ចរាចរណ៍
បុរសម្នាក់ បើករថយន្តក្នុងល្បឿនលឿន ជ្រុលឡើងសួនច្បារពុះចែកទ្រូងផ្លូវ ទៅបុករះដើមឈើ និងបង្គោលភ្លើង បណ្ដាលឲ្យក្រឡាប់
រថយន្តស៊េរីទំនើប ពាក់ស្លាកលេខខេមរភូមិន្ទ ១ គ្រឿង បើកបរក្នុងល្បឿនលឿន ជ្រុលឡើងសួនច្បារពុះចែកទ្រូងផ្លូវ ទៅបុករះដើមឈើ និងបង្គោលភ្លើង បណ្ដាលឲ្យក្រឡាប់ បង្កការភ្ញាក់ផ្អើល កាលពីវេលាម៉ោង ១១ និង ១០ នាទីយប់ ថ្ងៃទី ១៦ ខែធ្នូ ឆ្នាំ ២០២៤ ស្ថិតតាមបណ្ដោយផ្លូវបុរីអង្គរ សង្កាត់ទួលសង្កែទី ២ ខណ្ឌឫស្សីកែវ រាជធានីភ្នំពេញ។
យោងតាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុគេបានឃើញរថយន្ត ម៉ាក HYUNDAI GALLOPER ១ គ្រឿង ពណ៌ខ្មៅ ពាក់ស្លាកលេខ ខេមរភូមិន្ទ 02 2-1032 បើកបរក្នុងល្បឿនលឿន តាមបណ្ដោយផ្លូវបុរីអង្គរ ទិសដៅពីត្បូងទៅជើង ចេញពីកាំកូស៊ីធី ទៅកាន់បុរីអង្គរ លុះមកដល់ចំណុចកើតហេតុ រថយន្តខាងលើ ស្រាប់តែរេចង្កូតជ្រុលបុកខឿនឡើងសួនច្បារពុះចែកទ្រូងផ្លូវ រួចក៏បានបុកដើមស្លា ១ ដើម និងបង្គោលភ្លើងបាក់រលំអស់ ១ ដើម ទើបបណ្ដាលឲ្យរថយន្តខាងលើក្រឡាប់កាត់ទទឹងផ្លូវតែម្ដង។
ប្រភពដដែលបានបន្តថា ក្រោយបង្កហេតុគេបានឃើញបុរសម្នាក់ចេញពីក្នុងរថយន្តដែលកំពុងក្រឡាប់នោះ បន្ទាប់មកក៏បានគេចខ្លួនចេញពីទីតាំងកើតហេតុបាត់ទៅ។ ក្នុងករណីគ្រោះថ្នាក់ចរាចរណ៍នេះមិនបានបង្កគ្រោះថ្នាក់ដល់អ្នកដំណើរផ្សេងទៀតនោះទេ។
ក្រោយកើតហេតុសមត្ថកិច្ចមូលដ្ឋានបានទាក់ទងទៅកាន់សមត្ថកិច្ចជំនាញចរាចរណ៍ ដើម្បីចុះមកធ្វើការវាស់វែង និងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំម្ចាស់រថយន្តចូលខ្លួនដោះស្រាយតាមនីតិវិធីច្បាប់នៅពេលក្រោយ៕
អត្ថបទ ៖ សំណាង
-
ព័ត៌មានអន្ដរជាតិ១១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ