តុលាការចោទប្រកាន់អនុប្រធានការិ​យា​ល័យ​​​​ភូមិបាលខណ្ឌសែនសុខ ពីបទ បើកបរក្នុងស្ថាន​ភាពស្រវឹងបង្កគ្រោះថ្នាក់បណ្តាលឲ្យស្លាប់អ្នកដទៃ

តំណាងអយ្យការអមសាលាដំបូងរាជធានីភ្នំពេញ បានសម្រេចចោទប្រកាន់លើឈ្មោះ ថន វណ្ណារ៉ា ភេទប្រុស ជាអនុប្រធានការិយាល័យភូមិបាលខណ្ឌសែនសុខ ពីបទ បើកបរក្នុងស្ថានភាពស្រវឹងបង្កគ្រោះថ្នាក់ចរាចរណ៍បណ្តាលឲ្យស្លាប់អ្នកដទៃ និងរត់គេចខ្លួន តាមមាត្រា ៨៥ កថាខណ្ឌទី១ និងកថាខណ្ឌទី២ ចំណុច ខ និងចំណុច ឃ នៃច្បាប់ស្តីពីចរាចរណ៍ផ្លូវគោក និងបានបញ្ជូនសំណុំរឿង ទៅចៅក្រមស៊ើបសួរនៃសាលាដំបូងរាជធានីភ្នំពេញ ដើម្បីចាត់ការបន្តតាមនីតិវិធី។ នេះបើតាមការបញ្ជាក់ពីលោក ប៉េង ម៉េងគ័ង ព្រះរាជអាជ្ញារង និងអ្នកនាំពាក្យនៃអយ្យការអមសាលាដំបូងរាជធានីភ្នំពេញ បានឲ្យដឹងនាព្រឹកថ្ងៃទី១២ ខែមិថុនា ឆ្នាំ២០១៥ នេះ។

គួររំលឹកថា កាលពីយប់ថ្ងៃទី០៨ ខែមិថុនា ឆ្នាំ២០២៥ វេលាម៉ោង១១និង៤០នាទីយប់ លោក ថន វណ្ណារ៉ា អនុប្រធានភូមិបាលខណ្ឌសែនសុខ បានបើករថយន្តពាក់ផ្លាកលេខរដ្ឋទាំងស្រវឹង មានជាតិអាល់កុល ១.០៨ ក្នុង១លីត្រខ្យល់ បុកមនុស្សស្លាប់ម្នាក់ របួសធ្ងន់ម្នាក់ យ៉ាងរន្ធត់។ ករណីគ្រោះថ្នាក់ចរាចរណ៍នេះកើតឡើង នៅត្រង់ចំណុចផ្លូវភ្នំពេញហាណូយ កែងផ្លូវភូមិដីថ្មី នៅភូមិដីថ្មី សង្កាត់គេាកឃ្លាង ខណ្ឌសែនសុខ រាជធានីភ្នំពេញ៕

អត្ថបទ៖ សុភា