ចរាចរណ៍
ចេញពីផឹកស៊ីក្នុងក្លិប ជិះម៉ូតូឌុបគ្នាលឿន បុករបាំងថ្មពុះចែកទ្រូងផ្លូវ ស្លាប់ម្នាក់ របួសធ្ងន់ម្នាក់
យុវជន ២ នាក់ ចេញពីផឹកស៊ីក្នុងក្លិប ស្រវឹងធ្លាក់ភ្នែក ជិះម៉ូតូឌុបគ្នាលឿន ទៅបុកជាមួយរបាំងថ្មពុះចែកទ្រូងផ្លូវ បណ្ដាលឲ្យអ្នកបើកបរស្លាប់ ចំណែកអ្នកជិះខាងក្រោយរងរបួសធ្ងន់។
ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង ២ រំលងអធ្រាត្រ ឈានចូលថ្ងៃទី ២០ ខែធ្នូ ឆ្នាំ ២០២៤ ស្ថិតតាមបណ្ដោយផ្លូវជាតិលេខ ៤ ចំណុចទល់មុខនឹងផ្សារជម្ពូវ័ន សង្កាត់ចោមចៅទី ៣ ខណ្ឌពោធិ៍សែនជ័យ រាជធានីភ្នំពេញ។
សពរងគ្រោះឈ្មោះ កែវ ហ៊ន ភេទប្រុស អាយុ ២៥ ឆ្នាំ មុខរបរធ្វើការរោងចក្រ បច្ចុប្បន្នស្នាក់នៅផ្ទះជួលម្ដុំកំបូល មានស្រុកកំណើតនៅខេត្តកំពង់ចាម។
បើយោងតាមការបញ្ជាក់ពីមិត្តភ័ក្ដិរបស់ជនរងគ្រោះបានឲ្យដឹងថា នៅមុនពេលកើតហេតុជនរងគ្រោះជាមួយមិត្តភ័ក្ដិប្រមាណ ១០ នាក់ បានរៃលុយគ្នាផឹកស្រាថ្នាំអស់មួយវ៉ាក់ រួចក៏បែកគំនិតយកទូរសព្ទទៅដាក់បញ្ចាំ ដើម្បីយកលុយនាំគ្នាចូលក្លិបផឹកបន្ត។ ខណៈពេលផឹកស៊ីអស់ចំនួន ១ ឈុត រៀងស្រវឹងធ្លាក់ភ្នែក ក៏បាននាំគ្នាចេញពីក្លិបវិលត្រឡប់ទៅផ្ទះជួលវិញ។ ក្នុងនោះដែរ ជនរងគ្រោះបានសុំមិត្តភ័ក្ដិបើកបរ ដោយម្ចាស់ម៉ូតូម៉ាកហុងដាឌ្រីមសង់ ២០២៥ ពណ៌ខ្មៅ ពាក់ស្លាកលេខភ្នំពេញ 1LD-4353 ជិះខាងក្រោយ ធ្វើដំណើរចេញពីផ្លូវវេងស្រេង ឆ្ពោះចូលមកផ្លូវជាតិលេខ ៤ ទិសដៅពីកើតមកលិច ក្នុងល្បឿនលឿន លុះមកដល់ចំណុចខាងលើ ក៏រេចង្កូតបុករះនឹងរបាំងថ្មពុះចែកទ្រូងផ្លូវ បណ្ដាលឲ្យបោកក្បាលនឹងបង្គោលភ្លើងស្លាប់ភ្លាមៗ នៅកន្លែងកើតហេតុ។ ចំណែកម្ចាស់ម៉ូតូជិះខាងក្រោយ រងរបួសធ្ងន់ធ្ងរ សន្លប់ស្ដូកស្ដឹង។ បន្ទាប់មក មិត្តភ័ក្ដិដែលជិះម៉ូតូមកតាមក្រោយ ឃើញជនរងគ្រោះស្លាប់ ក៏បានទាក់ទងប្រាប់ទៅសាច់ញាតិក្រុមគ្រួសារភ្លាមៗ។
ក្រោយកើតហេតុ ប្រជាពលរដ្ឋបានទាក់ទងទៅសមត្ថកិច្ចមូលដ្ឋាន ចុះមកអន្តរាគមន៍ពិនិត្យមើលជុំវិញទីតាំងខាងលើ រួចរាយការណ៍បន្តទៅផ្នែកជំនាញចរាចរណ៍។
ដោយឡែកសពរងគ្រោះ ត្រូវបាននគរបាលផ្នែកជំនាញចរាចរណ៍ធ្វើលិខិតប្រគល់ជូនក្រុមគ្រួសារដឹកយកទៅធ្វើបុណ្យតាមប្រពៃណី។ ចំណែកម៉ូតូរងគ្រោះ ខាងផ្នែកជំនាញយកទៅរក្សាទុកនៅការិយាល័យចរាចរណ៍ផ្លូវគោក៕
អត្ថបទ ៖ សុខា
-
ព័ត៌មានអន្ដរជាតិ២៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ