អាជ្ញាធរសង្កាត់ភ្លេីងឆេះរទេះរៀបចំប្រព័ន្ធលូថ្មីជូនប្រជាពលរដ្ឋ

អាជ្ញាធរសង្កាត់ភ្លេីងឆេះរទេះ​ ខណ្ឌកំបូល​ កាលពីថ្ងៃទី១៦​ ខែមករា​ ឆ្នាំ២០២៦​ បានដាក់គ្រឿងចក្រកាយដាក់ប្រព័ន្ធលូថ្មីជូនប្រជាពលរដ្ឋ​ ក្នុងភូមិកប់ភ្លក់​ ដេីម្បីបញ្ចៀសការជន់លិចដោយជំនន់ទឹកភ្លៀងនារដូវវស្សា។

បើតាមអាជ្ញាធរ​ ការរៀបចំប្រព័ន្ធលូថ្នីនេះ ដោយកន្លងមកនារដូវវស្សាតំបន់ខាងលេីតែងមានការជន់លិចដោយជំនន់ទឹកភ្លៀង​ ប៉ះពាល់ដល់លំនៅឋានប្រជាពលរដ្ឋលិចលេីដងផ្លូវពិការក្នុងការធ្វេីដំណេីរ​ និងប្រកបរបរផ្សេងៗ​ ដេីម្បីដោះស្រាយជូនប្រជាពលរដ្ឋ​ និងដោយមានការយកចិត្តទុកដាក់ពីលោក​ ឃឹម​ ស៊ុនសូដា​ អភិបាលនៃគណៈអភិបាលខណ្ឌកំបូល​ បានចាត់តាំងឲ្យជំនាញ​ ចុះវាស់វែងពិនិត្យជាក់ស្តែង​ រួចបានដាក់គ្រឿងចក្រកាយរៀបចំដាក់ប្រព័ន្ធលូថ្មី​ ដេីម្បីរំដោះទឹកភ្លៀងនារដូវវស្សា។

អាជ្ញាធរក៏សូមអំពាវនាវដល់ប្រជាពលរដ្ឋទាំងអស់មេត្តាជួយថែរក្សា​ អនាម័យបរិស្ថាន​ និងសណ្តាប់ធ្នាប់ឲ្យបានល្អដេីម្បីសោភ័ណភាពទីក្រុងស្អាត​ ចៀសវាងចោលសំរាមគ្មានសណ្តាប់ធ្នាប់ប៉ះពាល់ដល់បរិស្ថាន​ និងអាចហូរចូលប្រព័ន្ធលូងាយស្ទះចរន្តទឹកហូរ៕

អត្ថបទ៖ សុខា