ចរាចរណ៍
រថយន្ត ១ គ្រឿង បើកបុកម៉ូតូ ស្លាប់មនុស្ស ១ នាក់ និងបុកចូលផ្ទះលក់ចាប់ហួយ រងរបួសធ្ងន់ម្ចាស់ផ្ទះ
រថយន្ត Toyota Prius ១ គ្រឿង បុកម៉ូតូ Honda PCX ស្លាប់បុរសម្នាក់ភ្លាមៗ នៅកន្លែងកើតហេតុ ហើយរថយន្តមិនទាន់អស់ល្បឿន ក៏ជ្រុលបុកចូលផ្ទះលក់ចាប់ហួយ បណ្តាលឲ្យស្ត្រីជាម្ចាស់ផ្ទះរងរបួសធ្ងន់។
ហេតុការណ៍នេះបានកើតឡើងកាលពីវេលាម៉ោងប្រហែល ៨ និង ៣០ នាទីយប់ ថ្ងៃទី ២៥ ខែសីហា ឆ្នាំ ២០២៥ ស្ថិតនៅចំណុចផ្លូវ ៥៩៨ កែងផ្លូវ ១៧១៥ សង្កាត់ទួលសង្កែ ២ ខណ្ឌឫស្សីកែវ រាជធានីភ្នំពេញ។
រថយន្តបង្ក ម៉ាក Toyota Prius ពណ៌ទឹកប្រាក់ ផ្លាកលេខ ភ្នំពេញ 2BQ-8449 បើកមកតាមផ្លូវបេតុងលេខ ១៧១៥ ទិសដៅពីកើតទៅលិច បានបុកចំម៉ូតូ ម៉ាក Honda PCX ពណ៌ស ផ្លាកលេខ ភ្នំពេញ 1LA-7906 ដែលជិះដោយបុរសម្នាក់ បណ្តាលឲ្យជនរងគ្រោះស្លាប់ភ្លាមៗ នៅកន្លែងកើតហេតុ។ ជនរងគ្រោះឈ្មោះ តឿន ទៀង ភេទប្រុស អាយុ ៣០ ឆ្នាំ មុខរបរជាងដែក មានស្រុកកំណើតនៅភូមិត្រពាំងនាំង ឃុំព្រះធាតុ ស្រុកអូរាំងឪ ខេត្តត្បូងឃ្មុំ។
បន្ទាប់ពីបុកម៉ូតូ រថយន្ត Prius បានបន្តជ្រុលបុកចូលក្នុងផ្ទះចាប់ហួយ “អាជីង 999” បណ្តាលឲ្យម្ចាស់ផ្ទះឈ្មោះ ដាឡែន ភេទស្រី អាយុ ៤០ ឆ្នាំ រងរបួសធ្ងន់ត្រង់ចង្កេះ និងត្រូវបានក្រុមសង្គ្រោះសាមុយ នាំទៅព្យាបាលនៅមន្ទីរពេទ្យព្រះកុសុមៈភ្លាមៗ។ ហេតុការណ៍នេះ ក៏បានខូចខាតសម្ភារៈ និងទ្រព្យសម្បត្តិជាច្រើនក្នុងផ្ទះផងដែរ។ បើតាមប្រភពព័ត៌មាន បុរសបើករថយន្តសង្ស័យស្ថិតក្នុងស្ថានស្រវឹង។ បុរសនេះ ត្រូវបានសមត្ថកិច្ចឃាត់ខ្លួន និងនាំទៅប៉ុស្តិ៍នគរបាលរដ្ឋទួលសង្កែ ២ មុនប្រគល់ឲ្យផ្នែកជំនាញចរាចរណ៍ដើម្បីចាត់ការតាមនីតិវិធី។
បច្ចុប្បន្ន សពជនរងគ្រោះ ត្រូវបានប្រគល់ជូនសាច់ញាតិយកទៅធ្វើបុណ្យតាមប្រពៃណីនៅស្រុកកំណើត។ ចំណែករថយន្តបង្ក និងម៉ូតូជនរងគ្រោះ ត្រូវបានសមត្ថកិច្ចចរាចរណ៍យកទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ដើម្បីបន្តនីតិវិធី៕
អត្ថបទ ៖ សំណាង
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ