ចរាចរណ៍
បុរសម្នាក់ បើករថយន្តបុកកង់បីឥណ្ឌាពីក្រោយ រួចព្យាយាមរត់គេចពីកន្លែងកើតហេតុ
បុរសម្នាក់ បើករថយន្តក្នុងល្បឿនលឿន ខណៈមកដល់ផ្លូវបំបែកជាបួន ក៏ជ្រុលទៅបុកកង់បីឥណ្ឌាពីក្រោយ បណ្ដាលឲ្យមានអ្នករងរបួស ភ្លាមៗ អ្នកបើកបរព្យាយាមបើករត់គេចដល់ផ្លូវកម្ពុជាក្រោម ត្រូវប្រជាពលរដ្ឋឃាត់បាន។
ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង ៩ និង ៥០ នាទីយប់ ថ្ងៃទី ២០ ខែឧសភា ឆ្នាំ ២០២៥ តាមបណ្ដោយផ្លូវព្រះសីហនុ សង្កាត់អូឡាំពិក ខណ្ឌបឹងកេងកង រាជធានីភ្នំពេញ។
តាមប្រភពពីកន្លែងកើតហេតុបានឲ្យដឹងថា មុនពេលកើតហេតុគេបានឃើញបុរសម្នាក់បើករថយន្ត ១ គ្រឿង ម៉ាក LEXUS RX400h ពណ៌ទឹកមាស ពាក់ផ្លាកលេខ ភ្នំពេញ 2AG-3186 ជិះតែម្នាក់ឯង ក្នុងល្បឿនយ៉ាងលឿន ទិសដៅពីលិចមកកើត ខណៈមកដល់កន្លែងកើតហេតុត្រង់ចំណុចម្ដុំវត្តមហាមន្ត្រី បានបុកកង់បីឥណ្ឌា ១ គ្រឿង ពណ៌ស ពាក់ស្លាកលេខ កណ្ដាល 1AC-3887 កំពុងឈប់រង់ចាំភ្លើងស្តុបពេញទំហឹង បណ្ដាលឲ្យអ្នកបើកបររងរបួស ភ្លាមៗ នោះ ភាគីខាងរថយន្តបានបន្ថែមល្បឿនជិះចេញពីកន្លែងកើតហេតុ ហើយបើករត់រហូតដល់ផ្លូវកម្ពុជាក្រោម ក្នុងសង្កាត់ទឹកល្អក់ទី ១ ខណ្ឌទួលគោក រាជធានីភ្នំពេញ ទើបឃាត់បាន។
ក្រោយពេលឃាត់បាន សមត្ថកិច្ចខណ្ឌបឹងកេងកង បានយកទៅកន្លែងកើតហេតុវិញ ដើម្បធ្វើការដោះស្រាយ និងបន្តតាមនីតិវិធីច្បាប់៕
អត្ថបទ ៖ ម៉េង
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ