ថៃប្រាប់ប្រជាជនត្រៀមទទួលព្យុះមួយទៀតនៅថ្ងៃនេះ

នាយកដ្ឋានឧតុនិយមប្រទេសថៃបានព្រមានប្រជាជននៅតំបន់ទំនាបភាគឦសាន និងភាគខាងកើតក្នុងការត្រៀមទទួលព្យុះមួយផ្សេងទៀតដែលនឹងវាយប្រហារប្រទេសនៅថ្ងៃពុធ ទី១១ ខែវិច្ឆិកា នេះ ។

កាលពីថ្ងៃអង្គារព្យុះត្រូពិកឈ្មោះ Etau បាននិងកំពុងធ្វើដំណើរឆ្ពោះទៅភាគខាងលិចប្រទេសវៀតណាមដែលអាកាសយានដ្ឋានចំនួន ៥ ត្រូវបានបិទ ។

ខ្យល់ដែលមានកម្លាំងរហូតដល់ ៦៥ គីឡូម៉ែត្រក្នុងមួយម៉ោងត្រូវបានគេរំពឹងថានឹងចុះខ្សោយសម្ពាធវិញ នៅពេលដែលព្យុះបានឈានដល់ប្រទេសកម្ពុជា និងប្រទេសថៃ ប៉ុន្តែកសិករនៅតំបន់ទំនាបភាគឦសានត្រូវបានគេព្រមានឲ្យត្រៀមលក្ខណៈសម្រាប់ការខូចខាតផលដំណាំ ។

នាយកដ្ឋានថៃបាននិយាយថា រហូតមកដល់ពេលនេះខេត្តចំនួន ៣៦ បានរងគ្រោះដោយទឹកជំនន់ភ្លាមៗ និងការបាក់ដីចាប់តាំងពីថ្ងៃទី ៧ ខែតុលាដែលបានធ្វើឲ្យខូចខាត និងប៉ះពាល់ដល់ប្រជាជនចំនួន ៩២,០៨៥ គ្រួសារនៅក្នុង ២,៤៩៣ ភូមិ ៕

ប្រែសម្រួលដោយ ៖ ជីវ័ន្ត

ប្រភព ៖ The Nation Thailand