនឹងថ្នល់បេតុង ស្របគ្នានោះ ក៏មានរថយន្តម៉ាកព្រូសមួយគ្រឿង កិនចំជនរងគ្រោះស្លាប់នៅនឹងកន្លែង រីឯយុវជនដែលឌុប និងភាគីខាងម៉ូតូ វេវ រងរបួសស្រាល។ ភ្លាមនោះរថយន្តព្រូសបានបើកបន្តទៅមុខបាត់ទៅ បន្សល់ទុកជនរងគ្រោះ និងម៉ូតូ ២ គ្រឿង នៅនឹងកន្លែងកើតហេតុ។
ជនរងគ្រោះស្លាប់ឈ្មោះ ហុង តាក់វណ្ណឆៃ អាយុ ១៣ ឆ្នាំ ជាសិស្សវិទ្យាល័យទួលអំពិល ស្នាក់នៅភូមិទួលពង្រ សង្កាត់ចោលចៅទី ១ ខណ្ឌពោធិ៍សែនជ័យ។
ក្រោយកើតហេតុសមត្ថកិច្ចជំនាញចុះវាស់វែងអូសយកម៉ូតូទាំងពីរគ្រឿងទៅរក្សាទុកបណ្ដោះអាសន្ន នៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ និងបន្តស្រាវជ្រាវរករថយន្តដែលកិនមនុស្សស្លាប់បើករត់គេច។ ចំណែកសពត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
អត្ថបទ ៖ សំណាង
វីដេអូនៅខាងក្រោម ៖
ផ្លូវក្រវាត់ព្រំដែនប្រវែង ១១ គ.ម តម្លៃ ២,៥ លាន ដុល្លារ ក្រាលបេតុងនៅក្រុងបាវិត សម្ពោធដាក់ឲ្យប្រើប្រាស់
TASS ៖ អ៊ីរ៉ង់ត្រៀមខ្លួនទទួលយកកិច្ចព្រមព្រៀងនុយក្លេអ៊ែរ ក្រោយ៣ថ្ងៃនៃការផ្ទុះអាវុធ
ឱកាសការងារ ២៣ ម៉ឺនកន្លែង រង់ចាំពលករចាប់ឱកាសការងារភ្លាមៗនៅព្រំដែនកម្ពុជា-ថៃ
បុណ្យភ្ជុំបិណ្ឌ ស្ពានឆ្លងកាត់ទន្លេមេគង្គខេត្តក្រចេះ បើកឱ្យពលរដ្ឋធ្វើដំណើរបណ្តោះអាសន្ន
ដាក់ពាក្យចូលរៀននៅ TVET បង្កើតឱកាសការងារ សាងក្តីសង្ឃឹមជំរុញលើកកម្ពស់ជីវភាព
អ្នកស្លាប់និងរបួសនៅអ៊ីស្រាអែលកើនឡើងយ៉ាងគំហុក ខណៈអ៊ីរ៉ង់បាញ់ស្រោចមីស៊ីល
ប្រទេស៣៦ទៀត រួមទាំងកម្ពុជាដែរ ប្រឈមការរឹតត្បិតឬហាមចូលអាមេរិក
ជម្លោះអ៊ីរ៉ង់-អ៊ីស្រាអែល៖ អ្នកស្លាប់និងរបួសកើនឡើង ចំពេលបង្កើនការវាយប្រហារគ្នា
បុណ្យភ្ជុំបិណ្ឌ ស្ពានឆ្លងកាត់ទន្លេមេគង្គខេត្តក្រចេះ បើកឱ្យពលរដ្ឋធ្វើដំណើរបណ្តោះអាសន្ន
កម្ពុជា បដិសេធដាច់អហង្កាមិនទទួលស្គាល់ផែនទីថៃគូសស្រេចតែចិត្តឯង ឬ«ផែនទីចោរ» ដែលសម្ដេចតេជោ បានហៅ
-
ព័ត៌មានអន្ដរជាតិ៥ ថ្ងៃ agoសេដ្ឋវិទូ៖ សេដ្ឋកិច្ចថៃប្រឈមហានិភ័យធ្លាក់ចូលក្នុងវិបត្តិបរិត្តផរណា
-
នយោបាយ៣ ថ្ងៃ agoរយៈពេលមិនដល់១២ម៉ោងកម្ពុជាទះថៃ៣កំផ្លៀង
-
ព័ត៌មានអន្ដរជាតិ៦ ថ្ងៃ agoសហព័ន្ធឧស្សាហកម្មថៃ៖ ការបិទព្រំដែនជាមួយកម្ពុជា ប៉ះពាល់ដល់ការនាំចេញថៃ ៥,២ ប៊ីលានដុល្លារ
-
ព័ត៌មានជាតិ១ សប្តាហ៍ agoនៅពេលលឺថាថៃចង់ប្រើទ័ពការពារអធិបតេយ្យភាពខ្លួន អតីតប្រមុខការទូតកម្ពុជាសួរថា តើអធិបតេយ្យភាពថៃនៅឯណា?
-
ព័ត៌មានអន្ដរជាតិ៣ ថ្ងៃ agoBreaking News! អ៊ីស្រាអែល វាយប្រហារអ៊ីរ៉ង់ហើយ! សង្គ្រាមធំអាចផ្ទុះឡើង
-
ព័ត៌មានជាតិ៥ ថ្ងៃ agoកម្ពុជា នឹងទទួលរងឥទ្ធិពលព្យុះទី១ ចាប់ពីថ្ងៃនេះ ដល់ថ្ងៃទី១៣មិថុនា
-
ព័ត៌មានអន្ដរជាតិ៣ ថ្ងៃ agoមហាសំណាង! មនុស្សម្នាក់គត់នៅរស់ពីការធ្លាក់យន្តហោះឥណ្ឌា ដោយសារលោតចុះតាមច្រកចេញអាសន្ន
-
នយោបាយ៣ ថ្ងៃ agoសម្ដេចតេជោប្រាប់ទៅរដ្ឋាភិបាលត្រៀមផ្ទុះអាវុធគ្រប់ពេលដែលថៃឈ្លានពាន