ចរាចរណ៍
បុរសម្នាក់ បើករថយន្តគេចឆ្កែ ជ្រុលបុកបង្គោលភ្លើងបាក់អស់ ០១ ដើម
បុរសម្នាក់ បើករថយន្តសាំងយ៉ុង ទៅយកបន្លែនៅផ្សារដើមគ ដាក់ឲ្យម៉ូយ ខណៈមកដល់ចំណុចកើតហេតុ ស្រាប់តែមានឆ្កែរត់ចូល គាត់បានព្យាយាមគេច ក៏ជ្រុលបុកបង្គោលភ្លើងបាក់អស់ ០១ ដើម។
ហេតុការណ៍នេះបានកើតឡើងកាលពីវេលាម៉ោង ០៣ និង ៤០ នាទី ទៀបភ្លឺ ថ្ងៃទី ០៥ ខែធ្នូ ឆ្នាំ ២០២៤ ស្ថិតតាមបណ្ដោយផ្លូវ ២១៩ សង្កាត់ផ្សារដើមគ ខណ្ឌទួលគោក រាជធានីភ្នំពេញ។
បើតាមប្រភពពីកន្លែងកើតហេតុបានឲ្យដឹងថា មុនពេលកើតហេតុគេបានឃើញបុរសម្នាក់ បើករថយន្ត ០១ គ្រឿង ម៉ាកសាំងយ៉ុង ពណ៌ស ពាក់ផ្លាកលេខភ្នំពេញ 2O-4785 រួមដំណើរជាមួយស្ត្រីម្នាក់ទៀត ក្នុងទិសដៅពីត្បូងទៅជើង ស្រាប់តែមកដល់ចំណុចកើតហេតុ ក៏រេចង្កូតទៅបុកជាមួយបង្គោលភ្លើង បណ្ដាលឲ្យបាក់បង្គោលភ្លើង និងខូចខាតប្រអប់ភ្លើងនៅលើបង្គោលផងដែរ។ ក្នុងនោះបណ្ដាលឲ្យអ្នករួមដំណើរម្នាក់ជាស្ត្រីរងរបួសស្រាល។
បើតាមការបញ្ជាក់ពីអ្នកបើកបររថយន្តបានឲ្យដឹងថា គាត់បានជិះទៅយកបន្លែនៅផ្សារដើមគ ដើម្បីយកដាក់ឲ្យម៉ូយគាត់នៅព្រែកព្នៅ ស្រាប់តែមកដល់ចំណុចកើតហេតុមានឆ្កែ ០១ ក្បាល រត់ចូលរថយន្តរបស់គាត់។ ភ្លាមនោះ គាត់បានព្យាយាមគេច ក៏ជ្រុលទៅបុកបង្គោលភ្លើងតែម្ដង។
ក្រោយកើតហេតុសមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ធ្វើការវាស់វែងយករថយន្តទៅរក្សាទុក ដើម្បីរង់ចាំដោះស្រាយនៅពេលក្រោយ៕
អត្ថបទ ៖ ម៉េង
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា